Кораксан 5 мг № 56 табл покрытые оболочкой
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Кораксан 5 мг № 56 табл покрытые оболочкой

8963
Қолжетімділігі
Сатылымда бар
Үлгі
3594451300521
Елі
Франция
Өндіруші
Сервье
  • Сипаттама
  • Дәріханалар

Сипаттама

ДӘРІЛІК ПРЕПАРАТТЫ МЕДИЦИНАЛЫҚ ҚОЛДАНУ

ЖӨНІНДЕГІ НҰСҚАУЛЫҚ (Қосымша парақ)

Саудалық атауы

Кораксан®

Халықаралық патенттелмеген атауы

Ивабрадин

Дәрілік түрі

Қабықпен қапталған таблеткалар 5 мг және 7,5 мг

Фармакотерапиялық тобы

Жүрек-қантамыр жүйесі. Кардиологиялықпрепараттар. Басқа кардиологиялықпрепараттар. Ивабрадин.

АТХ коды С01ЕВ17

Қолданылуы

Тұрақты стенокардия

Синустық ырғағы қалыпты және ЖЖЖ минутына кемінде 70 рет соғатын ересек пациенттерде ЖИА кезіндегі тұрақты стенокардияны симптоматикалық емдеу:

– бета-блокаторларды қолдануға қарсы көрсетілімдер болғанда немесе олардың жақпаушылығында;

– бета-блокаторлардың оңтайлы дозасын қабылдауменжай-күйі толық бақыланбайтын пациенттерде бета-блокаторлармен біріктірілімде.

Созылмалы жүрек жеткіліксіздігі:

Бета-блокаторларды қолдануға қарсы көрсетілімдер болғанда немесе олардың жақпаушылығында немесе бета-блокаторлармен емді қамтитын стандартты еммен біріктірілімде синустық ырғағы және ЖЖЖ минутына кемінде 75 рет соғатын пациенттерде систолалық дисфункциямен жүретін NYHA жіктеуі бойынша жүректің II-IV класты созылмалы жүрек жеткіліксіздігін емдеуде.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- Белсенді затқа немесе қосымша заттардың біріне жоғары сезімталдық.

- Емдеу басталғанша минутына 70 рет соғудан төмен тыныш күйдегі жүректің жиырылу жиілігі.

- Кардиогенді шок

- Жедел миокард инфарктісі

- Ауыр гипотензия (< 90/50 мм сын.бағ.)

- Бауырдың ауыр жеткіліксіздігі

- Синустық түйіннің әлсіздік синдромы

- Синоатриальді блокада

- Тұрақсыз немесе жедел жүрек жеткіліксіздігі

- Электрокардиостимуляторға тәуелділік (жүрек ырғағы тек қана электрокардиостимулятормен берілсе)

- Тұрақсыз стенокардия

- ІІІ дәрежедегі атриовентрикулярлық блокада

- Зеңге қарсы азол препараттары (кетоконазол, итраконазол), макролидті антибиотиктер (кларитромицин, ішуге арналған эритромицин, джозамицин, телитромицин) сияқты Р450 3А4 цитохромының күшті тежегіштерімен, АИТВ-протеаза тежегіштерімен (нелфинавир, ритонавир) және нефазодонмен біріктірілген ем.

- ЖЖЖ төмендететін CYP3A4 орташа тежегіштері болып табылатын верапамилмен немесе дилтиаземмен біріктіру.

- Жүктілік, бала емізу және контрацепцияның тиімді құралдарын қолданбайтын бала туу жасындағы әйелдер.

- 18 жасқа дейінгі балалар

Қолдану кезінде қажетті сақтандыру шаралары

Симптоматикалық, созылмалы, тұрақты стенокардиясы бар пациенттерде клиникалық нәтижелерге оң әсерінің болмауы

Ивабрадинсозылмалы, тұрақты стенокардияны симптоматикалық емдеу үшін ғана тағайындалады, өйткені ивабрадин жүрек-қантамыр нәтижелеріне (мысалы, миокард инфарктісі немесе жүрек-қантамырлық өлім) оң әсер көрсетпейді

Жүректің жиырылу жиілігін өлшеу

Жүректің жиырылу жиілігінің уақыт өте келе елеулі өзгеруі мүмкін екеніне орай, ивабрадинмен ем басталғанша, сондай-ақ дозаны титрлеу керек болатын пациенттер жағдайында тыныш күйдегі ЖЖЖ анықталғанда ЖЖЖ сериялық өлшеулерінің, ЭКГ немесе амбулаторлық 24 сағаттық мониторинг нәтижелері ескерілуі тиіс. Бұл, әсіресе, ЖЖЖ минутына 50 реттен төмен немесе дозаны азайтудан кейінгі жүректің жиырылу жиілігі төмен пациенттерге де қатысты.

