Біздің компаниямыз жайлы жалпы ақпарат.
Дәрілік препаратты медициналық
қолдану жөніндегі нұсқаулық (Қосымша парақ)
Саудалық атауы
ИБУПРОФЕН-АКОС
Халықаралық патенттелмеген атауы
Ибупрофен
Дәрілік түрі, дозасы
Үлбірлі қабықпен қапталған таблеткалар, 200 мг немесе 400 мг
Фармакотерапиялық тобы
Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы, стероидты емес препараттар. Пропион қышқылының туындылары. Ибупрофен.
АТХ коды M01AE01
Қолданылуы
Ересектерде, 12 жастан 18 жасқа дейінгі жасөспірімдерде қолдану көрсетілген
Келесі жағдайлардағы айқындығы жеңіл немесе орташа дәрежелі ауырудың қысқа мерзімді емі үшін қабынуға қарсы, ауырғанды басатын және ыстықты түсіретін дәрі ретінде қолдануға болады:
Қолдануды бастағанға дейін қажетті мәліметтер тізбесі
Қолдануға болмайтын жағдайлар
Қолдану кезінде қажетті сақтық шаралары
Осы бөлімде көрсетілген жай-күйлер болған жағдайда, препаратты қолданар алдында дәрігерге көріну керек.
Егер препаратты қысқа уақыт аралығында, симптомдарды басуға қажетті ең төменгі тиімді дозада қабылдаса, жағымсыз әсерлерді азайтуға болады.
Тыныс алу мүшелеріне әсері
Бронх демікпесі немесе асқыну сатысындағы аллергиялық ауруы бар пациенттерде, сондай-ақ анамнезінде бронх демікпесі/аллергиялық ауруы барпациенттерде препарат бронх түйілуіне түрткі болуы мүмкін.
Басқа ҚҚСП-мен бірге қолдалану
Ибупрофенді басқа ҚҚСП-мен, атап айтқандациклооксигеназа-2 іріктелген тежегіштерімен бір мезгілде аулақ болу керек
Жүйелі қызыл жегі және дәнекер тіннің аралас ауруы
Препаратты жүйелі қызыл жегісі немесе дәнекер тіннің аралас ауруы бар
пациенттерде қолдану асептикалық менингиттің даму қаупінің жоғарылауымен байланысты.
Бүйрекке әсері
Препарат бүйрек жеткіліксіздігі дамуымен бірге бүйрек функциясының нашарлауын туғызуы мүмкін. Сусызданған балалар мен жасөспірімдерде бүйрек жеткіліксіздігінің қаупі бар.
Бауырға әсері
Препарат бауыр функциясының нашарлауын туғызуы мүмкін.
Асқазан-ішек жолына (АІЖ) әсері
Анамнезінде АІЖ аурулары (спецификалық емес ойық жаралы колит, Крон ауруы)болған пациенттерде ҚҚСП сақтықпен қолдану қажет, өйткені, бұл топтағы препараттарды пайдаланғанда аталған аурулар өршуі мүмкін.
ҚҚСП тобының кез келген препараттарын қолданғанда кез келген сәтте, ескертпе симптомдарының немесе анамнезде ұқсас асқынулардың болуы немесе болмауымен асқазан-ішектен (АІ) қан кету, ойық жаралар мен перфорация туындаған, соның ішінде өлімге соқтырған жағдайлар туралы хабарламалар бар.
Анамнезінде ойық жара ауруы болған, әсіресе, қан кетумен немесе перфорациямен асқынған пациенттерде, сондай-ақ, препаратты егде жастағы адамдарда қолданғанда ҚҚСП жоғары дозаларын пайдаланумен байланысты АІ қан кету немесе ойық жара/перфорациясы қаупі жоғары. Пациенттердің атап келтірілген санаттарында емдеуді препараттың ең төмен тиімді дозасымен бастау керек.
Аталған пациенттер үшін, сондай-ақ, аспириннің немесе АІ қауіпті арттыруы мүмкін басқа препараттардың төмен дозаларын қатарлас қабылдауды қажет ететін пациенттер үшін асқазанның шырышты қабығын қорғайтын дәрілік препараттар-протекторлармен (мысалы, мизопростолмен немесе протондық помпа тежегіштерімен) біріктіріп емдеу қарастырылуы тиіс.
