Солкосерил 10% 20 г гель
Тауарлардың көрінісі фотосуретте көрсетілгеннен өзгеше болуы мүмкін

Солкосерил 10% 20 г гель

Қолжетімділігі
Тауар қолда жоқ
Үлгі
7680263960186
Елі
Швейцария
Өндіруші
Легаси Фармасьютикалс Шве
  • Сипаттама

Сипаттама

Дәрілік затты медициналық қолдану жөніндегі нұсқаулық

СОЛКОСЕРИЛ

Саудалық атауы

Солкосерил

Халықаралық патенттелмеген атауы

Жоқ

Дәрілік түрі

Көзге арналған гель, 5 г

Құрамы

1 г препараттың құрамында

белсенді зат жаңа туылған бұзаулардың (Воs Tаurus) қанынан депротеинделген гемодериват, химиялық және биологиялық стандартталған 8.30 мг,

қосымша заттар: бензалконий хлориді, натрий карбоксиметилцеллюлозасы, натрий эдетат дигидраты, сорбитол 70%, инъекцияға арналған су, натрий гидроксиді ерітіндісі 27 % (рН түзету үшін).

Сипаттамасы

Түссізден сәл сарғыш түске дейінгі сәл бозаңданатын аққыш гель, іс жүзінде иісі жоқ.

Фармакотерапиялық тобы

Сезім мүшелері. Офтальмологиялық препараттар. Басқа офтальмологиялық препараттар.

АТХ коды S01XA

Фармакологиялық қасиеттері

Фармакокинетикасы

Басқа да биологиялық стандартталған препараттар сияқты Солкосерил көзге арналған гель препаратының белсенді компоненті - депротеинделген гемодериваттың сіңірілуі, таралуы және элиминациясы әдеттегіфармакокинетикалық әдістермен зерттеле алмайды. Бұдан бөлек, жаңа туылған бұзаулардың қанындағы депротеинделген гемодериват құрамында қалыптыда организмде болатын қан жасушалары мен сарысуының төмен молекулалық компоненттері болады.

Фармакодинамикасы

Солкосерил көзге арналған гелі препаратының белсенді компоненті диализ және ультрасүзу (номинальді өлшемі 5000 Да) арқылы жаңа туылған бұзаулардың (Воs tаurus) қанынан алынған химиялық және биологиялық стандартталған депротеинделген гемодериват болып табылады. Солкосерил құрамында жаңа туылған бұзаулардың қан сарысуынан және жасушасынан алынған төмен молекулярлы компоненттердің көп мөлшері:электролиттер, амин қышқылдары, нуклеотидтер, нуклеозидтер, олигопептидтер және көмірсу мен май алмасу аралық өнімдері бар. Препараттың клиникалық тиімділігі Солкосерилдің барлық компоненттерінің синергизміне негізделген.

Солкосерил:

- жасушалардағы жоғары энергетикалық фосфаттар тапшылығын толтыра отырып, аэробты метаболизм және тотықтырғыш фосфорлау үдерістерін демейді және қайта қалпына келтіреді, оттегінің утилизациясын жақсартады және гипоксияға бейім метаболизмдік әлсіреген жасушалар мен тіндердегі глюкоза тасымалдануын жылдамдатады,

- зақымдалған және/немесе әлсіреген тіндердегі регенерация үдерістерін жылдамдатады,

- қайтымды зақымдалған жасушалардағы екіншілік дегенерацияның және патологиялық өзгерістердің туындау қаупін төмендетеді немесе алдын алады,

- коллаген синтезі үдерісін жылдамдатады және жасушалардағы пролиферация және миграция үдерістерін көтермелейді.

Солкосерил көзге арналған гелі тіндерді гипоксиядан және/немесе қоректік заттар тапшылығынан қорғайды, қайтымды зақымданған тіндердіңқалыпты қызметінің қалпына келуіне ықпал етеді және бір уақытта жазылу сапасын жақсарта отырып, зақымданулардың жазылу үдерісін жылдамдатады. Солкосерил көзге арналған гелі мөлдір қабық пен конъюктива зақымдануларын емдеу үшін арнайы дайындалған дәрілік түр болып табылады, себебі ол тіндердің регенерациясына ықпал етеді және тыртықтардың пайда болу қаупін төмендетеді. Препарат құрамында карбоксиметилцеллюлоза натрий тұзының болуымен негізделген өзінің гель тәрізді консистенциясының арқасында Солкосерил жақсы адгезивті қасиеттерге ие және мөлдір қабық пен конъюктиваның бірқалыпты және ұзақ уақытқа жабылуын қамтамасыз етеді, соның нәтижесінде белсенді зат зақымдалған тінге үздіксіз өтеді.