Жүрек аритмиясы

Ивабрадин жүрек аритмияларының емінде және профилактикасында тиімсіз, оның тахиаритмия басталған жағдайда (мысалы, қарыншаүстілік немесе қарыншалық пароксизмалық тахикардия) өз тиімділігін жоғалту ықтималдығы жоғары. Сондықтан жүрекшелер фибрилляциясы бар немесе синустық түйін функциясының төмендеуіне әкелетін жүрек аритмияларының басқа түрлері бар пациенттерге ивабрадин тағайындау ұсынылмайды.

Ивабрадинмен ем қабылдайтын пациенттерде жүрекшелер фибрилляциясының даму қаупі артады. Жүрекшелер фибрилляциясы амиодарон немесе аритмияға қарсы I класты қуатты препараттарды бір мезгілде қабылдайтын пациенттерде жиірек білінеді. Ивабрадинмен емнен өтетін пациенттерге жүрекшелер фибрилляциясын (тұрақты немесе пароксизмалық) анықтау тұрғысынан жүйелі клиникалық мониторинг өткізу ұсынылады, клиникалық көрсетілімдер болса, мониторингте ЭКГ мониторингі (мысалы, күшейтілген стенокардия, жүректің жиі соғуы, жүйесіз тамыр соғу жағдайында) қамтылуы тиіс. Пациенттерге жүрекшелер фибрилляциясының белгілері мен симптомдары туралы ескертіп, олар туындаған жағдайда дәрігерге қаралуға кеңес беру керек. Егер жүрекшелер фибрилляциясы емделу кезінде басталса, ивабрадинмен емдеуді жалғастырудың пайда және қауіп арақатынасын мұқият таразылау керек.

Қарыншаішілік өткізгіштік ақауларымен (Гисс шоғырының сол жақ тармақ блокадасы, Гисс шоғырының оң жақ тармақ блокадасы)созылмалы жүрек жеткіліксіздігі және қарыншалық диссинхрониясы бар пациенттер жіті қадағалауда болуы тиіс.

ІІ дәрежедегі атриовентикулярлық блокадасы бар пациенттерде қолдану ІІ дәрежедегі атриовентикулярлық блокадасы бар пациенттерге ивабрадин тағайындау ұсынылмайды.

Жүректің жиырылу жиілігі төмен пациенттерде қолдану

Емдеуді бастар алдында тыныш күйдегі жүректің жиырылу жиілігі минутына 70 рет соғудан аз құрайтын пациенттерге ивабрадинмен емді тағайындауға болмайды.

Егер емделу кезінде тыныш күйдегі жүректің жиырылу жиілігі минутына 50 рет соғудан төмен деңгейге дейін біртіндеп азайса және сол деңгейде сақталса немесе егер пациентте бас айналу, шаршау немесе гипотензия сияқты брадикардиямен байланысты симптомдар байқалса, онда дозаны төмендетіп титрлеу немесе егер брадикардия симптомдары немесе ЖЖЖ минутына 50 рет соғудан төмен деңгейде сақталса, емдеуді тоқтату керек.

Кальций өзекшелері блокаторларымен біріктірілген ем

Ивабрадинді верапамил немесе дилтиазем сияқты ЖЖЖ баяулататын кальций өзекшелерінің блокаторларымен бір мезгілде қабылдау қарсы көрсетілімді. Ивабрадинді нитраттармен және амлодипин сияқты кальций өзекшелерінің дигидропиридинді блокаторларымен біріктіріп қабылдағанда қабылдау қауіпсіздігімен байланысты қиындықтар болмаған. Кальций өзекшелерінің дигидропиридинді блокаторларымен біріктіріп қабылдау кезінде ивабрадиннің қосымша тиімділігі анықталмаған.

Созылмалы жүрек жеткіліксіздігі

Ивабрадин тағайындар алдында жүрек жеткіліксіздігінің тұрақтанғанына көз жеткізген жөн. NYHA функционалдық жіктеуі бойынша IV класты жүрек жеткіліксіздігі бар пациенттерге ивабрадин сақтықпен тағайындалу керек, өйткені осы қауымға қатысты деректер аз.