Анамнезінде АІЖ тарапынан уыттылық көріністері болған, әсіресе, егде жастағы, пациенттер АІЖ тарапынан әдеттен тыс кез келген, әсіресе, емдеудің басындағы симптомдар (атап айтқанда, АІ қан кету жағдайында) туралы хабарлауы тиіс.
Ойық жара мен қан кету қаупін арттыруы мүмкін, оральді кортикостероидтар сияқты қатарлас препараттарды, варфарин сияқты антикоагулянттарды, серотонинді кері қармаудың селективті тежегіштеріннемесе ацетилсалицил қышқылы сияқты антиагреганттық препараттарды қабылдап жүрген пациенттерде сақтық таныту керек.
ИБУПРОФЕН-АКОС препаратымен ем қабылдап жүрген пациенттерде АІ қан кету немесе ойық жарасы туындаған жағдайда, препаратты қабылдауды тоқтату керек.
Жүрек-қантамыр жүйесіне және ми қан айналымына әсері
ҚҚСП қолдану аясында сұйықтықтың іркілуі, артериялық қысымның жоғарылауы және ісінулердің пайда болуы туралы қолда бар хабарламаларға байланысты артериялық гипертензиясы және/немесе жүрек жеткіліксіздігі (қолданар алдында дәрігермен кеңесу керек) бар пациенттерде препаратты сақтықпен қолдану ұсынылады.
Ибупрофенді, әсіресе жоғары дозада (2400 мг/күн) пайдалану артериялық тромбоздық асқынулар (мысалы, миокард инфарктісі немесе инсульт) қаупінің аздаған жоғарылауымен байланысты болуы мүмкін. Алайда төмен дозада (мысалы, күніне 1200 мг және одан кем) қабылдаған кезде ибупрофеннің артериялық тромбоздық асқынулардың туындауына әсері анықталмаған.
Бақыланбайтын артериялық гипертензиясы, (NYHA бойынша II-III класты) іркілген жүрек жеткіліксіздігі, расталғанжүректің ишемиялық ауруы, шеткері артериялардың аурулары және/немесе цереброваскулярлық аурулары бар пациенттерге ибупрофенді пайда-қауіп арақатынасын мұқият бағалағаннан кейін ғана тағайындау қажет, ондайдаибупрофеннің жоғары дозаларын (≥ 2400 мг/тәулік) қолданудан аулақ болу керек.
Ұзақ емдеу курсы басталар алдында жүрек-қан тамырлары жүйесі тарапынан қауіп факторлары бар ( мысалы, гипертония, гиперлипидемия, қант диабеті, темекі шегу), әсіресе ибупрофеннің жоғары дозалары (тәулігіне 2400 мг-нан астам ) талап етілсе, пациенттердің жағдайын мұқият бағалау керек.
Ауыр тері реакциялары
Эксфолиативтіқ дерматитті, Стивенс-Джонсон синдромын және уытты эпидермальді некролизді қоса алғанда, кейбіреулері өліммен аяқталған ҚҚСП-ны пайдалануға байланысты күрделі тері реакциялары сирек хабарланады. Пациенттер көп жағдайларда емдеудің алғашқы айында пайда болатын осы реакциялардың ең үлкен қаупіне емнің ерте сатыларында ұшырайды. Құрамында ибупрофен бар препараттарға қатысты жедел жайылған экзантематозды пустулез (AGEP) туралы хабарланды. Ибупрофенді тері бөртпесі, шырышты қабықтың зақымдануы немесе аса жоғары сезімталдықтың кез келген басқа белгілері сияқты ауыр тері реакцияларының белгілері мен симптомдары алғаш пайда болған кезде тоқтату керек.
Жасырын инфекциялар симптомдарының бүркемеленуі:
ИБУПРОФЕН-АКОС инфекциялық аурудың симптомдарын, соның ішінде, температура жоғарылауы мен ауыруды бүркемелеуі мүмкін, ол тиісінше емнің басталуының тежелуіне және сол арқылы аурудың ағымын асқындыруы мүмкін. Бұл ауруханадан тыс бактериялық пневмония жағдайында және желшешек кезіндегі бактериялық асқынулар кезінде байқалды.
