Біздің компаниямыз жайлы жалпы ақпарат.
Дәрілік затты
медициналық қолдану
жөніндегі нұсқаулық
Нивалин®
Саудалық атауы
НивалинÒ
Халықаралық патенттелмеген атауы
Галантамин
Дәрілік түрі
Инъекцияға арналған ерітінді 2,5 мг/мл; 5 мг/мл; 10 мг/мл
Құрамы
1 мл ерітінді құрамында
белсенді зат: 2,5 мг, 5 мг немесе 10 мг галантамин гидробромиді,
қосымша заттар: натрий хлориді, инъекцияға арналған су.
Сипаттамасы
Түссізден бозғыл сары түске дейінгі, іс жүзінде бөлшектерден бос, мөлдір сұйықтық.
Фармакотерапиялық тобы
Жүйке жүйесі ауруларын емдеуге арналған препараттар.Психоаналептиктер. Деменцияны емдеуге арналған препараттар. Холинэстераза тежегіштері. Галантамин
ATХ коды N06DА04
Фармакологиялық қасиеттері
Фармакокинетикасы
Галантамин иондалған константалы (pKa 8,2) сілтілік қоспа болып табылады. Октанол мен буферлік ерітінді арасындағы таралу коэффициенті 1,09 тең болатын әлсіз липофильділігі бар. Суда ерігіштігі 31 мг/мл құрайды.
Парентеральді енгізгеннен кейін галантаминнің биожетімділігі80-100% құрайды. Ең жоғары плазмалық концентрациялар оны енгізгеннен кейін 1 және 2 сағат аралығында анықталады.
Таралуы
Қан ақуыздарымен 18% дейінгі төменгі дәрежеде байланысады. Гемато-энцефальді бөгет арқылы жеңіл өтеді және ми тіндерінде плазмадағыдан 2-3 есе жоғары концентрацияда анықталады. Таралу көлемі шамамен 175 л құрайды.
Метаболизмі
Галантаминнің қабылданған дозасының 75% дейіні негізінен P450 цитохром (CYP3A4 және CYP2D6) жүйесімен бауырда метаболизденеді. in vitro зерттеулерде CYP2D6 изоферментінің О-дезметилгалантамин түзуге, ал CYP3A4N- оксид-галантамин түзугеқатысатыны анықталған. Фермент белсенділігі төмен (“нашар метаболизаторлар”) адамдарда фермент белсенділігі қалыпты (“жақсы метаболизаторлар”) пациенттермен салыстырғанда өзгермеген галантаминнің (50% дейін) жоғарырақ деңгейі анықталады. Негізгі метаболиттері - епигалантамин, галантаминон және норгалантамин плазмада және несепте анықталады, бірақ олардың фармакологиялық белсенділігі туралы деректер жоқ.
Шығарылуы
Галантаминнің жартылай шығарылу уақыты шамамен 5 сағатты құрайды. Орталық компартименттің элиминациялануы шеткерімен салыстырғанда жылдамырақ жүреді. Галантамин негізінен өзгермеген түрде және метаболиттер түрінде (галантаминон, епигалантамин) гломерулярлық сүзілу (72 сағатта 74 ± 23% дейін) көмегімен шығарылады. Галантаминнің бүйректік клиренсі минутына 100 мл-ге жуықты құрайтыны, бұл инулиннің клиренсіне тиісінше креатинин жақын болып табылатыны анықталған.
Бауырда конъюгацияға ұшырамайды және оның 24 сағат бойына өтпен шығарылуы - 0,2 ± 0,1% елеусіз болып табылады.
Галантаминнің фармакокинетикасы емдік дозалау диапазонында дозаға байланысты сипатта болады. Оны көп рет қолданғанда галантаминнің жинақталуы бақыланбайды.
Галантаминнің плазмалық концентрациясы және емдік концентрациясы немесе жағымсыз әсерлері арасында корреляция анықталмаған.
Бауыр функциясының бұзылуы бар пациенттер
Бауыр бұзылуының ауырлығы орташа пациенттерде (Child-Pugh бойынша ауырлығы 7-9 дәрежедегі) галантамин клиренсі шамамен 25% азаяды. Галантаминнің плазмалық концентрациясы жоғарылауы мүмкін, осыған байланысты бұндай пациенттерде галантаминнің тәуліктік дозасын 15 мг дейін төмендету қажет.