Қолданылуы

Кешенді емдеудегі адьювантті терапия:

- мөлдір қабықтың шығу тегі әртүрлі ойық жарасында

- мөлдір қабықтың зақымдануы

- cілті немесе қышқылдардан болған мөлдір қабықтың күюі

- мөлдір қабық пен конъюктиваның дегенеративті өзгерістері

- буллезді кератитте

Қолдану тәсілі және дозалары

Конъюнктивалық қалтаға 1 тамшыдан күніне 3-4 рет тамызады.

Пипетканың ұшына саусақты тигізбеңіз.

Пайдаланғаннан кейін дереу сықпаны қалпақшамен жабу керек.

Көзге арналған әртүрлі дәрілік заттарды тамызар алдында ұзақтығы кемінде 15 минут аралықты сақтау ұсынылады.

Пациенттерге пипетканың ұшын қандай да бір беткейге, көзге немесе көздің маңындағы жерлерге тигізіп алмау ұсынылады. Бұл ұсыныстар бұзылған кезде инфекциялық зақымдануды тудыруға қабілетті кең таралған бактериялармен көзге арналған гельдің ластануы орын алуы мүмкін. Ластанған көзге арналған гельді пайдалану көздің күрделі зақымдануына және соның салдарынан көрмей қалуына әкелуі мүмкін.

Қолдану жөніндегі нұсқаулық:

1. Бірінші қолданар алдында қалпақшадағы сақтандыру сақинасының зақымданбағанына көз жеткізу керек.

2. Қолды жуу керек.

3. Қалпақшаны бұрап, сықпаны ашады.

4. Сақтық танытып, пипетка ұшын қандай да бір беткейге, көзге немесе көздің маңындағы жерлерге тигізіп алмау керек, өйткені инфекциялық зақымдануды тудыруға қабілетті таралған бактериялармен көзге арналған гельдің ықтимал ластануы көздің күрделі зақымдануына және көрмей қалуына әкелуі мүмкін.

5. Басты шалқайтып, төменгі қабақты абайлап тартып, гельдің 1 тамшысын конъюнктивалық қалтаға тамызыңыз.

6. Көздің ішкі бұрышын саусақпен қысыңыз немесе тамызғаннан кейін 2 минутқа көзді жабыңыз. Бұл іс-шара дәрілік заттың организмге сіңірілуіне кедергі келтіреді.

7. Дәрілік затты басқа көзге тамызу үшін 4-6-тармақтарға сәйкес әрекетті қайталаңыз.

8. Гельді тамызғаннан кейін сықпаны дереу қалпақшамен жабу керек.

Егде жастағы пациенттер

Дозаны өзгертудің қажеті жоқ.

Бауыр немесе бүйрек функциясы бұзылған пациенттер

Дозаны өзгертудің қажеті жоқ.

Жағымсыз әсерлері

Төменде аталатын жағымсыз реакциялар MedDRA жіктемесіне (Реттеуші қызметке арналған медициналық терминдер сөздігі) сәйкес жиілігі және ағзалар жүйелері бойынша бөлінген.

Дәрілік заттың жағымсыз реакциясының даму жиілігін бағалау критерийлері:

Өте жиі ≥ 1/10.

Жиі ≥ 1/100 - <1/10.

Жиі емес ≥ 1/1000 - < 1/100.

Сирек ≥ 1/10000 - < 1/1000.

Өте сирек <1/10000.

Белгісіз: жағдайлар жиілігін қолда бар деректер бойынша бағалау мүмкін емес.

Иммундық жүйе тарапынан: өте сирек - ұзақ қолданғанда жоғары сезімталдық реакциясы (жоғары сезімталдық реакциясы кезінде препаратты одан әрі пайдалануды тоқтату керек);

Көру мүшелері тарапынан: өте сирек - көздің уақытша тітіркенуі, препаратты тоқтатуды қажет етпейді.

Егер Сізге компания өнімін қолдануға байланысты қандай да бір жағымсыз реакциялар белгілі болса, оның ішінде жүктілік немесе бала емізу кезінде қолдану немесе медициналық қателер нәтижесінде туындаған,

дұрыс қолданбау, шамадан тыс пайдалану, артық дозалану, көрсетілімдер бойынша қолданбау немесе инфекциялық агентті жұқтыруға күдікті кәсіби және кәсіби емес қызметке немесе тиімділігі болмауына байланысты әсер етудің салдары,

сондай-ақ сападағы ақаумен астасуды фармакоқадағалауға жауапты адамға бұл туралы электронды поштамен info.safety@meda-cis.com хабарлау қажет.

