Граммидин детский 1,5 мг+1 мг № 18 табл
Тауарлардың көрінісі фотосуретте көрсетілгеннен өзгеше болуы мүмкін

Граммидин детский 1,5 мг+1 мг № 18 табл

2904
Қолжетімділігі
Сатылымда бар
Үлгі
4602193011694
Елі
Россия
Өндіруші
Валента Фармацевтика ОАО
  • Сипаттама
  • Дәріханалар

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Граммидин® балаларға арналған

Халықаралық патенттелмеген атауы

Жоқ

Дәрілік түрі, дозалануы

Соруға арналған таблеткалар, 1,5 мг + 1 мг

Фармакотерапиялық тобы: Респираторлық жүйе. Тамақ ауруын емдеуге арналған препараттар. Антисептиктер. Басқа да препараттар.

АТХ коды: R02AA20

Қолданылуы

Тамақтың және ауыз қуысының ауыруымен қатар жүретін ауыз қуысы мен тамақтың инфекциялық-қабыну ауруларын симптоматикалық емдеуде: фарингит, тонзиллит, пародонтит, гингивит, стоматит.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

  • препарат компоненттеріне жоғары сезімталдық
  • фенилкетонурия (препарат құрамында аспартам бар)
  • лактация кезеңі
  • 4 жасқа дейінгі балалар

Қолдану кезіндегі қажетті сақтық шаралары

Препаратты ауыз қуысында ашық жаралар болғанда қабылдамаған жөн, өйткені цетилпиридиний хлориді жараның жазылуын баяулатады.

Басқа дәрілік препараттармен өзара әрекеттесуі

Қазіргі кезде басқа дәрілік заттармен клиникалық мәнді өзара әрекеттесу жағдайлары сипатталмаған.

Арнайы ескертулер

Препаратты қолданғаннан кейін бірден 1-2 сағат ішінде тамақжәне сусын ішуге болмайды.

Препаратты қабылдағанда 7 күн бойы емдік әсері болмаса, дәрігерге жүгіну керек.

Жүктілік немесе лактация кезінде қолдану

Жүкті әйелдер препаратты қолданар алдында дәрігермен кеңесуі қажет. Егер анасы үшін ықтимал пайдасы шаранаға төнетін ықтимал қауіптен асып түсетін болғанда, препарат қолданылуы мүмкін. Емдеу кезінде бала емізуді тоқтатқан жөн.

Дәрілік затттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат айрықша зейін қою мен жылдам реакцияны (автомобиль және басқа да көлік құралдарын басқару, қозғалатын механизмдермен жұмыс істеу, диспетчер және оператордың жұмысы және т.б.) талап ететін қауіптілігі зор қызмет түрлерін атқаруға әсер етпейді.

Қолдану бойынша ұсынымдар

Дозалау режимі

12 жастан асқан балалар мен ересектер: 2 таблеткадан (бірінің соңынан бірін 20-30 минут ішінде). Ең жоғары тәуліктік доза – 8 таблетка.

4-тен 12 жасқа дейінгі балалар: 1 таблеткадан. Ең жоғары тәуліктік доза – 4 таблетка.

Енгізу жолы және тәсілі

Жергілікті. Шайнамай, ауызда сору арқылы, тамақтан кейін қолданылады. Қабылдау уақыты көрсетілген қолдану жиілігі

Күніне 4 рет.

Емдеу ұзақтығы

7 күн бойы.

Артық дозалану жағдайында қабылдау қажет шаралар

Симптомдары: препаратты ұсынылғаннан асып түсетін дозада қабылдау бактериялық микрофлораның өзгеруі салдарынан асқазан-ішек жолы тарапынан бұзылуларды туындатуы мүмкін: жүрек айну, құсу, диарея.

Емі: препарат қабылдауды тоқтату және дәрігерге қаралу керек.

Дәрілік препараттың бір немесе бірнеше дозасын өткізіп алу кезінде қажетті шаралар

Жекелеген дозаларды өткізіп алған жағдайда препараттың қосарлы дозасын қабылдауға болмайды.

