Иммунорм 100 мг, №20, табл.
Тауарлардың көрінісі фотосуретте көрсетілгеннен өзгеше болуы мүмкін

Иммунорм 100 мг, №20, табл.

Қолжетімділігі
Тауар қолда жоқ
Үлгі
4030096789196
Елі
Германия
Өндіруші
Ратиофарм
  • Сипаттама

Сипаттама

Дәрілік затты медициналық қолдану

жөніндегі нұсқаулық

Иммунорм

Саудалық атауы

Иммунорм

Халықаралық патенттелмеген атауы

Жоқ

Дәрілік түрі

Таблеткалар 100 мг

Құрамы

Бір таблетканың құрамында

белсенді зат - 100,0 мг күрең қызыл эхинацея жаңа гүлдеген шөбінің құрғақ экстрактісі,

қосымша заттар: коллоидты кремнийдің қостотығы, сорбитол, натрий цикламаты, магний стеараты.

Сипаттамасы

Дөңгелек пішінді, екі беті дөңес, таралуы азды-көпті біркелкі емес түсі қоңыр немесе қою қоңыр теңбілдері бар сарғыш түсті таблеткалар.

Фармакотерапиялық тобы

Иммуномодуляторлар. Иммуностимуляторлар. Басқа да иммуностимуляторлар

АТХ кодыL 03AX

Фармакологиялық қасиеттері

Фармакокинетикасы

Фармакокинетикасы зерттелмеген.

Фармакодинамикасы

Иммунорм өсімдік текті зат болып табылады.Оның құрамына кіретін полисахаридтердің(мол. салмағы 25000 және 10000 фукогалактоксилоглюкандар) және қышқыл арабиногалактанның (мол. салмағы 75000) иммуномодуляциялайтын және қабынуға қарсы әсері бар. Лейкоциттер (гранулоциттер) санын арттырып және фагоцитозды белсендіріп, препараттың әсер етуші заттары адам организмінде микроорганизмдер көбеюін басады және ауру тудыратын бактериялар жойылуына ықпал етеді. Сонымен қоса, күрең қызыл эхинацея шөбінің тұмау және герпес қоздырғыштарына қатысты вирусқа қарсы әсері анықталған.

Қолданылуы

- суық тию аурулары кезінде бастапқы симптомдардың профилактикасы және емдеу

Қолдану тәсілі және дозалары

Таблеткаларды соруға, шайнауға немесе сумен ішуге болады. Таблеткаларды тамақ ішу уақытынабайланыссыз қабылдай береді.

Ересектер мен 12 жастан асқан балалар күніне 3-4 рет 1 таблеткадан қабылдайды.

6-дан 11 жасқа дейінгі балалар – күніне 2- 3 рет 1 таблеткадан .

Үздіксіз қолдану ұзақтығы 2 аптадан аспауы тиіс.

Жағымсыз әсерлері

Сирек

- терінің аса жоғары сезімталдық реакциялары (қышыну, тері бөртпесі, есекжем)

- Стивенс-Джонсон синдромы

Өте сирек

- бронх түйілуі обструкциямен

- аса жоғары сезімталдық салдарынан болатын демікпе

- ангиоісіну

- Квинке ісінуі

- анафилаксиялық шок

- аутоиммундық аурулар (жайылған энцефалит, түйінді эритема, аутоиммундық тромбоцитопения, тубулярлы бүйрек дисфункциясымен Шегрен синдромы)

- ұзақ қолданғанкездегі лейкопения (8 аптадан астам)

Қолдануға болмайтын жағдайлар

- препарат компоненттеріне және күрделігүлділер тұқымдас өсімдіктерге жоғары сезімталдық

  • үдемелі жүйелік аурулар (туберкулез, саркоидоз)
  • аутоиммундық аурулар (коллагеноз, жайылған склероз)
  • иммун тапшылығы жағдайлары (АИТВ-инфекция, ЖИТС)
  • 6 жасқа дейінгі балалар

- иммуносупрессиялар (онкологиялық цитостатикалық ем, анамнездегі ағзалар трансплантациясы немесе сүйек кемігі трансплантациясы)

- агранулоцитоз, лейкоз

- аллергиялық реакцияларға тұқым қуалайтын бейімділігі бар пациенттерге (есекжем, атопиялық дерматит, демікпе).

- фруктозаға тұқым қуалайтын жақпаушылық

Дәрілермен өзара әрекеттесуі

Күрең қызыл эхинацея шырынының басқа дәрілік заттармен қандай болмасын өзара әрекеттесуі туралы хабарлар жоқ. Дегенмен, иммунодепрессанттармен (циклоспоринмен және метотрексатпен) бір мезгілде қолдану ұсынылмайды.

Айрықша нұсқаулар

Егер препаратты қолданғанда пациенттің жағдайы нашарласа немесе температураның жоғарылауы байқалса, емдеуші дәрігермен кеңесу қажет.

Аллергиялық реакцияларға тұқым қуалайтын бейімділігі бар пациенттер (атопиялық дерматиті бар пациенттер) аса сақ болуы керек, салдарынан анафилаксиялық реакция даму қаупі болуы мүмкін.

Тыныс алу жолдарының шағымданулардың ұзақ уақыт сақталуы, ентігу, дене температурасының жоғарылауы немесе іріңді, болмаса қанды қақырықпен қатар жүретін қайталанатын инфекциялық аурулар жағдайында дәрігер кеңесі қажет. Препаратты қабылдаудың әсері болмағанда және несеп шығару жолдары ауруларының белгілері қайта пайда болғанда дәрігердің зерттеуі қажет.

Қант диабетімен ауыратын науқастарға арналған нұсқаулар

Бір таблетканың құрамында 570 мг сорбитол бар, бұл 0,05 НБ сәйкес.

Туа біткен фруктоза жақпаушылығы бар науқастар емді тек дәрігермен кеңесуден кейін ғана бастауы мүмкін.

Жүктілік және лактация

Жүктілік және бала емізу кезеңінде препараттың зиянды әсер етуі туралы хабарлар жоқ. Препаратты дәрігердің кеңесінсіз жүктілік және лактация кезінде және препаратты қолданудың қаупі пайдасынан асып түссе, қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Артық дозалануы

Анықталмаған

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада. 2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Түпнұсқалық қаптамасында, ылғалдан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Меркле ГмбХ», Блаубойрен, Германия

Тіркеу куәлігінің иесі

«ратиофарм ГмбХ», Ульм, Германия

Қазақстан Республикасы аумағында өнім (тауар) сапасы бойынша тұтынушылардан шағымдарды қабылдайтын және емдік дәрі-дәрмектердің қауіпсіздігін тіркеуден кейін бақылау үшін жауапты ұйым:

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ., 17/1, Нұрлы Тау БО, 5Б, 6 қабат. Телефон: (727)3251615, е-mail:

safety.Kazakhstan@tevapharm.com, веб сайт: www.teva.kz