Дене температурасы жоғарылаған кезде немесе инфекция кезінде ауыруды жеңілдету үшін ИБУПРОФЕН-АКОС препаратын қолданғанда, инфекциялық ауруға мониторинг жүргізу ұсынылады. Медицина мекемесінен тыс емдеу жағдайларында, егер симптомдары сақталып қалса немесе күшейсе пациент дәрігерге жүгінуі тиіс.
Желшешек
Жекелеген жағдайларда желшешек тері мен жұмсақ тіндердің ауыр инфекциялық асқынуларына себеп болуы мүмкін. Қазіргі кезде аталған инфекциялардың ушығуындағы ҚҚСП рөлін жоққа шығаруға болмайды. Сол себепті, ИБУПРОФЕН-АКОС,таблеткаларпрепаратын желшешек кезінде қолданбаған дұрыс.
Бас ауыруы
Бас ауыруы кезінде ауырғанды басатын дәрінің кез келген типін ұзақ уақыт қолдану оны ушықтырып жіберуі мүмкін. Ондай жағдай туындаса немесе соған күдік болса дәрігерге жүгіну және емделуді тоқтату керек. Бас ауыруына қарсы дәрілерді жүйелі түрде пайдаланып жүргеніне қарамастан (немесе байланысты) жиі немесе күн сайын басы ауыратын пациенттерде “дәрілерді шамадан тыс көп қабылдаудан бас ауыруы” диагнозына күдіктену керек.
Сақтықпен
ҚҚСП тромбоциттер функциясын бұзуы мүмкін болғандықтан, оларды миына қан құйылған және геморрагиялық диатезі бар пациенттерде сақтықпен қолдану керек.
Бүйрек функциясының нашарлауы қаупіне байланысты, бүйрек, бауыр және жүрек функциясы бұзылған пациенттер ҚҚСП сақтықпен қолдануы тиіс. Егде жастағы пациенттер, жүкті әйелдер, демікпесі бар немесе дәрі-дәрмектік ем қабылдап жүрген пациенттер препаратты қабылдар алдында дәрігермен кеңесуі тиіс.
Әйелдердегіфертильділіктінбұзылуы
Циклооксигеназа/простагландиндер синтезін тежейтін дәрілік препараттар овуляция үдерісіне әсер етуі салдарынан әйелдерде ұрпақ өрбіту функциясының бұзылуына әкелуі мүмкіндігі туралы шектеулі деректер бар. Бұл әсері препаратты қабылдауды тоқтатқан кезде қайтымды.
Басқа дәрілік препараттармен өзара әрекеттесуі
Ибупрофенді (басқа да қабынуға ҚҚСП сияқты) келесі препараттармен бірге қабылдамау керек
- ацетилсалицил қышқылы: дәрігер тағайындаған төмен дозалардағы (тәулігіне 75 мг-нан аспайтын) ацетилсалицил қышқылын қоспағанда, жағымсыз әсерлердің күшеюінің ықтималдығы салдарынан ибупрофен мен ацетилсалицил қышқылын бір мезгілде қабылдау ұсынылмайды.
Ибупрофен ацетилсалицил қышқылының төменгі дозаларының тромбоциттер агрегациясына әсерін бәсекелес тежеуі мүмкін, сондықтан ибупрофенді тұрақты ұзақ қолданғанда ацетилсалицил қышқылының кардиопротекторлық әсері төмендеуі мүмкін. Ибупрофенді эпизодтық қолданғанда клиникалық маңызды әсер байқалмайды.
- циклооксигеназа-2 селективтітежегіштерін қоса алғанда, басқа ҚҚСП:
жағымсыз әсерлердің пайда болу қаупінің артуы мүмкін болғандықтан ҚҚСП тобынан екі және одан да көп препараттарды бір мезгілде қолданбау керек.
Ибупрофенді келесі препараттарменүйлесімде сақтықпен қолдану керек
Кортикостероидтар: олар асқазан-ішек жолдарының ойық жарасы пайда болуының немесе қан кету қаупін арттыруы мүмкін.
Антикоагулянттар: ҚҚСП варфарин сияқты антикоагулянттардың әсерін күшейтуі мүмкін.
Антиагреганттер және серотонинді кері қармаудың селективті тежегіштері (СКҚСТ): асқазан-ішектен қан кетудің туындау қаупі жоғары.
