Полвастерол 10 мг, №30, табл.
Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Полвастерол 10 мг, №30, табл.

Қолжетімділігі
Тауар қолда жоқ
Үлгі
5903060603103
Елі
Польша
Өндіруші
Польфарма
  • Сипаттама

Сипаттама

Дәрілік препаратты медициналық қолдану жөніндегі нұсқаулық

Саудалық атауы

Полвастерол

Халықаралық патенттелмеген атауы

Розувастатин

Дәрілік түрі, дозасы

Қабықпен қапталған 5 мг, 10 мг, 20 мг таблеткалар

Фармакотерапиялық тобы

Жүрек-қантамыр жүйесі. Липид-модификациялайтын препараттар. Липид-модификациялайтын препараттар, қарапайымдар. ГМГ-КоА редуктаза тежегіштері. Розувастатин.

ATX коды C10A A07

Қолданылуы

- гиперхолестеринемияны емдеу

Алғашқы гиперхолестеринемия (IIa типі, гетерозиготалы отбасылық гиперхолестеринемияны қоса) немесе аралас дислипидемия (IIb типі) бар ересектерде, жасөспірімдерде және 6 жастағы және одан үлкен балаларда диета және басқа дәрі-дәрмектік емес емдеу әдістері (мысалы, дене жүктемесі, дене салмағын азайту) жеткіліксіз болғанда диетаны толықтыратын қосымша дәрі ретінде.

Ересектерде, жасөспірімдерде және 6 жастағы және одан үлкен балаларда гомозиготалы отбасылық гиперхолестеринемияда диетаны және липидтер деңгейін төмендетудің басқа әдістерін (мысалы, ТТЛП аферезі) толықтыратын қосымша дәрі ретінде немесе емдеудің осындай әдістері мақсатқа сай болмағанда.

-атеросклероздық жүрек-қантамыр ауруының даму қаупі жоғары ересек пациенттерде жүрек-қантамырлық асқынулар профилактикасында қосымша ем ретінде.

Қолданудың басталуына дейін қажетті мәліметтер тізбесі

Қолдануға болмайтын жағдайлар

Розувастатин келесі жай-күйлерде қарсы көрсетілімді:

- розувастатинге немесе қосымша заттардың кез келгеніне аса жоғары сезімталдығы бар пациенттерде

-сарысулық трансаминазалардың түсіндірілмейтін тұрақты жоғарылауын және қалыптың жоғарғы шегінен (ҚЖШ) 3 есе асып кететін сарысу трансаминазаларының кез келген жоғарылауын қоса, белсенді фазадағы бауыр ауруы бар пациенттерде

- бүйректің ауыр зақымдануы (креатинин клиренсі <30 мл/мин)бар

пациенттерде

- миопатия бар пациенттерде

- бір мезгілде циклоспорин қабылдайтынпациенттерде

- жүктілік кезінде және лактация кезеңінде және тиісті контрацепция

шараларын пайдаланбайтын бала туу жасындағы әйелдерде

- 6 жасқа дейінгі балаларға

- тұқым қуалайтын фруктоза жақпаушылығы, Lapp-лактаза ферментінің

тапшылығы, глюкоза-галактоза мальабсорциясы бар тұлғалар.

Миопатия/рабдомиолиз дамуына бейімдейтін факторлары бар пациенттерге 40 мг дозасы қарсы көрсетілімді. Осындай факторларға мыналар жатады:

- бүйрек функциясының орташа бұзылуы (креатинин клиренсі <60 мл/мин)

- гипотиреоз

- тұқым қуалайтын бұлшықет ауруларын қамтитын жеке немесе отбасылық

анамнез

- анамнездегі ГМГ-КоА-редуктазаның басқа тежегіштерін немесе

фибраттарды қолдану кезіндегі бұлшықеттерге уытты әсері

- шамадан тыс алкоголь тұтыну

- қан плазмсында концентрация жоғарылауын туындатуы мүмкін

жағдайлар

- азиялық пациенттер

- фибраттарды қатарлас қолдану

- балалар және 18 жасқа дейінгі жасөспірімдер.