Инсульт

Ивабрадинді инсульттен кейін бірден қабылдау ұсынылмайды, өйткені ондай жағдайлар жөнінде деректер жоқ.

Көру

Ивабрадин торқабық функциясына ықпал етеді. Қазіргі таңда ивабрадиннің торқабыққа уытты әсер ету айғақтары жоқ, бірақ оның ұзақ уақыт (бір жылдан аса) қабылдау кезіндегі әсері әзірге белгісіз. Көру функциясының күтпеген бұзылулары орын алған жағдайда емдеуді тоқтату мәселесін қарастыру керек. Ивабрадин пигментті ретиниті (retinitis pigmentosa) бар пациенттерге тағайындалғанда сақ болу керек.

Қабылдау кезінде сақтану

Гипотензиясы бар пациенттер

Жеңіл немесе орташа гипотензиясы бар пациенттер туралы деректер аз, сондықтан осы топ пациенттеріне ивабрадин тағайындалғанда сақ болу керек. Ауыр гипотензиясы бар пациенттерге (артериялық қысымы < 90/50 мм. сын. бағ.) ивабрадин тағайындау қарсы көрсетілімді.

Жүрекшелер фибрилляциясы – Жүрек аритмиялары

Ивабрадинмен емнен өтетін пациенттерде фармакологиялық кардиоверсияда синустық ырғақты қалыпқа келтіргенде брадикардияның (шамадан тыс) басталу қаупі анықталмаған. Алайда, жеткілікті деректер санының болмауы себепті, ивабрадиннің соңғы дозасын қабылдаудан кейін 24 сағат ішінде тіке ағынмен кардиоверсияны шұғыл емес тәртіппен жүргізу мүмкіндігін қарастыру керек.

Туа біткен QT синдромы бар пациенттерде немесе QT аралығын ұзартатын препараттар қабылдайтын пациенттерде қолдану

Туа біткен QT синдромы бар пациенттерге немесе QT аралығын ұзартатын препараттар қабылдайтын пациенттерге ивабрадин тағайындалмау керек. Егер осындай біріктірілім қажет болса, жүрек жұмысына мұқият мониторинг өткізген жөн. Ивабрадин туындататын жүректің жиырылу жиілігінің төмендеуі QT аралығының ұзаруын күшейтуі, бұл ауыр аритмияны, атап айтқанда, екі бағытты тахикардияны туғызуы мүмкін.

Артериялық қысымын емдеуді өзгерту қажет болатын гипертензиясы бар пациенттер.

SHIFT зерттеуінде ивабрадин қабылдаған пациенттерде (7,1%) жоғары артериялық қысым көріністерінің басталуы плацебо қабылдаған пациенттердегіден (6,1%) жиірек болды. Бұл көріністер бәрінен жиірек артериялық қысым емін өзгертуден кейін тез арада басталды. Олар өткінші болды және ивабрадиннің емдік әсеріне ықпал етпеді. Ивабрадин қабылдайтын созылмалы жүрек жеткіліксіздігі бар пациенттерді емдеудегі өзгерістерде артериялық қысымды жүйелі қадағалау керек.

Басқа дәрілік заттармен өзара әрекеттесуі

Біріктіріп қабылдау ұсынылмайды

QT аралығын ұзартатын мына препараттармен:

- QT аралығын ұзартатын жүрек-қантамыр препараттары (мысалы, хинидин, дизопирамид, бепридил, соталол, ибутилид, амиодарон).

- жүрек-қантамыр ауруларын емдеуге арналмаған, QT аралығын ұзартатын препараттар (мысалы, пимозид, зипразидон, сертиндол, мефлокин, галофантрин, пентамидин, сизаприд, вена ішіне енгізілетін эритромицин).

Ивабрадин қабылдағанда жүрек-қантамыр препараттарын және жүрек-қантамыр ауруларын емдеуге арналмаған, QT аралығын ұзартатын препараттарды бір мезгілде қабылдамау керек, өйткені QT аралығының ұзаруы жүректің жиырылу жиілігі шектен тыс қысқарғанда асқынуларға әкелуі мүмкін. Егер ондай біріктірілім қажет болса, жүрек қызметіне мұқият мониторинг өткізу керек.

Препараттарды біріктіріп қолдану кезінде сақтану

Калий жинақтаушы диуретиктер (тиазидті және ілмектік диуретиктер): гипокалиемия аритмияның туындау қаупін арттыруы мүмкін. Ивабрадин брадикардияны туғызуы мүмкін екендіктен, осы орайда туындайтын гипокалиемия мен брадикардияның қосылуы, әсіресе, әрі туа біткен, әрі химиялық заттардан туындаған QT аралығының ұзару синдромы бар пациенттерде ауыр аритмияның басталуына бейімдейтін фактор болып табылады.