Гипотензиялық препараттар (ангиотензин-өзгертуші ферменттің тежегішін (АӨФ) немесе ангиотензин II антагонисі): аталған препараттардың әсері төмендейді.. Бүйрек функциясы бұзылған кейбір пациенттерде (мысалы, дегидратациясы бар пациенттерде немесе бүйрек функциясы бұзылған егде пациенттерде) АӨФ тежегішіннемесе ангиотензин II антагонисін және циклооксигеназаны тежейтін агенттерді бір мезгілде енгізу әдетте қайтымды болуы мүмкін жедел бүйрек жеткіліксіздігін қоса алғанда, бүйрек функциясының одан әрі нашарлауына әкелуі мүмкін, бүйрек функциясының одан әрі нашарлауына әкелуі мүмкін. Бұл өзара әрекеттесуді АӨФ тежегіштерімен немесе ангиотензин II антагонистерімен бір мезгілде коксиб қабылдайтын пациенттерде ескеру керек. Сондықтан біріктірілімді сақтықпен қолдану керек, әсіресе егде адамдарда. Пациенттерталапқа сай гидратациялануы тиіс және қатарлас ем басталғаннан кейін және осыдан кейін мезгіл-мезгіл бүйрек функциясына мониторинг жүргізуге назар аудару керек.
Диуретиктер:несеп айдайтынәсері төмендейді. ДиуретиктерҚҚСП нефроуыттылығы қаупін арттыруы мүмкін
Жүрек гликозидтері: ҚҚСП мен жүрек гликозидтерін бір мезгілде тағайындау жүрек жеткіліксіздігінің ушығуына, шумақтық сүзіліс жылдамдығының төмендеуіне және қан плазмасында жүрек гликозидтері концентрациясының артуына әкелуі мүмкін.
Литий препараттары:литийдіңэлиминациясы төмендейді.
Метотрексат: метотрексаттыңэлиминациясы төмендейді.
Циклоспорин: ҚҚСП менбір мезгілде тағайындағанда нефроуыттылық қаупінің артуы.
Мифепристон: ҚҚСП қабылдаудымифепристон қабылдағаннан кейін 8-12 күннен соң бастау керек, өйткені ҚҚСПмифепристон тиімділігін төмендетуі мүмкін.
Такролимус: ҚҚСП мен такролимусты бір мезгілде тағайындағанда нефроуыттылық қаупі артуы мүмкін.
Зидовудин: ҚҚСП мен зидовудиндібір мезгілде қолдану гематологиялық уыттылықтың жоғарылауына әкелуі мүмкін. Зидовудинмен және ибупрофенмен бірге ем қабылдаған гемофилиясы бар АИТВ-оңпациенттерде гемартроз және гематома туындау қаупі жоғарылағаны туралы деректер бар.
Хинолондар қатарының антибиотиктері: ҚҚСП және хинолондар қатарыныңы антибиотиктерімен бірге ем қабылдайтын пациенттерде құрысулар туындау қаупі артуы мүмкін.
Аминогликозидтер: сезімтал адамдарда бүйрек функциясы төмендейді, аминогликозидтың шығарылуы төмендейді және оның қан плазмасындағы концентрациясы жоғарылайды.
Пробенецид: ҚҚСП мен олардың метаболиттерінің метаболизмі мен шығарылуы төмендейді.
Пероралъді гипогликемиялық дәрілік заттар: сульфонилмочевина препараттары метаболизмінің бәсеңдейді, жартылай шығарылу кезеңі ұзарады, гипогликемия жоғарылайды.
Миелоуытты препараттар: гематоуыттылықтың күшеюі
Цефамандол, цефоперазон, цефотетан, валъпрой қышқылы, пликамицин: гипопротромбинемия даму жиілігінің артуы
Өзекшелік секрецияны бөгейтін дәрілік заттар: ибупрофеннің шығарылуын төмендету және плазмалық концентрациясының жоғарылауы
Микросомалық тотығу индукторлары (фенитоин, этанол, барбитураттар, рифампицин, фенилбутазон, трициклді антидепрессанттар): гидроксилденген белсенді метаболиттер өнімдерін ұлғайту, ауыр уланудың даму қаупін арттыруы;
Микросомалық тотығу тежегіштері: гепатоуыттылық әсерінің қаупін азайтуы;
Антацидтер және колестирамин: сіңуінің азаюы;
Урикозуриялық препараттар: препараттар тиімділігінің азаюы;
Гинкго билоба: ҚҚСП-мен қолданылғанда қан кетулер қаупі жоғарылай түседі.
