Фертина №30, саше
Тауарлардың көрінісі фотосуретте көрсетілгеннен өзгеше болуы мүмкін

Фертина №30, саше

Қолжетімділігі
Тауар қолда жоқ
Үлгі
6432100050915
Елі
Финляндия
Өндіруші
Orion Pharma
  • Сипаттама

Сипаттама

Фертина

Инозит 1000 мг Фолий қышқылы 100 мкг

Тағамға биологиялық белсенді қоспа, дәрілік зат болып табылмайды

Құрамы:

Еріткіш ұнтағы бар 1 қалташа-сашенің құрамын құрайды: инозит, фолий қышқылы;

көмекші заттар: мальтодекстрин толтырғышы, ваниль хош иістендіргіші, сукраолз тәттілендіргіші, тығыздалуға қарсы кремний диоксиді агенті.

1 қалташа-сашеге тағамдық құндылық: көмірсулар – 2 г, ақуыздар - < 0,1 г, майлар - < 0,1 г.

1 қалташа-сашеге энергетикалық құндылығы: 8 ккал (33 кДж).

Қолдану аймағы:

Фертинаны Инозит 1000 мг Фолий қышқылы 100 мкг (одан әрі - Фертина) инозит және фолий қышқылының қосымша көзі болып табылатын, биологиялық белсенді қоспа ретінде қолдану ұсынылады.

Қосымша ақпарат:

Құрамына кіретін құрамдауыштардың есебінен Фертина әйелдерде аналық бездердің әрекетсіздігі және еркектерде сперматогенез негізінде жатқан метаболизмдік бұзылуларды түзетуге мүмкіндік береді.

Фертина әйелдерде репродуктивті қызметке оң әсер етуі мүмкін, себебі оның құрамдауыштары аналық бездердің қызметін нормалауға, ооцит сапасын арттыруға және етеккір кезеңін қалпына келтіруге мүмкіндік туғызады. Фертина көпжылауықты аналық бездер синдромы (КАБС) кезінде көмекші зат ретінде, сондай-ақ көмекші репродуктивті технологиялар (КРТ) хаттамаларында қолданылуы мүмкін.

Фертина жүктілік алдындағы дайындық бағдарламаларына және экстракорпоральды ұрықтану (ЭКҰ) бағдарламаларына қатысатын бедеулігі бар еркектерде репродуктивті қызметке оң әсер етуі мүмкін.

Фертина инсулинге төзімділік және II типті диабет кезінде көмекші зат ретінде қолданылуы мүмкін.

Фертинаны әйелдерде гирсутизм, безеу, артық май мен шаштардың түсуі және андрогенді май басумен көрінетін андрогенді бұзылуларды жою үшін көмекші зат ретінде қолдануға болады.

Фертина құрамдауыштарының әрекеті:

ИНОЗИТ

Инозит (Мио-Инозитол, В8 дәрумені) В тобының дәруменді факторы болып табылады. Инозиттің аса көп мөлшері цитрусте, тұтас дақылдарда, кептірілген жемістерде, жержаңғақта, бидай өскіндерінде, бұршақтарда, ашытқыда, көкөніс көгінде болады. Жемістердің және жаңа піскен көкөністерің құрамында тоңазытылған, консервіленген және тұздалған өнімдерге қарағанда көп инозит болады. Инозит етеккір кезеңі бұзылған әйел пациенттерде өзінің артықшылығын көрсетті. 6 ай ішінде инозитті қабылдау 4 есе овуляциясыз қайталым санын төмендетуге мүмкіндік берді. Бұл әсер сарыдене гормоны (СГ) және фолликул жандандырушы гормон (ФЖГ) іске қосылған аналық бездердегі үдерістерге инозиттің оң ықпал етуімен байланысты [1].

Инозит КРТ алдында жүктілік алдындағы дайындық шеңберінде тағайындаған кезде оң нәтижелерді көрсетті. Инозит КРС хаттамаларында КАБС бар әйел пациенттерде ооциттердің атқарымдық күйін жақсартты [2]. ЭКҰ хаттамаларында асаовуляцияны ширықтыру кезеңдерін өтетін, КАБС жоқ әйел пациенттерде инозитті фолий қышқылына қосу клиникалық жүктілік санын төмендетпей қолданылатын жетілген ооциттер санын азайтуға және рекомбинантты ФЖГ мөлшерлеуін қысқартуға мүмкіндік береді, бұл аналық бездердің аса ширықтыру синдромының даму қауіп-қатерін төмендете алады [3].

КРТ шеңберінде еркектерге инозитті тағайындау шәуеттің сапасын арттыруға, жоғары митохондриялы жарғақтық шамамен қозғалмалы аталық ұрықтардың пайызын арттыруға мүмкіндік береді [4].