Фармакокинетикалық өзара әрекеттесу түрлері

P450 3A4 цитохромы (CYP3A4)

Ивабрадин метаболизмі CYP3A4 цитохромының қатысуымен ғана жүреді, бұл орайда ивабрадин осы цитохромның өте әлсіз тежегіші болып табылады. Ивабрадиннің басқа CYP3A4 субстраттарының (әлсіз, орташа және күшті тежегіштері) метаболизміне де, плазмадағы концентрациясына да ықпал етпейтіні көрсетілген. CYP3A4 тежегіштері мен индукторларының ивабрадинмен өзара әрекеттесуіне жол беріледі және оның метаболизмі мен фармакокинетикасына,клиникалық тұрғыда, едәуір шамада ықпал етеді. Әртүрлі медициналық препараттардың өзара әрекеттесуін зерттеу барысында CYP3A4 тежегіштерінің плазмадағы ивабрадин концентрациясын арттыратыны, ал индукторларының оның төмендеуіне әкелетіні анықталған. Плазмада ивабрадин концентрациясының жоғарылаған деңгейлері шамадан тыс брадикардияның басталу қаупімен қатар жүруі мүмкін.

Біріктіріп қабылдауға қарсы көрсетілімдер

Зеңге қарсы азол препараттары (кетоконазол, итраконазол), макролидті антибиотиктер (кларитромицин, ішуге арналған эритромицин, джозамицин, телитромицин) сияқты СYР3А4 күшті тежегіштерімен, АИТВ-протеаза тежегіштерімен (нелфинавир, ритонавир) және нефазодонмен біріктіріп қабылдау қарсы көрсетілімді.Кетоконазол (күнделікті 200 мг күніне бір рет) және джозамицин (1 г күніне екі рет) CYP3A4 қуатты тежегіштері плазмада ивабрадин орташа экспозициясының 7-8 есе ұлғаюына әкелген.

СYР3А4 орташа тежегіштерімен: дені сау еріктілер мен пациенттердің қатысуымен жүргізілген өзара әрекеттесу зерттеулері ивабрадинді ЖЖЖ төмендететін заттармен, дилтиаземмен немесе верапамилмен бір мезгілде қолданудың ивабрадин экспозициясының (АUС 2-3 есе ұлғаюы) ұлғаюына, сондай-ақ ЖЖЖ минутына 5 рет соғатын қосымша төмендеуіне әкелетінін көрсетті. Осы дәрілік препараттармен бір мезгілде агомелатин қабылдау қарсы көрсетілімді.

Біріктіріп қабылдау ұсынылмайды

Грейпфрут шырыны: грейпфрут шырынымен бір мезгілде қабылдағанда ивабрадин экспозициясы екі есе ұлғаяды. Осылайша, грейпфрут шырынын ішуге болмайды.

Біріктіріп қабылдау кезіндегі сақтандырулар

- СYР3А4 орташа тежегіштерімен: күніне екі рет 2,5 мг бастапқы дозасында және тыныш күйдегі жүректің жиырылу жиілігі минутына 70 рет соғудан көп құраған жағдайда ЖЖЖ мониторингін өткізумен ивабрадинді басқа СYР3А4 орташа тежегіштерімен (мысалы, флуконазолмен) біріктіріп қабылдауға болады.

- СYР3А4 индукторларымен: СYР3А4 индукторлары (мысалы, рифампицин, барбитураттар, фенитоин, Hypericum perforatum [шілтер жапырақты шайқурай]) ивабрадин экспозициясы мен белсенділігінің төмендеуіне әкелуі мүмкін. СYР3А4 индукторлары болып табылатын медициналық препараттарды бір мезгілде қабылдау ивабрадин дозасын түзету қажеттілігіне әкелуі мүмкін. Шілтер жапырақты шайқураймен біріктірілімде күніне екі рет 10 мг ивабрадин қабылдаудың ивабрадин АUС 2 есе қысқаруына алып келетіні көрсетілген. Ивабрадинмен емделу кезінде шілтер жапырақты шайқурай тұтынуды қысқарту қажет.