Вориконазол, флуконазол: ибупрофеннің әсері күшейеді, сондықтан да, вориконазолмен немесе флуконазолмен бір мезгілде қабылдағанда ибупрофеннің дозасын төмендету керек.
Арнайы сақтандырулар
Егер пациент темекі шегетін болса, препаратты қолданар алдында дәрігермен кеңесіңіз.
Педиатрияда қолдану
12 жасқа дейінгі балаларға препаратты қолдануға болмайды.
Егде жастағы пациенттердеқолдану
Егде жастағыкісілердеәсіресе кейбір жағдайларда өліммен аяқталатын асқазан-ішектен қан кету және тесілуінде ҚҚСП қолдану аясында жағымсыз реакциялар жиілігінің жоғарылауы байқалған.
Егде жастағы кісілердеҚҚСП-мен ұзақ емделу ұсынылмайды
Емдеу кезінде пациент дәрігердің бақылауында болуы керек.
Жүктілік немесе лактация кезінде
Простагландин синтезінің тежелуі жүктілік ағымына, эмбрион мен шарананың дамуына жанама әсер етуі мүмкін. Эпидемиологиялық зерттеулер деректері жүктіліктің ерте мерзімінде простагландиндер синтезінің тежегіштерін пайдалану кезінде өздігінен түсік тастау, жүрек ақаулары мен гастрошизис (асқазан қабырғасындағы туа біткен бұлшықет ақауы) қаупінің жоғарылығын растайды. Жүрек-қантамыр жүйесінің ауытқуларының пайда болуының абсолюттік қаупі 1% - дан аздан шамамен 1,5% - ға дейін өсті. Бұл қауіпдозаны және емдеу ұзақтығын ұлғайтқанда артады. Осыған байланысты, препаратты жүктіліктің I-II триместрінде қолданбаған дұрыс, препаратты қабылдау қажет болған жағдайда дәрігермен кеңесу керек.
ИБУПРОФЕН-АКОС препараты жүктілікті жоспарлап жүрген әйелдерге немесе жүктіліктің I-II триместрінде қабылдаған кезде дозасы мен емдеу ұзақтығы ең аз болуы тиіс.
Жүктіліктің ІІІ триместрінде простагландин тежегіштерін қолдану мыналардың дамуына ықпал етеді:
- артериялық түтіктіңмерзімінен бұрын жабылуымен және өкпе гипертензиясының дамуымен кардиопульмонарлық уыттылығы;
- бүйрек функциясының бұзылуында , су аздығы дамуымен (олигогидроамнион) бүйрек функциясының толық тоқтауына әкелуі мүмкін;
- қан кету уақытын арттыру, тіпті өте төмен дозаларда да антиагрегациялық әсер ету;
- жатырдың жиырылу қызметінің бәсеңдеуі және босанудың кешеуілдеуі немесе ұзаққа созылуы.
Осыған байланысты, ИБУПРОФЕН-АКОС жүктіліктің үшінші триместрінде қарсы көрсетілімде.
Ибупрофен емшек сүтіне болар-болмас мөлшерде, емшектегі сәбидің денсаулығына қандай-да бір теріс салдарларынсыз өтуі мүмкін, сондықтан әдетте, қысқа мерзім ішінде қабылдағанда бала емізуді тоқтату қажеттілігі туындамайды.Препаратты ұзақ уақыт қолдану қажет болған жағдайда, препарат қолданылатын кезеңде бала емізуді тоқтату туралы мәселені шешу үшін дәрігерге жүгіну керек.
Препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері
ИБУПРОФЕН-АКОС препаратымен емдеу кезінде көлік құралын және қауіптілігі зор механизмдерді басқару кезінде сақ болу қажет.
Препаратты қабылдағанға дейін нұсқаулықты мұқият оқып шығыңыз!