Орташадан ауырға дейінгі бауыр бұзылуы бар пациенттердеAUC бағаны 37-67% жоғарылайды. Бауыр функциясының ауыр бұзылуы (Child-Plough бойынша дәрежесі >9) бар пациенттерде галантамин қолдануға болмайды.
Бүйрек функциясы бұзылуы бар пациенттер
Галантамин және оның метаболиттері негізінен бүйрекпен шығарылады. Зерттеу деректері креатинин клиренсі төмен пациенттерде галантамин шығарылуының баяулауы мүмкіндігін көрсетеді.
Бүйрек жеткіліксіздігі орташа дәрежедегі пациенттерде галантаминнің тәуліктік дозасы 15 мг жоғары болмауы тиіс.
Бүйрек жеткіліксіздігі ауыр дәрежедегі пациенттерде (креатинин клиренсі 10 мл/мин төмен) галантамин қолдануға болмайды.
Егде жастағы пациенттерде (65 жастан үлкендерде) галантаминнің плазмалық концентрациясы 30-40% жоғары болуы мүмкін.
Ерлер мен әйелдер арасында, сондай-ақ әртүрлі нәсілдер арасында галантаминнің фармакокинетикалық параметрлерінің айырмашылығы бақыланбаған.
Фармакодинамикасы
Галанатамин әсері тікелей емес, парасимпатомиметиктер тобының үшіншілік алкалоидтарына жатады.Ацетилхолинестераза ферментінің іріктелген бәсекелес және қайтымды тежегіші болып табылады. Орталық жүйке жүйесінде ацетилхолин деңгейінің жоғарылауын туындатады. Оның ацетилхолинестераза тежегіштері ретіндегі әсерінен басқа ол орталық жүйке жүйесінде ең кеңінен таралған alpha4/beta2 субтипінің никотинді ацетилхолиндік рецепторларының аллостериялық лиганды болып табылады.
Сондай-ақ ацетилхолинге постсинапстық рецепторлардың сезімталдығын жоғарылатады.
Галантамин гемато-энцефалдық бөгет арқылы жеңіл өтеді, ОЖЖ-не импульстардың өтуін жақсартады және қозу үдерісін жеделдетеді. Холинергиялық жүйе белсенділігін жоғарылатады, соның нәтижесінде когнитивті функция жақсарады.
Неостигминмен салыстырғанда, галантамин мускаринді рецепторларға әлсіздеу әсер етеді.
Жүйке-бұлшықет синапстарында қоздыратын өткізгіштікті жақсартады және деполяризацияламайтын нейро-бұлшықеттік бөгегіштермен бөгелген жағдайында нейро-бұлшықеттік өткізгіштікті қалпына келтіреді.
Тегіс бұлшықет тонусын, ас қорыту және тер бездері сөлінісін жоғарылатады, миоз туындатады.
Парасимпатомиметиктерді қолдану (бұл құбылыс галантаминде байқалмаса да) құрысу даму қаупімен байланысты деп саналады. Бұл факті құрысу пайда болу қаупі жоғары болып табылатын Альцгеймер ауруы бар пациенттерде мұқият бақылауды талап етеді.
Қолданылуы
Неврология
Анестезиология және хирургия
- деполяризацияламайтын жүйке-бұлшықет бөгегіштерінің әсерін жою
- жіңішке ішектің және қуықтың операциядан кейінгі парездерін емдеу
Физиотерапия
- шеткері жүйке жүйесінің және түнгі несеп ұстамаудың неврологиялық бұзылуларында ионофорез көмегімен.
Токсикология
- антихолинергиялық дәрілермен улану.
Қолдану тәсілі және дозалары
Нивалин® инъекцияға арналған ерітінді, тері астына, бұлшықет ішіне және вена ішіне қолданылады.
Неврология
Нивалин® инъекциялық ерітінді түрінде, дәріні ішке қабылдай алмайтын пациенттерді қысқа мерзімді емдеу үшін пайдаланылады. Мүмкіндік туысымен препараттың таблетка түріндегі пероральді еміне көшу керек.