Біріктіріп қолданудың басқа түрлері

Фармакологиялық өзара әрекеттесудің арнаулы зерттеулер нәтижелері бойынша, келесі медициналық препараттар ивабрадин фармакокинетикасына және фармакодинамикасына клиникалық мәнді әсерін тигізбейді: протонды сорғы тежегіштері (омепразол, лансопразол), силденафил, гидроксиметилглутарил-кофермент А-редуктаза тежегіштері (симвастатин), гидропиридиндер тобындағы кальций өзекшелерінің блокаторлары (амлодипин, лацидипин), дигоксин және варфарин. Бұдан бөлек, ивабрадиннің симвастатин, амлодипин, лацидипин фармакокинетикаcына, дигоксин, варфарин фармакокинетикасы мен фармакодинамикасына және аспирин фармакодинамикасына клиникалық мәнді әсер етпейтіні анықталған.

III фазаның негізгі клиникалық сынақтарында келесі медициналық препараттар әдеттегі тәртіпте ивабрадинмен біріктірілген және қабылдау қауіпсіздігіне қатысты мазасыздықтың туындауына әкелмеген:ангиотензин өзгертуші фермент тежегіштері, ангиотензин II рецепторларының антагонистері, бета-блокаторлар, диуретиктер, альдостеронға қарсы заттар, қысқа және ұзақ әсер ететін нитраттар, гидроксиметилглутарил-кофермент A-редуктаза тежегіштері, фибраттар,протонды сорғы тежегіштері, диабетке қарсы ішуге арналған препараттар, аспирин және басқа антитромбоцитарлық дәрілік препараттар.

Педиатриялық қауым

Өзара әрекеттесу зерттеулері ересектермен ғана жүргізілген.

Арнайы ескертулер

Қосымша заттар

Препарат құрамында лактоза бар, осыған орай, тұқым қуалайтын лактоза жақпаушылығы, Лапп лактаза тапшылығы немесе глюкоза мен галактоза сіңуінің бұзылуы бар пациенттер оны қабылдамау керек.

Педиатрияда қолдану

Препаратты балаларға және 18 жасқа дейінгі жасөспірімдерге тағайындау ұсынылмайды.

Жүкті болып қалуы мүмкін әйелдер

Емделу кезінде жүкті болып қалуы мүмкін әйелдер контрацепцияның тиімді құралдарын пайдалануы тиіс.

Жүктілік

Жүктілік кезінде әйелдердің ивабрадин қабылдау деректері жоқ немесе шектеулі. Жануарларға жүргізілген зерттеулерде ивабрадинніңтұқым өрбітуге уыттылығы, эмбриоуытты және тератогенді әсері анықталды. Адамның қолдануы кезінде ықтималды қаупі белгісіз. Сондықтан, жүктілік кезінде ивабрадин қабылдау қарсы көрсетілімді.

Бала емізу

Жануарларға жүргізілген тәжірибелер ивабрадиннің сүтке бөлінетінін көрсетеді. Сондықтан, бала емізу кезеңінде ивабрадин қабылдау қарсы көрсетілімді. Ивабрадинмен емдеу қажет болатын әйелдер бала емізуді тоқтатып, сәбиді қоректендірудің басқа тәсіліне ауысуы тиіс.

Фертильділігі

Егеуқұйрықтардағы зерттеулерде ұрғашы және еркектерінің фертильділігіне әсері анықталмады.

Дәрілік заттың автокөлікті және қауіптілігі зор механизмдерді басқару қабілетіне әсер ету ерекшеліктері

Дені сау еріктілердің қатысуымен арнайы зерттеу жүргізілген. Оның мақсаты ивабрадиннің автокөлік жүргізу қабілетіне ықпал ету мүмкіндігін бағалау болды. Ивабрадиннің автокөлік жүргізу сапасына ықпал ету дәлелдері алынбаған. Алайда, тіркеуден кейінгі қолдану кезеңінде көрудің нашарлау симптомдары салдарынан жүргізу қабілетіне ықпал ету жағдайлары анықталған. Ивабрадин негізінен фосфен түрінде уақытша жарықты сезінудің пайда болуын тудыруы мүмкін. Мұндай жарық сезінудің пайда болу мүмкіндігін автокөлік жүргізгенде немесе жарықтың кенеттен өзгеруі мүмкін жағдайларда механизмдерді басқаруда, әсіресе түнгі уақытта жүргізгенде ескеру қажет. Ивабрадин механизмдермен жұмыс істеу қабілетіне ықпал етпейді.

Қолдану бойынша ұсынымдар

Қабықпен қапталған таблеткалар 5 мг және 7,5 мг ивабрадин мөлшерімен әртүрлі дозаларда болады.