Қолдану кезіндегі қажетті сақтандыру шаралары

Бүйрекке қатысты әсерлері

Тест-жолақ көмегімен (негізінен тубулярлы) тест өткізу кезінде анықталатын протеинурия розувастатиннің жоғары дозаларын, атап айтқанда, 40 мг дозасын қабылдаған пациенттерде байқалды және өткінші болды немесе көптеген жағдайларда мезгіл-мезгіл байқалды. Протеинурия жедел немесе үдемелі бүйрек жеткіліксіздігі дамуының хабаршысы болмады. Тіркеуден кейінгі кезеңде бүйрек тарапынан болатын күрделі құбылыстар жиілігі 40 мг дозаны қолдану кезінде жоғары болды. Бүйрек функциясына бағалау жүргізу қажеттілігі 40 мг дозаны қабылдап жүрген пациенттерді дағдылы қадағалау барысында ескерілу керек.

Қаңқа бұлшықеттеріне қатысты әсерлері

Пациенттерде розувастатинді қолдану кезінде дозаларының бүкіл деңгейлерін, атап айтқанда, >20 мг дозасын қолданғанда миалгия, миопатия және сирек жағдайларда рабдомиолиз сияқты қаңқа бұлшықеттері тарапынан болатын әсерлері тіркелді.

Рабдомиолиздің өте сирек жағдайлары эзетимибті ГМГ-КоА редуктаза тежегіштерімен біріктірілімде қолдану кезінде тіркелді. Фармакодинамикалық өзара әрекеттесулерін жоққа шығаруға болмайды, ал препараттарды біріктірілімде абайлап қолдану керек.

ГМГ-КоА редуктазаның басқа тежегіштерін қолдану кезіндегі сияқты, тіркеуден кейінгі кезеңде розувастатинмен байланысты рабдомиолиз жағдайларының жиілігі 40 мг дозаны қолданғанда жоғары болды.

Креатинкиназа деңгейін анықтау

Креатинкиназа (КК) деңгейін ауыр физикалық жүктемеден кейін немесе КК арттыратын кез келген ықтималды баламалы себептер болғанда анықтауға болмайды, өйткені бұл нәтиженің түсіндірілуін қиындатуы мүмкін. Егер КК деңгейлері бастапқы деңгейінде едәуір жоғары болса (>5xҚЖШ), 5-7 күн ішінде растау үшін тест өткізу керек. Егер қайталау тест КК>5xҚЖШ бастапқы деңгейін растаса, емдеуді бастауға болмайды.

Емдеуге дейін

Розувастатин, ГМГ-КоА-редуктазаның басқа да тежегіштері сияқты, миопатия/рабдомиолиз дамуына бейімдейтін факторлары бар пациенттерде сақтықпен тағайындалу керек. Осындай факторларға мыналар жатады:

- бүйрек функциясының бұзылуы

- гипотиреоз

- тұқым қуалайтын бұлшықет ауруларын қамтитын жеке немесе отбасылық анамнез

- анамнездегі ГМГ-КоА-редуктазаның басқа тежегіштерін немесе фибраттарды қолдану кезіндегі бұлшықеттерге уытты әсері

- шамадан тыс алкоголь тұтыну

- 70 жастан асқандар

- плазмада препарат концентрациясының жоғарылауын туындатуы мүмкін

жағдайлар

- фибраттарды қатарлас қолдану.

Осындай пациенттерде болжамды пайдасын ескерумен емдеу қаупін бағалау керек; бұдан бөлек, клиникалық мониторинг ұсынылады. Егер КК деңгейі бастапқы деңгейде (>5xҚЖШ) едәуір жоғары болса, емдеуді бастауға болмайды.