Қолдануға болмайтын жағдайлар

- препарат компоненттеріне жоғары сезімталдық

Дәрілермен өзара әрекеттесуі

Бірнеше офтальмологиялық препараттарды бір уақытта пайдаланғанда көзге арналған гельдібасқа дәрілік затты қолданғаннан кейін 15 минуттан соң тамызу керек.

Солкосерил көзге арналған гелі препаратының табиғи метаболиттеріАцикловир немесе Идоксуридин сияқты жергілікті қолданылатын антинуклеозидтік виростатиктер тиімділігін төмендетуі мүмкін.

Айрықша нұсқаулар

Көз инфекциясы жағдайында Солкосерил, көзге арналған гелін микробқа қарсы дәрілік заттармен біріктіріп қолдану керек. Әртүрлі көз дәрілік заттарын тамызар алдында ұзақтығы кемінде 15 минут аралықты сақтау ұсынылады.

Солкосерил, көзге арналған гелінің құрамында бензалконий хлориді ерітіндісі бар, бұл консервант офтальмологиялық препараттарда жиі пайдаланылады, ол беткейлі нүктелі кератит және / немесе уытты ойық жаралы кератопатия немесе көздің тітіркенуін тудыруы мүмкін.

Солкосерил, көзге арналған гелінің құрамында бензалконий хлориді бар екенін ескере отырып, препаратты жиі немесе ұзақ уақыт бойы пайдаланатын пациенттерге, сондай-ақ құрғақ көз синдромымен немесе мөлдір қабықтың зақымдануымен зардап шегетін пациенттерге мұқият мониторинг жүргізу қажет.

Көз инфекциясы болған кезде немесе Солкосерил, көзге арналған гель препаратын (кез келген басқа офтальмологиялық препарат сияқты) қолданған кезеңде жанаспалы линзаларды пайдаланбаған дұрыс.

Солкосерил, көзге арналған гелін емдеу кезінде препараттың жұмсақ жанаспалы линзалармен жанасуын болдырмау керек. Гельді тамызар алдында линзаны алып, орнына қайта салар алдында кем дегенде 15 минут күту керек.Зат жанаспалы линзалардың бояуын өзгертеді

Препаратты педиатрияда қолдану

Препаратты 8 жастан асқан балаларды емдеуге дәрігердің тағайындауымен қолданады.

Жүктілік және лактация кезеңі

Жүктілік кезінде бұзаудың қан гемодериватын қолдануға қатысты клиникалық деректер жоқ

Жануарларға жүргізілген зерттеулерден алынған деректер жүктілік, эмбрион / шарананың дамуы, босану немесе постнатальді дамуына тікелей немесе жанама теріс әсерінің жоқтығын дәлелдейді. Бұл препаратты жүктілік кезеңінде әйелдерге сақтықпен тағайындау қажет.

Бала емізу

Солкосерил, көзге арналған гелін лактация кезеңінде ана үшін ықтимал пайдасы мен бала үшін ықтимал қаупін дәрігер мұқият бағалағаннан кейін ғана қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көру арқылы қабылдау нақтылығының уақытша төмендеуіне байланысты көзге арналған гельді қолданғаннан кейінгі 20 минут бойы емделушілерге қауіптілігі зор қызмет түрлерімен (автокөлік жүргізу, механизмдермен жұмыс істеу және т.б.) айналысуды тоқтата тұру керек

Артық дозалануы

Анықталмаған

Шығарылу түрі және қаптамасы

5 г препараттан аппликаторы және бұрандалы қалпақшасы бар алюминий сықпаларға салынған.

1 сықпадан медициналық қолдану жөніндегі мемлекеттік және орыс тіліндегі нұсқаулықпен бірге картон қарапшаға салынған.

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Сықпаны ашқаннан кейін қолдану кезеңі – 25 °С-ден аспайтын температурада 4 апта.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Легаси Фармасьютикалс Швейцария ГмбХ

Рюрбергштрассе 21, 4127 Бирсфельден, Швейцария

Тіркеу куәлігінің ұстаушысы

МЕДА Фарма ГмбХ, Австрия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«МЕДА Фармасьютикалз Швейцария ГмбХ» Қазақстан Республикасындағы өкілдігі: Алматы қ., Достық даңғылы97, 8 кеңсе, тел. 264-17-94, тел./факс 264-17-71

Электронды пошта: info.safety@meda-cis.com