Дозалау режимі
Ең аз тиімді дозасы симптомдарын жеңілдету үшін қажетті қысқа уақыт мерзімі ішінде қолданылуы тиіс («Қолдану кезінде қажетті сақтық шаралары» бөлімін қараңыз)
Бастапқы дозасы 400 мг, содан соң, қажет болса, әр төрт сағат сайын 200-ден 400 мг дейін құрайды:
ИБУПРОФЕН-АКОС, таблеткалар, 200 мг:
Ересектер:
1 таблеткадан (200 мг) тәулігіне 3 – 4 ретке дейін
Ең жоғары тәуліктікдозасы – 1200 мг (6 таблетка)
24 сағат ішінде 1200 мг артық (6 таблетка) қабылдауға болмайды.
12 жастан үлкен балалар және 18 жасқа дейінгі жасөспірімде
1 таблеткадан (200 мг) тәулігіне 3 - 4 ретке дейін
Ең жоғары тәуліктік доза – 800 мг (4 таблетка).
24 сағат ішінде 800 мг 200 мг–ден (4 таблетка) артық қабылдауға болмайды.
ИБУПРОФЕН-АКОС, таблеткалар, 400 мг:
Ересектер:
1 таблеткадан (400 мг) тәулігіне 2 –3 ретке дейін
Ең жоғары тәуліктік дозасы – 1200 мг (3 таблетка)
24 сағат ішінде 1200 мг артық (3 таблетка) қабылдауға болмайды.
12 жастан үлкен балалар және 18 жасқа дейінгі жасөспірімде
1 таблеткадан (400 мг) тәулігіне 2 ретке дейін
Ең жоғары тәуліктік доза – 800 мг (2 таблетка).
24 сағат ішінде 800 мг (400 мг–ден 2 таблетка) артық қабылдауға болмайды.
Көрсетілген дозадан асырмау керек!
Пациенттердің ерекше топтары
Балалар
12 жасқа дейінгі балаларға ИБУПРОФЕН-АКОС препаратын қабылдауға болмайды
Егде жастағы пациенттер:
Дозасын арнайы түзету қажет емес. Жағымсыз құбылыстары болуы мүмкіндігіне байланысты аса сақтықпен қолдану керек.Асқазан-ішек жолынан қан кетуді емдеу кезінде мұқият бақылау жүргізу керек.
Бауыр жеткіліксіздігі бар пациенттер
Бауыр функциясының ауырлығы жеңіл және орташа дәрежесінде бұзылған пациенттер үшін препарат дозасын төмендету талап етілмейді.
Бүйрек жеткіліксіздігі бар пациенттер
Бүйрек функциясы жеңіл және орташа ауырлық дәрежесінде бұзылған кезде дозасын төмендету талап етілмейді.
ИБУПРОФЕН-АКОС таблеткалары ішке қабылдауға арналған
Таблеткаларды тұтастай жұту және көп мөлшердегі сумен (кемінде жарты стақан) ішу керек. Ауыз қуысында жағымсыз сезімдердің және тамақтың тітіркенуі болмауы үшін, таблеткаларды шайнауға, сындыруға немесе ұсақтауға болмайды. Препаратты тамақтану кезінде немесе одан кейін қолдану ұсынылады.
Қабылдау уақыты көрсетілген қолдану жиілігі
Таблеткаларды қабылдау арасындағы аралық кемінде 4-6 сағатты құрауы тиіс.
Препарат қысқа уақыт мерзімі қолдануға арналған.
Ересектер:
ИБУПРОФЕН-АКОС препаратын 10 күннен астам уақыт бойы қабылдау қажет болған жағдайда, дәрігердің кеңесіне жүгіну керек.
12 жастан үлкен балалар және 18 жасқа дейінгі жасөспірімдер:
ИБУПРОФЕН-АКОС препаратын 3 күннен астам уақыт бойы қабылдау қажет болған жағдайда, дәрігердің кеңесіне жүгіну керек.
Егер ауру симптомдары 3 күннен артық сақталса, не болмаса бастапқы жағдаймен байланыссыз қандай-да бір басқа симптомдар пайда болса, не болмаса жағдай нашарласа, емделуді дереу тоқтату және дәрігерге жүгіну керек.