Рандомизацияланған клиникалық зерттеулердің нәтижелері аналық бездер қызметін арттыру, сондай-ақ КАБС кезінде метаболизмдік және гормонды бұзылуларды түзету үшін инозитті қолдануды ұсынуға мүмкіндік береді [5].

КАБС үшін тән инсулиннің қанда тым көбеюі инсулинге аналық бездер тіндерінің сақталған сезімталдығы кезінде гормонды бұзылулардың дамуына, андрогендер санының артуына алып келеді, бұл гирсутизм, безеу және андрогенді май басу түрінде көрінеді. Инозит андрогенді бұзылуларды жоюға мүмкіндік береді. Инозитті қабылдаған әйел паиценттерде СГ, пролактин, тестостерон деңгейінің, плазмада инсулиннің төмендеуі, СГ/ ФЖГ ара қатынасы, инсулинге сезімталдықтың қалпына келуі (глюкоза/инсулин және НОМА индексі ара қатынасы), етеккір қызметінің қалпына келуі байқалды, ал гирсутизм және безеу терапияның 6 айынан кейін азайды [6,7]. Басқа зерттеу үшглицеридтердің, инсулиннің деңгейінің анық төмендеуін, сондай-ақ овуляцияның қалпына келтірілуін көрсетті [8].

Инозит рецепторлардың инсулинге сезімталдығын жанама арттырып және жасушанының энергетикалық зат алмасуын ұстау үшін көмірсулар мен майлардың қайта жасалуын ынталандырып инсулинге төзімділіктің, диабеттің, артық салмақ пен май басудың даму қауіпін төмендетеді. Жүктіліктік диабеті бар әйел пациенттердің аш қарынға инозитті қабылдауы инсулин мен глюкоза деңгейінің төмендеуіне алып келді [9].

ФОЛИЙ ҚЫШҚЫЛЫ

Фолий қышқылы В тобының (В9 дәрумені) суда еритін дәрумені болып табылады. Фолий қышқылы амин қышқылы метаболизмінде, ақуыз бен нуклеин қышқылының түзілуінде (ең бірінші ДНҚ және РНҚ өнімдерінде) және хромосома репарациясында маңызды рөлді атқарады. Сондықтан ол жасушалардың дұрыс бөлінуі және тіндердің өсуі үшін өте маңызды болып саналады.

Фолий қышқылы үлкен жапырақтары бар жасыл көкөністердің, бауырдың, жұмыртқалардың және бұршақ тұқымдастардың құрамында болады, сонымен бірге, жемістерде (апельсинді есепмегенде), етте және сүтте оның құрамы айтарлықтай аз болып табылады.

Тағамды дайындау кезінде бар болғаны бірнеше минут ішінде фолаттарға дейін (90%) дерлік толық жойылады.

Жүктілікке дайындалу кезеңінде және жүктілік кезінде фолий қышқылының жетіспеушілігінде аналық жасушаның патологиясы, бала жолдасының ажырауы (жарым-жартылай сияқты, сондай-ақ абсолютті), тоқтап қалған жүктілік, өздігінен болған түсік (түсік); іштегі нәрестеде оттектің азаюына алып келуі мүмкін мисыздық, жүйке түтігі ақауы, суми, ағза көлемінің кішіреюі, қоянжырық, ақыл-ой дамуындағы кешеуіл, қаназдық сияқты балада туа біткен кемістік өріс алуы мүмкін.

Фолий қышқылы адамның ағзасында іс жүзінде жинақталмайды, сондықтан, жүктілік ағымының асқынуының және іштегі нәрестенің жүйке жүйесінің ақаулары дамуының алдын алу үшін фолий қышқылын жүктілікті жоспарлау кезеңінде де қабылдаған жөн.

Қолданылуы бойынша ұсыныстар:

Тікелей қолдану алдында 1 қалташа-саше Фертинаны 200 мл бөлме температурасындағы суға ерітіңіз және ішке қабылдаңыз.

Ересектерге ас ішу кезінде күніне 1 қалташа-саше қабылдау ұсынылады.

Ұсынылатын тәуліктік мөлшерде тұрады:

Құрамдауыш

1 қалташа-сашенің ішінде

Тәуліктік тұтынудың ұсынылатын деңгейінен %

Инозит

1000 мг

200**

Фолий қышқылы

100 мкг

50

* ТР ТС 022/2011 «Таңбалануына қатысты тағамдық өнім».

** Тұтынудың жоғары рұқсат берілетін деңгейінен аспайды, Санитарлық-эпидемиологиялық қадағалауға (бақылауға) жататын тауарларға қойылатын бірыңғай санитарлық-эпидемиологиялық және гигиеналық талаптар.