Дозалау режимі

Таблеткаларды күніне екі рет ішу арқылы, яғни тамақтану кезінде таңертең және кешкілік бір таблеткадан қабылдау керек.

Созылмалы тұрақты стенокардияны симптоматикалық емдеу

ЖЖЖ сериялық өлшеулері, ЭКГ немесе амбулаторлық 24-сағаттық мониторинг өткізілген жағдайларда емдеуді бастау немесе титрлеу шешімін қабылдауға кеңес беріледі. Ивабрадиннің бастапқы ұсынылатын дозасы 75 жасқа толмаған пациенттерде күніне екі рет 5 мг-ден асырылмауы тиіс. Емнің 3-4 аптасынан кейін, егер пациентте симптомдар әлі де сақталса, егер бастапқы доза жағымдылығы жақсы болса және тыныштықтағы ЖЖЖ минутына 60 реттен жоғары күйде қалса, тәулігіне екі рет 2,5 мг немесе тәулігіне екі рет 5 мг қабылдайтын пациенттерге дозаны келесі белгіге дейін арттыруға болады. Демеуші доза тәулігіне екі рет 7,5 мг-ден аспауы тиіс.

Егер стенокардия симптомдары емдеу басталған соң 3 ай ішінде жақсармаса, ивабрадин қабылдауды тоқтату керек.

Бұдан бөлек, егер симптоматикалық жауап аз ғана болса немесе тыныш күйдегі ЖЖЖ клиникалық мәнді төмендеуі үш ай ішінде басталмаса, емдеуді тоқтатуды ойластыру керек. Егер емделу кезінде тыныш күйде жүректің жиырылу жиілігі минутына 50 рет соғудан (соғу/мин) аспаса немесе егер пациентте бас айналу, шаршау немесе гипотензия сияқты брадикардиямен байланысты симптомдар байқалса, доза азаю жағына қарай, қажет болса, күніне екі рет ең төмен 2,5 мг дозаға дейін (күніне екі рет 5 мг таблетканың жартысы) титрленуі тиіс. Дозаны азайтудан соң жүректің жиырылу жиілігін қадағалау керек.

Егер жүректің жиырылу жиілігі минутына 50 рет соғудан төмен күйде қалса немесе брадикардия симптомдары дозаны азайтуға қарамастан басылмаса, емдеуді тоқтату керек.

Созылмалы жүрек жеткіліксіздігін емдеу

Ивабрадиннің әдеттегі бастапқы ұсынылатын дозасы күніне екі рет 5 мг құрайды. Егер тыныш күйдегі ЖЖЖ минутына 60 рет соғудан төмен екпінмен азаймаса, екі апта емделуден кейін дозаны аптасына екі рет 7,5 мг дейін арттыруға болады; егер тыныш күйдегі ЖЖЖ минутына 50 айналымнан жоғары екпінмен көтерілмесе немесе бас айналу, шаршау немесе гипотензия сияқты қатарлас брадикардия симптомдары болса, дозаны күніне екі рет 2,5 мг дейін (күніне екі рет 5 мг таблетканың жартысы) азайтуға болады. Егер ЖЖЖ минутына 50 реттен бастап, 60 ретке дейін соғуды құраса, күніне екі рет 5 мг доза өзгеріссіз күйде қалады.

Егер емделу кезінде тыныш күйдегі ЖЖЖ минутына 50 рет соғудан жоғары көтерілмесе немесе егер пациентте брадикардиямен байланысты симптомдар байқалса, онда күніне екі рет 7,5 мг немесе күніне екі рет 5 мг қабылдайтын пациенттерде доза азаю жағына қарай бір қадам титрленуі тиіс. Егер тыныш күйдегі ЖЖЖ минутына 60 реттен көп соғу деңгейінде тұрақтаса, күніне екі рет 2,5 мг немесе күніне екі рет 5 мг қабылдайтын пациенттерде дозаны көбейту жағына қарай бір қадам титрлеуге болады.

Егер ЖЖЖ минутына 50 рет соғудан төмен күйде қалса немесе брадикардия симптомдары басылмаса, емдеуді тоқтату керек («Айрықша нұсқаулар» бөлімін қараңыз).
Қауымдардың жекелеген санаттары

Егде жастағы пациенттер

75 жастағы және одан асқан пациенттерге төменірек дозасын тағайындау керек (күніне екі рет 2,5 мг, яғни күніне екі рет 5 мг таблетканың бір жартысын), қажет болса, дозаны көбейту жағына қарай титрлеуге болады.