Артық дозаланған жағдайда қолданылуы қажет шаралар
Симптомдары: жүрек айнуы, құсу, эпигастрий тұсының ауыруы, немесе сирек диареямен, құлақтың шуылдауы, бас ауыруы және асқазан-ішектен қан кету сияқты симптомдар туындауы мүмкін. Аса ауыр жағдайларда орталық жүйке жүйесі тарапынан уыттылық көріністері байқалады, атап айтқанда ұйқышылдық, бас айналу,қозу, сондай-ақ бағдардан жаңылу немесе кома, сирек жағдайларда құрысулар туындайды. Ауыр улану жағдайларында гипокалиемия, метаболизмдік ацидоз және протромбиндік уақыттың /ХҚҚ (қалыптасқан халықаралыққатынас) ұзаруы дамуы мүмкін, бұл препараттың өзара әрекеттесуімен және қан ұюының айналымдағы факторымен байланысты болуы мүмкін. Бүйректің жедел жеткіліксіздігі, бауырдың зақымдалуы туындауы, гипотензия,тыныс тарылуы және цианоз мүмкін. Бронх демікпесі барпациенттерде осы ауру асқынуы мүмкін.
Емі:пациенттің тұрақты жағдайына қол жеткізгенге дейін тыныс алу жолдарының еркін өткізгіштігін, жүрек қызметінің мониторингі мен өмірлік маңызды функциялардың негізгі көрсеткіштерін міндетті түрде қамтамасыз ете отырып, симптоматикалық және демеуші ем. Препараттың уытты болуы ықтимал дозасын қабылдағаннан кейін бір сағат ішінде белсендірілген көмірді пероральді қолдану және асқазанды шаю немесе құстыру жолымен босату ұсынылады. Егер ибупрофеннің сіңуі орын алса, ибупрофен қышқылдарының несеппен шығарылуына ықпал ететін сілтілік заттарды енгізу керек.
Жиі немесе ұзаққа созылған құрысулар кезінде диазепамды немесе лоразепамды вена ішіне енгізуді тағайындау керек. Бронх демікпесінде бронходилататорларды қолдану ұсынылады.
Артық дозаланғанда, пациент шұғыл медициналық көмек алу үшін дереу дәрігерге жүгіну керек.
Дәрілік препараттың бір немесе бірнеше дозасын өткізіп алу кезіндегі қажетті шаралар
Қабылданбай қалған дозаның орнын толтыру үшін екі есе дозаны қабылдамаңыз
Тоқтату симптомдары қаупінің болуын көрсету
Қатысы жоқ
Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар
Дәрілік препаратты қолданар алдында дәрігерге немесе фармацевтке жүгініңіз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
- бас ауруы
- аса жоғары сезімталдық реакциялары: спецификалық емес аллергиялық реакциялар және анафилаксиялық реакциялар, тыныс жолдары тарапынан реакциялар (бронх демікпесі, соның ішінде оның өршуі, бронх түйілуі, ентігу, диспноэ)
- әртүрлі типтегі тері реакциялары (қышыну, есекжем, пурпура (геморрагиялық бөртпе)
- ангиоэдема (Квинке ісінуі)
- іштің ауыруы, жүрек айнуы, диспепсия
Сирек
- диарея, метеоризм (газ түзілуінің жоғарылығы), іш қатуы және құсу
Өте сирек
- қан түзілуінің бұзылулары: анемия (гемоглобин деңгейінің төмендеуі), лейкопения, тромбоцитопения, панцитопения, агранулоцитоз. Алғашқы белгілері-дене температурасының жоғарылауы, тамақ ауруы, ауыз қуысында ойық жараның пайда болуы, тұмауға ұқсас симптомдар, айқын әлсіздік, этиологиясы анықталмаған қан кету және гематомалар
- аса жоғары сезімталдықтың ауыр реакциялары, соның ішінде беттің, тілдің және көмейдің ісінуі, ентігу, тахикардия, гипотензия (анафилаксия, Квинке ісінуі немесе ауыр анафилаксиялық шок).