Емдеу кезінде

Пациенттерден бұлшықеттерде түсініксіз ауырсыну, әлсіздік немесе құрысулардың пайда болуы туралы, әсіресе, егер олар дімкәстанумен немесе қызбамен біріккен болса, дереу мәлімдеуін өтіну керек. Осы пациенттерде КК деңгейлерін өлшеу керек. Егер КК деңгейі едәуір жоғарыласа (>5xҚЖШ) немесе бұлшықет симптомдары ауыр болса және күнделікті жайсыздық тудырса (тіпті егер KK деңгейлері 5xҚЖШ болса да), емді тоқтату керек. Егер симптомдар басылса және КК деңгейлері қалыпты күйлеріне оралса, мұқият мониторинг аясында ең төмен дозада розувастатинмен немесе баламалы ГМГ-КоА-редуктаза тежегішімен емдеуді жаңғырту қарастырылу керек. Симптомдар байқалмайтын пациенттерде КК деңгейлеріне дағдылы мониторинг қажет емес. Статиндермен, оның ішінде розувастатинмен емделу кезінде немесе одан кейін иммунологиялық сипатта некроздаушы миопатия (ИСНM) жағдайлары жөнінде өте сирек хабарламалар болды. Клиникалық тұрғыда, ИСНM статиндермен емдеуді тоқтатуға қарамастан сақталатын проксимальді бұлшықеттердің әлсіздігімен және сарысудағы креатинкиназа деңгейінің артуымен сипатталады.

ГМГ-КоА-редуктазаның басқа тежегіштерін гемфиброзил, циклоспорин, никотин қышқылы, зеңге қарсы азол препараттары, протеазалар тежегіштері мен макролидтерді қоса, фиброй қышқылының туындыларымен бірге қабылдап жүрген пациенттерде миозит және миопатия жағдайларының саны жағынан көбеюі білінді. Гемфиброзил ГМГ-КоА-редуктазаның кейбір тежегіштерімен бір мезгілде қолданылғанда миопатияның даму қаупін арттырады. Сондықтан розувастатин мен гемфиброзил біріктірілімін қолдану ұсынылмайды. Розувастатинді фибраттармен немесе ниацинмен біріктіріп қолданғанда липидтер деңгейлерінің одан әрі өзгеруінен болатын пайдасын осындай біріктірілімдерді қолданудың ықтималды қауіптеріне қатысты мұқият бағалау керек. 40 мг розувастатин дозасын қолдану фибраттарды бір мезгілде қолданғанда қарсы көрсетілімді.

Полвастерол препаратын фузид қышқылының жүйелі дәрілік түрлерімен бірге немесе фузид қышқылымен емдеуді тоқтатудан кейін 7 күн бойы тағайындауға болмайды. Фузид қышқылы жүйелі препаратын қолдану қажет болып танылған пациенттерде фузид қышқылымен емдеу кезеңінде статинмен емдеу тоқтатылуы тиіс. Фузид қышқылымен және статиндермен біріктірілген ем қабылдап жүрген пациенттерде рабдомиолиз дамуы (оның ішінде, өліммен аяқталған бірнеше жағдай) туралы хабарламалар бар. Пациентке кез келген бұлшықет әлсіреуі, ауыруы немесе ауырсынуы симптомдары туындағанда шұғыл дәрігерге қаралуға кеңес беру керек. Статинмен емді фузид қышқылының соңғы дозасынан кейін жеті күн өткен соң жаңғыртуға болады. Фузид қышқылын, мысалы -ауыр инфекцияларды емдеу үшін ұзақ уақыт жүйелі қолдану қажет болатын айрықша жағдайларда Полвастерол препараты мен фузид қышқылын бірге қолдану қажеттілігін тек әркімде жеке негізде және мұқият медициналық қадағалаумен бағалау қажет.

Розувастатинді миопатия болуын айғақтайтын немесе рабдомиолиз салдарынан бүйрек жеткіліксіздігінің дамуына бейімдейтін жедел күрделі жай-күйі (мысалы, сепсис, гипотония, ауқымды хирургиялық араласу, жарақат, ауыр метаболизмдік, эндокриндік және электролиттік бұзылулар немесе бақыланбайтын құрысулар) бар кез келген пациентте қолдануға болмайды.

Бауыр тарапынанәсерлері

ГМГ-КоА-редуктазаның басқа тежегіштерін қолдану кезіндегі сияқты, розувастатин шектен тыс мөлшерде алкоголь тұтынатын және/немесе анамнезінде бауыр аурулары бар пациенттерде сақтықпен қолданылу керек.