Бүйрек жеткіліксіздігі

Бүйрек жеткіліксіздігімен және креатинин клиренсі минутына 15 мл артық пациенттер үшін дозаны түзету қажет емес. Креатинин клиренсі минутына 15 мл төмен пациенттер туралы деректер жоқ, сондықтан ивабрадин осы топ пациенттеріне тағайындалғанда сақ болу керек.

Бауыр жеткіліксіздігі

Бауыр жеткіліксіздігі жеңіл пациенттер үшін дозаны түзету қажет емес. Бауыр жеткіліксіздігі орташа пациенттерге ивабрадин тағайындалғанда сақ болу керек. Ивабрадинді бауыр жеткіліксіздігі ауыр пациенттерге тағайындау қарсы көрсетілімді, өйткені осы қауымның қатысуымен зерттеу жүргізілмеген және оны қабылдау жүйелі экспозицияның күрт ұлғаюын туындатуы мүмкін.

Педиатриялық қауым

Ивабрадиннің 18 жасқа дейінгі балалардағы қауіпсіздігі мен тиімділігі соңына дейін зерттелмеген.

Артық дозалану жағдайында қолданылуы қажет шаралар

Симптомдары

Артық дозалану ауыр және ұзаққа созылатын брадикардияға әкелуі мүмкін.

Емі.

Брадикардияның ауыр түрлерінде стационарда симптоматикалық ем жүргізген жөн. Әлсіз гемодинамикалық жақпаушылығы бар брадикардияда өзінде изопреналин сияқты бета-көтермелеуші препараттарды вена ішіне енгізуді қамтуы мүмкін симптоматикалық ем жүргізген жөн. Қажет болғанда, уақытша электрокардиостимуляция тағайындауға болады.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда (қажет болғанда) қабылдануы керек шаралар

Препараттың қолданылуы шамамен 45 000 пациент қатысқан зерттеулерде зерттелген. Ивабрадиннің ең көп жиі жағымсыз әсерлері - жарыққа сезімталдық өзгерістері (фосфендер) мен брадикардия дозаға тәуелді сипатта және препараттың әсер ету механизмімен байланысты болды.

Жағымсыз реакциялар тізбесі

Клиникалық зерттеулерде аталған жағымсыз реакциялар жиілігі келесі бөліктер түрінде белгіленген: өте жиі (>1/10); жиі (>1/100, <1/10); жиі емес (>1/1000, <1/100); сирек (>1/10 000, <1/1000); өте сирек (<1/10 000); жиілігі нақтыланбаған (қолжетімді деректер бойынша жиілігін есептеу мүмкін емес).

Өте жиі (³1/10)

- Жарықты сезіну (фосфендер). Негізінен, фосфендер кейінгі қайталануы мүмкін алғашқы екі айда пайда болды. Әдетте фосфендер айқындығы әлсіз немесе орташа болған. Фосфендер пайда болуы емді жалғастыру аясында(77,5% жағдайларда) немесе ол аяқталғаннан кейін басылды.

Жиі (³1/100 to <1/10)

- брадикардия

- I дәрежедегі атриовентрикулярлық блокада (ЭКГ –да ұлғайған PQ аралығы)

- қарыншалық экстрасистолия

- жүрекше фибрилляциясы

- анық көрмеу

-бақыланбайтын артериялық қысым

- бас ауыруы, әсіресе емнің бірінші айында

- бас айналуы, брадикардиямен байланысты болуы мүмкін

Жиі емес (³1/1,000 to <1/100)

- жүрек қағуын сезіну, қарынша үстілік экстрасистолия

- вертиго

- ентігу

- гипотензия*, брадикардиямен байланысты болуы мүмкін

- бұлшықеттердің құрысулары

- жүрек айнуы, іш қатуы, диарея, іштің ауыруы *

- гиперурикемия, эозинофилия

- ангионевроздық ісіну*

- бөртпе*

- көзге қосарланып көріну *, көрудің бұзылуы*

- астения*, брадикардиямен байланысты болуы мүмкін

- қандағы креатининнің жоғары деңгейі

- ЭКГ-да QT ұзарған аралығы

- естен тану*, брадикардиямен байланысты болуы мүмкін

Сирек (³1/10,000 to <1/1,000)

- эритема*, қышыну*, есекжем*

-өзін нашар сезіну*, брадикардиямен байланысты болуы мүмкін

Өте сирек (<1/10,000)