Қабылдаудың ұзақтығы: 1 ай.

Қолдану алдында дәрігерден кеңес алу ұсынылады. Қажет болған кезде қабылдау курсын қайталауға болады.

Тәуліктік мөлшерді және Фертинаны қабылдаудың ұзақтығын анықтау дәрігермен жеке жүргізілуі және осы қосымша парақта ұсынылған мөлшерден ерекшеленуі мүмкін. Дәрігер ұсынған мөлшерден артық қолдануға болмайды.

Қолдануға болмайтын жағдайлар: Құрамдауыштарды жеке көтере алмаушылық.

Шығарылу түрі: Салмағы 3 г қалташа-сашедегі суда еритін ұнтақ.

Ішіне салынған қосымша беті бар картон қорапта 30 қалташа-саше бар.

Сақтау шарттары: 25 оС-ден аспайтын температурада, құрғақ, балалар үшін қол жетпейтін жерде сақтау керек.

Жарамдылық мерзімі: 3 жыл. Қаптамада көрсетілген жарамдылық мерзімі өткеннен кейін қолдануға болмайды.

Іске асыру орны Еуразиялық экономикалық одақ мемлекеттерінің-мүшелерінің ұлттық заңнамасымен анықталады.

Дайындаушы: Орион Корпорейшн, Орионинтие 1, 02200, Эспоо, Финляндия (“Orion Corporation”, Orionintie 1, 02200. Espoo, Finland) үшін Файн Фудс & Фармасьютикалз Н.Т.М. С.п.А., Виа Берлино, 39, Зингония – Верделлино (БМ), Италия (“Fine Foods & Pharmaceuticals N.T.M. S.p.A.”, Via Berlino, 39, Zingonia – Verdellino (BG), Italy).

РФ тұтынушылардың шағымдарын қабылдайтын импортер/ұйым: «Орион Фарма» ЖШҚ

119034, Мәскеу қ., Сеченов көш., 6 ү., 3 құр.

Тел: (495) 363-50-73

Тел/факс: (495) 363-50-74

Мемлкеттік тіркеу туралы куәліктің нөмірі және күні: 08.08.2017-ден RU.77.99.88.003.E.003505.08.17

EAC

Әдебиеттер тізімі:

1. Venturella R.et al. Assessment of the modification of the clinical, endocrinal and metabolical profile of patients with PCOS syndrome treated with myo-inositol (итал.) // Minerva ginecologica. – 2012. – Vol. 64, n. 3. – P.239-243/

2. Papaleo E.et al. Myo-inositol may improve oocyte quality in intracytoplasmic sperm injection cycles. A prospective, controlled, randomized trial. (ағыл.) // Fertility and sterility. – 2009. – Vol. 91, n. 5. – P. 1750-1754.

3. Lisi F.et al. Pretreatment with myo-inositol in non polycystic ovary syndrome patients undergoing multiple follicular stimulation for IVF: a pilot study. (ағыл.) // Reproductive biology and endocrinology. RB&E. – 2012. – Vol. 10. – P.52.

4. Condorelli R.A. et al. Myoinositol: does it improve sperm mitochondrial function and sperm motility? // Urology. 2012. Vol. 79, n. 6. – P. 190-1295.

5. Unfer V. et al. Effects of myo- inositol in women with PCOS: a systematic review of randomized controlled trials. (ағыл.) // Gynecological endocrinology : the official journal of the International Society of Gynecological Endocrinology. – 2012. – Vol. 28, n. 7. – P. 509-515.

6. P.G. Artini. Et al. Endocrine and clinical effects of myo-inositol administration in polycystic ovary syndrome. A randomized study (ағыл.) // Gynecological Endocrinology: the official journal of the International Society of Gynecological Endocrinology. – 2013. – Vol. 29, n. 4. – P. 375-379.

7. Zacche M.et.al. Efficacy of myo- inositol in the treatment of cutaneous disorders in young women with polycystic ovary syndrome (ағыл.) // Gynecological endocrinology : the official journal of the International Society of Gynecological Endocrinology. – 2009. – Vol. 25, n. 8. – P. 508-513.

8. Costantino D.et al. Metabolic and hormonal effects of myo- inositol in women with polycystic ovary syndrome: a double-blind trial. (ағыл.) // European review for medical and pharmacological sciences. – 2009. – Vol. 13, n. 2. – P. 105-110.

9. Corrado F. et al. The effect of myoinositol supplementation on insulin resistance in patients with gestational diabetes. (ағыл.) // Diabetic medicine: a journal of the British Diabetic Association. – 2011. – Vol.28, n.8. – P.972-975.

A-0095241-01-1