Ересектер:
Әдетте дене салмағының әр кг-на 0,03 – 0,28 мг дозада тағайындалады.
Бастапқы ұсынылатын тәуліктік доза 2,5 мг құрайды.
Тәуліктік доза біртіндеп 2-3 тең қабылдауға бөлінген 3-4 күннен кейін 2,5 мг-ға жоғарылатылады.
Ересектерге арналған бір реттік ең жоғары доза тері астына 10 мг, ал ең жоғары тәуліктік доза – 20 мг құрайды.
Балалар:
Инъекцияға арналған Нивалин® ерітіндісінің балалар үшін дозасын дәрігер дене салмағына, симптомдардың ауырлығына және емді көтере алуына қарай жекеанықтайды.
Тері астына мынадай тәуліктік дозаларда қолданылады:
1 жастан 2 жасқа дейінгі балаларға: 0,25 – 1 мг;
3 жастан үлкен балаларға: Нивалин® инъекцияға арналған ерітінді 0,03 – 0,28 мг/кг дозасында тағайындалады немесе:
3 -тен 5 жасқа дейін: 0,5 – 5 мг;
6 -дан 8 жасқа дейін: 0,75 – 7,5 мг;
9 -дан 11 жасқа дейін: 1 – 10 мг;
12 -ден 15 жасқа дейін: 1,25 – 12,5 мг;
15 жастан үлкен: 1,25 – 15 мг.
Анестезиология, хирургия және токсикология
Шеткері деполяризацияламайтын нейро-бұлшықет бөгегіштермен артық дозалануында антикурарлық дәрі және антидот ретінде Нивалин® вена ішіне тәулігіне 10-20 мг дозада енгізіледі.
Асқазан-ішек жолдарының және қуықтың операциядан кейінгі парездерінде жасына қарай, тәулігіне 2-3 ретке бөлінген дозада тері астына, бұлшықет ішіне немесе вена ішіне енгізіледі.
Балалар:
Нивалин® инъекцияға арналған ерітіндіні балалар үшін дозалауды дәрігер дене салмағына қарай, аурудың ауырлығына және емді жеке көтере алуына қарайанықтайды. Вена ішіне мынадай дозаларда қолданылады: 1 жастан 2 жасқа дейінгі балаларға: 0,25 – 1 мг;
3 жастан үлкен балаларға: Нивалин® инъекцияға арналған ерітінді 0,03 – 0,28 мг/кг дозада тағайындалады немесе:
3 -тен 5 жасқа дейін: 0,5 – 5 мг;
6 -дан 8 жасқа дейін: 0,75 – 7,5 мг;
9 -дан 11 жасқа дейін: 1 – 10 мг;
12 -ден 15 жасқа дейін: 1,25 – 12,5 мг;
15 жастан үлкен және ересектерге: 1,25 – 15 мг.
Физиотерапия
Ионофорез түрінде – 2,5 -нан 5 мг дейінгі галантаминді (1-ден 2 mA дейінгі электр тогы күшінде) 10 – 15 күн бойына 10 минут ұзақтықта.
Емнің ұзақтығы
Емнің ұзақтығын емдеуші дәрігер анықтайды.
Жағымсыз әсерлері
Галантаминнің жиірек кездесетін жағымсыз әсерлері оның фармакодинамикасына байланысты және негізінен сипаты фармакологиялық класына тән никотинді немесе сиректеу мускаринді әсердегі түрде білінуі мүмкін.
Жиі (>1/100 - <1/10 дейін)
- бас айналуы, бас ауруы
- тәбет жоғалуы, анорексия
- депрессия, тремор, естен тану, ұйқышылдық, летаргия (мәңгіру),
шаршау, әлсіздік,
- брадикардия, гипертензия
- жүрек айнуы, құсу, гипергидроз (тердің күшті бөлінуі), сілекей ағу
- бұлшықет түйілуі, астения, дене салмағының азаюы, құлау
Жиі емес (>1/1 000 - <1/100 дейін)
- көру және есту елестері, парестезиялар, гиперсомния,
көрудің бұлыңғырлануы, құлақтағы шуыл
-дегидратация (сусыздану), дисгевзия (дәм сезудің бұрмалануы)
- қарынша үстілік экстрасистолия, атриовентрикулярлық I дәрежедегі бөгет ,
синустық брадикардия, жүрек қағуы, гипотензия, құйылулар
- бұлшықет әлсіздігі
- бауыр ферменттері деңгейінің жоғарылауы.