-жүрекше фибрилляциясы

- II дәрежедегі атриовентрикулярлық блокада

- III дәрежедегі атриовентрикулярлық блокада

- синустық түйіннің әлсіздік синдромы

* Жиілігі өздігінен түскен мәлімдеулерден анықталған жағымсыз құбылыстарды клиникалық зерттеулер нәтижелері бойынша есептелген

Жеке-дара жағымсыз реакциялардың сипаттамасы

Жарықты сезіну (фосфендер) 14,5% пациенттерде сипатталды және бұл көру аумағының шектеулі аймағында жоғары айқындықты қысқа уақытта сезіну ретінде сипатталды. Әдетте бұндай құбылыстарға жарық берудің қарқындылығы күрт өзгеруі түрткі болды. Фосфендер түстің көзі айналасында түрлі-түсті дөңгелектер, бейненің декомпозициясы (стробоскопиялық немесе калейдоскоптық әсер), түрлі-түсті айқын жарық беру, көп реттік бейне (персистенция) ретінде сипатталуы мүмкін. Негізінен, фосфендер кейінгі қайталануы мүмкін алғашқы екі айда пайда болды. Әдетте фосфендер айқындығы әлсіз немесе орташа болған. Фосфендер пайда болуы емді жалғастыру аясында(77,5% жағдайларда) немесе ол аяқталғаннан кейін басылды. Пациенттердің кемінде 1%-да фосфендердің пайда болуы күнделікті өмірдегі өзгерістер немесе емделуден бас тарту себебінен болды. Брадикардия 3,3% пациенттерде, әсіресе емнің алғашқы екі-үш айында байқалды. Пациенттердің 0,5%-да минутына 40 соғудан кем немесе тең айқын брадикардия дамыды.

SIGNIFY зерттеулерінде жүрекше фибрилляциясы плацебо тобындағы 3,8% салыстырғанда ивабрадин қабылдаған 5,3% пациенттерде анықталды. Барлық салыстырмалы жасырын, ең кемі 3 ай жалғасатын, 40 000 пациенттен астамды қамтитын бақыланатын клиникалық II/III фаза зерттеулерінің жиынтық талдауында 1,26, 95% CI [1,15-1,39] қаупінің арақатынасына сәйкес 4,08% бақылаумен салыстырғанда ивабрадин қабылдаған пациенттердің арасында жүрекше фибрилляциясының жаңа жағдайларының жиілігі 4,86% құрады.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – 5 мг немесе 7,5 мг ивабрадин (сәйкесінше 5,390 мг немесе

8,085 мг ивабрадин гидрохлоридіне баламалы),

қосымша заттар: лактоза моногидраты, магний стеараты, жүгері

крахмалы, мальтодекстрин, сусыз кремнийдің қостотығы,

үлбірлі қабық: глицерин, гипромеллоза, темірдің сары тотығы Е172,

темірдің қызыл тотығы Е172, макрогол 6000, магнийстеараты, титанның қостотығы Е171

Сыртқы түрінің, иісінің, дәмінің сипаттамасы

Ұзынша пішінді, бүйірінде (қабырғасында) бөлуге арналған белгісі, бір жағында “5” өрнегі және екінші жағында таңбасы бар, қызыл сары-қызғылт түсті қабықпен қапталған таблеткалар (5 мг доза үшін)

Үшбұрыш пішінді,бір жағында “7.5” өрнегі және екінші жағындатаңбасы бар, қызыл сары-қызғылт түсті қабықпен қапталған таблеткалар (7.5 мг доза үшін)

Шығарылу түрі және қаптамасы

14 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салады.

2 немесе 4 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

30 оС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Les Laboratoires Servier Industrie (Ле Лаборатуар Сервье Индастри), Франция

Тіркеу куәлігінің ұстаушысы

Les Laboratoires Servier (Ле Лаборатуар Сервье)

50, рю Карно

92284, Сюрен седекс, Франция

Тел: +33 (0)1 55 72 60 00

Электронды пошта: www.servier.com

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Сервье Қазақстан» ЖШС

050020, Алматы қ., Достық к-сі 310г, Бизнес орталығы, 3 қабат

Тел.: (727) 386 76 62/63/64/70/71

Факс: (727) 386 76 67

e-mail: kazadinfo@servier.com

Дәріханалар

Тауар артығымен бар
Тауар аз қалды
Аптека №165, Оскемен
Ауезова 11/1 ТД Эмилия
Круглосуточно
Аптека №300
ул. Жибек жолы 1
Круглосуточно