- асептикалық менингит
Аутоиммундық бұзылулары бар (жүйелі қызыл жегі, дәнекер тінінің аралас ауруы) пациенттерде ибупрофенмен емдеу кезінде асептикалық менингит симптомдарының, атап айтқанда, желке бұлшықеттерінің сіресулері, бас ауруы, жүрек айнуы, құсу, дене температурасының көтерілуі немесе бағдардан жаңылу) пайда болуының бірлі-жарым жағдайлары байқалды және препаратты қабылдауды тоқтатқаннан кейін жоғалып кетті
- асқазанның және он екі елі ішектің ойық жара ауруы, асқазан-ішектің тесілуі немесе қан кетуі, мелена, қан аралас құсу, кейбір жағдайларда өліммен аяқталған, көбінесе егде жастағы пациенттерде
- ойық жаралы стоматит, гастрит
- Стивенс-Джонсон синдромы, мультиформалы эритема және уытты эпидермалық некролизді (Лайелл синдромы) қоса, буллездік реакциялар сияқты ауыр тері реакциялары
- жедел бүйрек жеткіліксіздігі, папилонекроз, әсіресе ұзақ қолданғанда, қан сарысуындағы мочевина деңгейінің жоғарылауымен және ісінудің пайда болуымен үйлесімде
- бауыр функциясының бұзылуы
Белгісіз
- тыныс алу жолдары тарапынан реакциялар (бронх демікпесі, оның ішінде оның өршуі, бронх түйілуі немесе ентігу)
күніне 2400 мг жоғары дозаларында қолданғанда миокард инфарктісін немесе инсульт туғызатын артериялар тромбозының қаупі жоғарылайды
- гипертензия (артериялық қысымның жоғарылауы)
- спецификалық емес ойық жаралы колиттің және Крон ауруының өршуі
- эозинофилиямен және жүйелі көріністермен жүретін дәрі-дәрмектік реакция (DRESS-синдромы)
- бүйрек жеткіліксіздігі
- тері және теріасты шелмайы аурулары (жедел жайылған экзантемалық пустулез (AGEP))
- эритема және макулопапулалық бөртпе
- қабынумен байланысты инфекциялардың өршуі (мысалы, некроздық фасцииттің дамуы), жекелеген жағдайларда желшешек инфекциясы кезінде тері мен жұмсақ тіндердің инфекцияларының ауыр асқынуларытуындауы мүмкін
- зертханалық көрсеткіштер тарапынан өзгерістер:
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
Қосымша мәліметтер
Дәрілік препараттың құрамы
белсенді зат: 200 мг немесе 400 мг ибупрофен,
қосымша заттар: коллидон 90 F, микрокристалды целлюлоза, тальк, кросповидон,кальций стеараты, коллоидты кремнийдің қостотығы,жүгері крахмалы
қабықтың құрамы: гипромеллоза, тальк, титанның қостотығы Е 171, пропиленгликоль, макрогол - 4000.
Сыртқы түрінің, иісінің, дәмінің сипаттамасы
200 мг таблеткалар – ақ немесе ақ дерлік түсті, дөңгелек, екі беті дөңес, үлбірлі қабықпен қапталған таблеткалар.
400 мг таблеткалар – ақ немесе ақ дерлік түсті, сопақша пішінді, беті дөңес, үлбірлі қабықпен қапталған таблеткалар. Көлденең қимасында ақ немесе ақ дерлік түсті бір қабат көрініп тұрады.
Шығарылу түрі және қаптамасы
Поливинилхлорид үлбірден және лакталған баспалы алюминий фольгадан жасалған пішінді ұяшықты қаптамада 10 таблеткадан.
2, 5 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Жарықтан қорғалған жерде, 30ºС-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
«Синтез» ААҚ, Ресей, 640008,
Қорған обл., Қорған қ., Конституция даңғ., 7 үй.
Тел./факс (3522) 48-16-89
E-mail: contact@ksintez.ru
Тіркеу куәлігінің ұстаушысы
«Синтез» ААҚ, Ресей, 640008,
Қорған обл., Қорған қ., Конституция даңғ., 7 үй.
Тел./факс (3522) 48-16-89
E-mail: contact@ksintez.ru
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы,мекенжайы және байланыс деректері (телефон, факс, электронды пошта)
«Deсalog» ЖШС, 050050,
Қазақстан Республикасы,
Алматы қ., Глазунов к-сі, 41 А-4
тел.: +7(727) 2944221,
тел.: +7 (701) 7315218
E-mail: deсalog@nur.kz