- ішек және бүйрек шаншуы
- аккомодация түйілуі
Сирек (>1/10 000 - < 1/1 000 дейін)
- гепатиттер
Жиілігі белгісіз
- ішек перистальтикасының күшеюі.
Қолдануға болмайтын жағдайлар
Дәрілермен өзара әрекеттесуі
Фармакодинамикалық өзара әрекеттесуі
Галантаминді басқа парасимпатомиметиктермен (амбеноний, донепрезил, неостигмин, пиридостигмин немесе жүйелі қолданылатын пилокарпин сияқтылармен) бір уақытта қолданғанда олардың холиномиметикалық әсерінің күшеюі байқалуы мүмкін, осыған байланысты олар бірге қолданылмауы тиіс.
Галантамин антихолинергиялық дәрілердің (атропин және осыған ұқсас субстанциялардың), гексаметоний және басқа ганглиоблокаторлардың, деполяризацияламайтын миорелаксанттардың (тубокурарин) әсерін антагониздейді.
Дигоксин, бета-блокаторлар, кальций өзекшелері блокаторлары және амиодарон сияқты жүрек ырғағының баяулауын туындататын дәрілермен бір уақытта қолданғанда галантаминмен өзара әрекеттесуі мүмкін.
Емдік әсері ішінара антихолинергиялық белсенділігіне байланысты болып келетін прокаинамидті галантаминмен бір уақытта қолдануға болмайды, өйткені соңғысы оның емдік әсерін антагониздеуі мүмкін.
Аминогликозидтер (гентамицин, амикацин) myasthenia gravis ауруында галантаминнің емдік әсерін азайтуы мүмкін.
Нейро-бұлшықет блокаторларының (суксаметоний) деполяризациялайтын әсері галантаминмен бір уақытта қолдануда күшеюі мүмкін, әсіресе псевдохолинестераза тапшылығы жағдайында.
Фармакокинетикалық өзара әрекеттесуі.
Галантамин бауырлық CYP3A4 және CYP2D6 изоферменттерімен метаболизденеді.
Осы изоферменттермен метаболизмге ұшырайтын дәрілер галантаминмен фармакокинетикалық деңгейде өзара әрекеттесуі мүмкін.
CYP2D6 (хинидин, пароксетин, флуоксетин) немесе CYP3A4 (кетоконазол, зидовудин, ритонавир, эритромицин) тежегіштері галантамин метаболизміне әсер етуі мүмкін жәнеоның плазмалық концентрациясы жоғарылауын және тиісінше оның биожетімділігін туындатуы мүмкін.
Бұл жағдайларда жағымсыз әсерлер пайда болуының қаупі жоғары, сондықтан галантаминнің демеуші дозасын төмендету ұсынылады.
Циметидин галантаминнің биожетімділігін жоғарылатуы мүмкін.
Галантамин варфариннің фармакокинетикасына әсер етпейді.
Айрықша нұсқаулар
Парасимпатомиметиктер брадикардиямен және АV-блокадасымен айқындалатын жүрек ырғағына ваготонустық әсер етуі мүмкін, бұл олардың спецификалық фармакологиялық әсеріне байланысты. Осы себепті Нивалин® препаратын синустық түйін әлсіздігі синдромы немесе жүрек өткізгіштігінің басқа қарыншаастылық бұзылулары бар пациенттерге, сондай-ақ дигоксин немесе бета-блокаторлары немесе электролиттер теңгерімі түзетілмеген пациенттер (гипер- немесе гипокалиемиялы) сияқты жүрек ырғағын елеулі баяулататын дәрілермен емделетін пациенттерге мұқият тағайындау керек.