Емдеуді бастар алдында және ем басталуынан кейін 3 ай өткен соң бауыр функциясының көрсеткіштерін анықтау ұсынылады. Егер сарысулық трансаминазалар деңгейі қалыптың жоғарғы шегінен 3 еседен көп асып кеткен жағдайда розувастатинмен емдеу тоқтатылуы тиіс немесе дозасы азайтылуы тиіс. Тіркеуден кейінгі кезеңде бауыр тарапынан күрделі құбылыстар жағдайларының жиілігі (негізінен бауыр трансаминазалары деңгейінің артуы) 40 мг дозасын қолданғанда жоғары болды.

Гипотиреоз немесе нефроздық синдроммен байланысты салдарлы гиперхолестеринемия бар пациенттерде негізгі ауруды емдеу розувастатинмен емнің басталуына дейін жүргізілу керек.

Протеаза тежегіштері

Розувастатинді ритонавирмен біріктірілімде протеазаның әртүрлі тежегіштерімен бір мезгілде қабылдап жүрген пациенттерде розувастатиннің жүйелі экспозициясының ұлғаюы байқалды. Протеаза тежегіштерін қабылдап жүрген пациенттерде розувастатинмен емдеу басталған уақытта және оның дозасын арттыру кезінде протеаза тежегіштерін алатын АИТВ жұқтырған пациенттерде розувастатиннің гиполипидемиялық әсерінің пайдасын және плазмадағы розувастатин концентрациясының жоғарылау мүмкіндігін бағалау керек. Егер розувастатин дозасын түзету жүргізілмесе, протеаза тежегіштерімен бір мезгілде қолдану ұсынылмайды.

Өкпенің интерстициальді ауруы

Өкпенің интерстициальді ауруының жекелеген жағдайлары кейбір статиндерді, әсіресе, ұзаққа созылатын ем кезінде қолданғанда тіркелді.Симптомдар ентігу, өнімсіз жөтелу және жалпы хал-ахуал нашарлауын (қажып кету, салмақ жоғалту және қызба) қамтуы мүмкін. Егер өкпенің интерстициальді ауруының барына күмән туындаса, статиндермен емді тоқтату керек.

Қант диабеті

Кейбір деректер статиндер класы препараттарының қандағы глюкоза мөлшерін көбейтетінін айғақтайды, ал қант диабетінің даму қаупі жоғары кейбір пациенттерде келешекте бұл диабеттің бейресми жағдайы деп санауға болатын гипергликемия деңгейіне әкелуі мүмкін. Алайда, бұл қауіп статиндерді қолданғанда тамырлық қауіп төмендеуімен компенсацияланады, сондықтан да статиндермен емдеуді тоқтатуға себеп бола алмайды. Қауіп тобының пациенттеріне (аш қарындағы глюкозаның 5,6-дан 6,9 ммоль/л дейінгі деңгейі, ДСИ> 30 кг/м2, триглицеридтердің жоғары деңгейі, гипертензия) ұлттық стандарттарға сәйкес мұқият клиникалық және биохимиялық мониторинг өткізіледі.

Басқа дәрілік препараттармен өзара әрекеттесуі

Тасымалдаушы ақуыздарды тежеу

Розувастатин – бауырда заттарды қармауға қатысатын OATP1B1 тасымалдаушысын және BCRP эффлюксті тасымалдаушысын қоса, кейбір тасымалдаушы ақуыздардың субстраты. Розувастатинді осы тасымалдаушы ақуыздардың тежегіштері болып табылатын дәрілік заттармен бір мезгілде қолдану плазмада розувастатин концентрациясының жоғарылауына және миопатия қаупінің артуына әкелуі мүмкін.

Циклоспорин

Розувастатин бір мезгілде циклоспорин қабылдап жүрген пациенттерде қолдану үшін қарсы көрсетілімді. Бір мезгілде қолдану циклоспориннің плазмалық концентрациясына ықпал етпейді.

Протеаза тежегіштері

Розувастатин және протеаза тежегіштерінің кейбір біріктірілімдерін бір мезгілде қолдануды розувастатин экспозициясының күтілетін ұлғаюын ескере отырып, розувастатин дозасын түзетуді мұқият бағалаудан кейін қарастыруға болады.