Тоқтату симптомдарының болу қаупіне нұсқау

Осы уақытқа дейін тоқтату симптомдары туралы хабарланған жоқ.

Дәрілік препаратты қабылдамас бұрын дәрігерге немесе фармацевтке жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиілігі белгісіз

Препарат компоненттеріне аллергиялық реакциялар, асқазан-ішек бұзылыстары (жүрек айну, диарея) болуы мүмкін.

Күтілген дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігін және осындай хабарламаны нұсқайтын алуан түрлі жолдарын қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында:

белсенді заттар:

грамицидин С дигидрохлориді – 1,60 мг (грамицидин С шаққанда - 1,50 мг);

цетилпиридиний хлориді моногидраты – 1,05 мг (цетилпиридиний хлоридіне шаққанда – 1,00 мг);

қосымша заттар: коллоидты кремнийдің қостотығы, тальк, лимон қышқылы моногидраты, аспартам, таңқурай хош иістендіргіші, сорбитол, магний стеараты.

Сыртқы түрінің, иісінің, дәмінің сипаттамасы

Дөңгелек, екі беті дөңес, бір жағында «GR» өрнегі және таңқурай иісі бар, түсі ақ немесе ақ дерлік таблеткалар. Аздап мәрмәрлануына жол беріледі.

Шығарылу түрі және қаптамасы

9 таблеткадан пішінді ұяшықты қаптамда немесе поливинилхлорид үлбірден немесе поливинилхлорид/поливинилиденхлорид үлбірден немесе біріктірілген материалдан (полиамид/алюминий/поливинилхлорид) және алюминий фольгадан жасалған тесіктері бар пішінді ұяшықты қаптамада.

2 пішінді ұяшықты қаптамадан медициналық қолдану жөніндегі орыс және қазақ тілдегі нұсқаулықпен бірге картон қорапшаға салынады.

Сақтау мерзімі

2 жыл.

Жарамдылық мерзімі өткеннен кейін қолдануға болмайды.

Сақтау шарттары

Жарықтан қорғалған жерде 25° C-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәліметтер

«Валента Фарм» АҚ

141101, Ресей,Мәскеу облысы, Щелково қ., Фабричная к-сі, 2 үй.

Телефон: +7 (495) 933-48-62, факс +7 (495) 933-48-63

Электронды пошта: moscowoffice@valentapharm.com

Тіркеу куәлігінің ұстаушысы

«Валента Фарм» АҚ

141101, Ресей, Мәскеу облысы, Щелково қ., Фабричная к-сі, 2 үй.

Телефон: +7 (495) 933-48-62, факс +7 (495) 933-48-63

Электронды пошта: moscowoffice@valentapharm.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Валента Азия» ЖШС

Қазақстан Республикасы, 050009, Алматы қаласы, Алмалы ауданы, Абай даңғылы, № 151 үй, № 1102 кеңсе

Телефон/факс +7 (727) 3341551 ішкі 4027

Ұялы +7 771 779 79 37

Электронды пошта: asia@valentapharm.com

Дәріханалар

Тауар артығымен бар
Тауар аз қалды
Аптека №165, Оскемен
Ауезова 11/1 ТД Эмилия
Круглосуточно
№210ПТ
г. Усть-Каменогорск, ул. Крылова, 47
08:00-22:00
Аптека №66 г.Усть-Каменогорск, ул.Амире Каршаубаева 6
г.Усть-Каменогорск, ул.Амире Каршаубаева 6
08:00-22:00
Аптека №300
ул. Жибек жолы 1
Круглосуточно
Аптека №308
Проспект Казбек би 42
Круглосуточно
Аптека №31, Оскемен, (КШТ)
г.Усть-каменогорск, Утепова 2
09:00-21:00
Аптека № 103, Оскемен
г.Усть-Каменогорск, ул. Кабанбай батыра, 124
08:00 - 21:00