Холиномиметикалық әсеріне байланысты Нивалин® асқазан сөлінісін күшейтуі мүмкін және асқазан-ішек жолдары тарапынан жағымсыз әсерлер туындатуы мүмкін. Анамнезінде ойық жара ауруы бар пациенттерде асқазанға операция жасалғаннан кейінгі қалпына келу кезеңіндежәне қабынуға қарсы стероидты емес препараттармен бір уақытта емделетін пациенттерде қауіп жоғары.Бұндай пациенттердеНивалин® препаратымен емдеуде белсенді немесе жедел асқазан-ішек қан кетулерінің симптомдарын қадағалау керек.
Нивалин® препаратын өкпенің созылмалы обструктивті ауруы бар пациенттерге абайлап тағайындау керек.
Нивалин® препаратын жуырдағы қуық асты безі немесе қуық резекциясынан кейінгі несеп шығару қиналысы бар пациенттерге тағайындау ұсынылмайды.
Холиномиметиктер анестезия уақытында сукцинилхолин типті нейро-бұлшықет бөгегіштерінің әсерін күшейтуі мүмкін.
Холинестеразды тежегіштермен, оның ішіндеНивалин® препаратымен емдеуде жекелеген жағдайларда дене салмағының төмендеуі - жүдеу байқалуы мүмкін. Бұл жағдайда пациенттің дене салмағын бақылау керек.
Парасимпотомиметиктерде құрысулар тудырудың белгілі потенциалы бар.
Құрысудың жоғары белсенділігі Альцгеймер ауруы бар пациенттерде бақыланады. Парасимпатомиметиктер сирек жағдайларда холинергиялық тонус көтеруімүмкін және паркинсонизм симптомдарының төмендеуін туындатуы мүмкін. Нивалин® препаратын креатинин клиренсіне қарай жеңіл дәрежедегі бүйрек жеткіліксіздігі бар пациенттерде сақтықпен және төмендеу дозаларда қолдану қажет.
Дәрілік препараттың құрамында бір дозада натрий (23 мг) 1 ммольден аз болады, яғни іс жүзінде „құрамында натрий болмайды“.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Нивалин® көлік құралдарын басқару және машиналармен жұмыс істеу қабілетіне әсер етуі мүмкін көрудің бұзылуларын, бас айналуын және ұйқышылдық туындатуы мүмкін.
Артық дозалануы
Симптомдары: бұлшықет әлсіздігі және фасцикуляция, айқын жүрек айнуы, құсу, іштің түйіліп ауыруы, диарея, сілекей бөлінуі, көздің жасы ағуы, күшті тершеңдік, брадикардия, гипотония, коллапс және құрысулар. Трахея шырышты қабығының гиперсекрециясымен және бронхтүйілуімен үйлесімде айқын бұлшықет әлсіздігі жедел респираторлық дистресс-синдромға алып келуі мүмкін.
Емі: Респираторлық және жүрек-қан тамырлық функциясын бақылау керек. Емі симптоматикалық.
Шығарылу түрі және қаптамасы
I Типті, түссіз шыныдан жасалған, ампуланы ашуға арналған түрлі-түсті нүктесі бар ампулаларда 1 мл препараттан. Әрбір ампулаға өздігінен желімденетін заттаңба желімденеді.
ПВХ үлбірден жасалған пішінді ұяшықты қаптамаға 10 ампуладан салынған.
1 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
Түпнұсқалық қаптамасында, жарықтан қорғалған жерде, 250С-ден аспайтын температурада сақтау керек.
Мұздатып қатыруға болмайды!
Балалардың қолы жетпейтін жерде сақтау керек.
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
СОФАРМА АҚ
Илиенский тас жолы к-сі 16
1220 София, Болгария
Тіркеу куәлігі иесінің атауы мен елі
СОФАРМА АҚ
Илиенский тас жолы к-сі 16
1220 София, Болгария
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымныңатауы:
«Софарма Қазақстан» Жауапкершілігі шектеулі серіктістік Алматы қ., Қазақстан, 050036, «Мамыр 4» ы/а, 190 үй
Телефон нөмірі: 7 (727) 380 01 03, 380 01 37, 380 01 42 (ішкі 108)
Факс нөмірі: 7 (727) 381 63 86
Электронды поштасы: info@sopharma.kz