Эзетимиб

Бір мезгілде 10 мг розувастатин мен 10 мг эзетимиб қолдану гиперхолестеринемия бар пациенттерде розувастатиннің AUC көрсеткішінің 1,2 есе артуына әкелді. Жағымсыз әсерлерге әкелуі мүмкін розувастатин мен эзетимиб арасындағы фармакодинамикалық өзара әрекеттесуді жоққа шығаруға болмайды.

Гемфиброзил және басқа гиполипидемиялық препараттар

Розувастатин мен гемфиброзилді бір мезгілде қолдану розувастатин Cmax және AUC көрсеткіштерінің 2 есе артуына әкелді.

Арнайы өзара әрекеттесу зерттеулерінің деректері негізінде фенофибраттармен маңызды фармакокинетикалық өзара әрекеттесулер күтілмейді, алайда фармакодинамикалық өзара әрекеттесулер болуы мүмкін.

Гемфиброзил, фенофибрат, басқа фибраттар және ниацин (никотин қышқылы) гиполипидемиялық дозаларда (≥1 г/тәулік) ГМГ-КоА-редуктаза тежегіштерімен бір мезгілде қолданғанда миопатияның даму қаупін арттырады; ықтималды түрде, бұл олардың бөлек қолданылғанда миопатияны тудыруы мүмкін екенімен байланысты. Фибраттарды бір мезгілде қолдану кезінде розувастатиннің 40 мг дозасын қолдану қарсы көрсетілімді. Осы пациенттер де емдеуді 5 мг дозадан бастауы тиіс.

Антацидтер

Розувастатинді құрамында алюминий және магний гидроксиді бар антацидті суспензиямен бір мезгілде қолдану қан плазмасында розувастатин концентрациясының шамамен 50% төмендеуіне әкеледі.

Осы әсері розувастатиннен кейін 2 сағат өткен соң антацид қабылдағанда азайды. Бұл өзара әрекеттесудің клиникалық мәні зерттелмеді.

Эритромицин

Розувастатин мен эритромицинді бір мезгілде қолдану розувастатин AUC 20% төмендеуіне және Cmax 30% төмендеуіне әкелді. Бұл өзара әрекеттесу эритромицин тудырған ішектің жиырылу қабілетінің артуымен байланысты болуы мүмкін.

Р450 цитохромының ферменттері

Розувастатин P450 цитохромы изоферменттерінің тежегіші немесе индукторы емес. Бұдан бөлек, розувастатин – осы изоферменттерге сай келмейтін субстрат. Осылайша, P450 цитохромы арқылы метаболизм нәтижесінде болатын дәрілік өзара әрекеттесулер күтілмейді. Розувастатин мен флуконазол (CYP2C9 және CYP3A4 тежегіші) немесе кетоконазолдың (CYP2A6 және CYP3A4 тежегіші) арасында клиникалық мәнді өзара әрекеттесулері байқалмайды.

Розувастатин дозасын түзетуді талап ететін өзара әрекеттесулер (1 кестені де қараңыз)

Розувастатин экспозициясын арттыратын басқа дәрілік заттармен розувастатинді бір мезгілде қолдану қажет болса, розувастатин дозасын түзету керек. Егер экспозицияның (AUC) шамамен 2 есе немесе одан көп ұлғаюы күтілсе, емдеуді тәулігіне бір рет розувастатинің 5 мг дозасынан бастау керек. Розувастатиннің ең жоғары тәуліктік дозасы розувастатиннің күтілетін экспозициясы өзара әрекеттеспейтін дәрілік препараттардың тәулігіне 40 мг дозасын, мысалы, 20 мг розувастатинді гемфиброзилмен (1,9 есе артуы) немесе 10 мг розувастатинді атазанавир/ритонавир біріктірілімімен (3,1 есе артуы) қолдану кезіндегісінен аспайтындай үлгіде түзетілуі тиіс.

1 кесте. Бір мезгілде қолданған дәрілік препараттардың розувастатин экспозициясына әсері ( AUC; қарқындылығының азаю ретімен)

Өзара әрекеттесетін препаратты қолдану сызбасы

Розувастатинді қолдану сызбасы

Розувастатин AUC өзгерісі

*

Циклоспорин 75-200 мг

тәулігіне екі рет, 6 ай

10 мг тәулігіне бір рет, 10 күн

7.1-еселік ­

Регофениб 160 мг

тәулігіне бір рет, 14 күн

5 мг, бір реттік доза

3.8-еселік ­

Атазанавир 300 мг/ритонавир 100 мг тәулігіне бір рет, 8 күн

10 мг, бір реттік доза

3.1-еселік ­

Велпатасвир 150 мг

тәулігіне бір рет

10 мг, бір реттік доза

2.7-еселік ­

Омбитасвир 25 мг/паритапревир 150 мг/ритонавир 100 мг тәулігіне бір рет/дасабувир 400 мг тәулігіне екі рет, 14 күн

5 мг, бір реттік доза

2.6-еселік ­

Грацевревир 200 мг/элбасвир 50 мг тәулігіне бір рет, 11 күн

10 мг, бір реттік доза

2.3-еселік ­

Глэцапревир 400 мг/пибрентасвир 120 мг тәулігіне бір рет, 7 күн

5 мг тәулігіне бір рет, 7 күн

2.2-еселік ­

Атазанавир 300 мг/ритонавир 100 мг тәулігіне бір рет, 8 күн

10 мг, бір реттік доза

3.1-еселік ­

Лопинавир 400 мг/ритонавир 100 мг тәулігіне екі рет, 17 күн

20 мг тәулігіне бір рет, 7 күн

2.1-еселік ­

Клопидогрел 300 мг жүктеме дозасында, ал одан кейін тәулігіне бір рет 75 мг дозада

20 мг, бір реттік доза

2х ­

Гемфиброзил 600 мг

тәулігіне екі рет, 7 күн

80 мг, бір реттік доза

1,9 есе ­

Элтромбопаг 75 мг

тәулігіне бір рет, 10 күн

10 мг, бір реттік доза

1,6х ­

Дарунавир 600 мг/ритонавир 100 мг тәулігіне екі рет, 7 күн

10 мг тәулігіне 1 рет, 7 күн

1,5х ­

Типранавир 500 мг/ритонавир 200 мг тәулігіне екі рет, 11 күн

10 мг, бір реттік доза

1,4 есе ­

Дронэдарон 400 мг тәулігіне екі рет

деректер жоқ

1,4 есе ­

Итраконазол 200 мг

тәулігіне бір рет, 5 күн

10 мг, бір реттік доза

1,4 есе ­ **

Эзетимиб 10 мг

тәулігіне бір рет, 14 күн

10 мг тәулігіне 1 рет, 14 күн

1.2-еселік ­ **

Фосмпренавир 700 мг/ритонавир 100 мг тәулігіне екі рет, 8 күн

10 мг, бір реттік доза

«

Алеглитазар 0,3 мг, 7 күн

40 мг, 7 күн

«

Силемарин 140 мг

тәулігіне 3 рет, 5 күн

10 мг, бір реттік доза

«

Фенофибратты 67 мг

тәулігіне 3 рет, 7 күн

10 мг, 7 күн

«

Рифампин 450 мг

тәулігіне бір рет, 7 күн

20 мг, бір реттік доза

«

Кетоконазол 200 мг

тәулігіне екі рет, 7 күн

80 мг, бір реттік доза

«

Флуконазол 200 мг

тәулігіне бір рет, 11 күн

80 мг, бір реттік доза

«

Эритромицин 500 мг

тәулігіне төрт рет, 7 күн

80 мг, бір реттік доза

20% ¯

Байкалин 50 мг

тәулігіне 3 рет, 14 күн

20 мг, бір реттік доза

47% ¯

* Еселенген өзгерісті көрсететін деректер бірге қолдану мен розувастатин монотерапиясы арасындағы қарапайым арақатынас түрінде болады. Пайыздық өзгерістер түрінде берілген деректер, розувастатин монотерапиясымен салыстырғанда, пайыздық айырмашылық түрінде болады.

Артуы «­» түрінде белгіленеді, өзгерістер болмауы ««» түрінде белгіленеді, азаюы «¯» түрінде белгіленеді.

** Өзара әрекеттесудің кейбір зерттеулері розувастатиннің әртүрлі дозаларын қолданумен жүргізілді, кестеде ең маңызды арақатынастары көрсетілген.