Индовазин 45 гр, гель
Тауарлардың көрінісі фотосуретте көрсетілгеннен өзгеше болуы мүмкін

Индовазин 45 гр, гель

1650
Қолжетімділігі
Сатылымда бар
Үлгі
3800009130022
Елі
Исландия
Өндіруші
Actavis
  • Сипаттама
  • Дәріханалар

Сипаттама

Дәрілік заттың медициналық қолдану жөніндегі нұсқаулық

ИНДОВАЗИН®

Саудалық атауы

Индовазин®

Халықаралықпатенттелмеген атауы

Жоқ

Дәрілік түрі

Сыртқа қолдануға арналған гель

Құрамы

1 ггельдің құрамында

белсенді заттар: 30 мг индометацин

20 мг троксерутин

қосымша заттар: карбомер, макрогол 400, натрий бензоаты, изопропанол, диметилсульфоксид, динатрий эдетаты, Fresco BM&GD R.08.0932.1 хош иістендіргіші, тазартылған су.

Сипаттамасы

Аздап бозаңданатын сарғыштан сарғыш-қоңыр түске дейінгі гель

Фармакотерапиялық тобы

Ангиопротекторлар. Капиллярлар өткізгіштігін төмендететін препараттар. Биофлавоноидтар. Басқапрепараттармен біріктірілген троксерутин.

АТХ коды С05СА54

Фармакологиялық қасиеттері

Фармакокинетикасы

Сіңуі

Пайдаланылатын гель негізі индометацин және троксерутин дәрілік заттарының толық еруін және олардың ең жоғарғы деңгейде босап шығуын қамтамасыз етеді.

Құрамына индометацин мен троксерутин кіретін гельді дәрілік түр терінің беткейінен жақсы сіңірілуді қамтамасыз етеді, терінің астында жатқан тіндерде және синовиальді сұйықтықта қажетті концентрациялар құра отырып, әртүрлі деңгейде емдік әсерді қамтамасыз етеді.

Таралуы

Tроксерутин құрамында тригидроксиэтилрутозид (troxerutin) басым болып келетін рутин биофлавонидтерінің гидроксиэтилді туындылар қоспасы (O-(b-hydroxyethyl) rutosides) болып табылады.

Индометациннің 90% астамы плазма ақуыздарымен байланысады және белсенді емес қосылыстарға дейін О-деметилдену және N-деацeтилдену арқылы бауырда қарқынды биотрансформацияға ұшырайды.

Сіңуі

Индометацин несеппен (60%), өтпен және нәжіспен (30%) шығарылады. Емшек сүтіне өтеді.

Резорбцияланған три-, ди- және моногидроксиэтилрутозидтердің үлкен бөлігі өтпен және айтарлықтай аздаған бөлігі – бүйрек арқылы шығарылады.

Тетрагидроксиэтилрутозид көбіне несеппен шығарылады.

Фармакодинамикасы

Индовазин® гелі құрамына индометацин мен троксерутин кіретін біріктірілген дәрілік зат болып келеді.

Индометацин айқын қабынуға қарсы, анальгетикалық және ісінуге қарсы әсерге ие. Бұл ауыруды жоюға, ісінуді азайтуға әкеліп, зақымдалған буындар мен тіндердің қалпына келу уақытын қысқартады. Негізгі әсер ету механизмі циклооксигеназаның қайтымды блокадасы арқылы простагландиндердің синтезін басумен байланысты. Индометацинге қарағанда, салицилаттар және фенилбутазон аз дәрежедеқабынуға қарсы әрекет етеді.

Tроксерутин (тригидроксиэтилрутинозид) биофлавоноид болып табылады. Ол ангиопротекторлық дәрілерге жатады. Капиллярлар өткізгіштігін азайтып, венаның тонусын арттыратын әсер береді. Ол гистамин, брадикинин және ацетилхолиннің венаны кеңейтетін әсерін бөгейді. Капиллярлар сынғыштығын азайтады және кейбір антиагрегантты әсерге ие болады. Ісінуді азайтады, вена жеткіліксіздігіне байланысты патологиялық өзгерістерде трофиканы жақсартады.

Индовазин® гелін теріге жаққанда, қабыну реакциясын және ісінуді басады, ауыру сезімін азайтады. Вена тонусын арттыратын, капилляропротекторлық және гемостатикалық әсер береді.

Қолданылуы

- созылмалы веналық жеткіліксіздікте, ауырумен және ісінумен қатар жүретін венаның варикозды кеңеюінде

- беткейлік тромбофлебитте, флебитте, флебиттен кейінгі жағдайда

- геморроидальді ауруды кешенді емдеуде

- тендовагинитте, бурситте, фиброзитте, периартритте

- хирургиялық араласулардан кейінгі ісінулерде, контузияларда, шығып кеткенде, созылуларда.

Қолдану тәсілі және дозалары

Препарат сыртқа қолдануға арналған.

Зақымданған жерге гельдің 4-5 см күніне 2-3 рет жұқа қабат етіп жеңіл ысқылай отырып жағу керек. Бір реттік дозасы 4-5 см, тәуліктік дозасы 15 см аспауы тиіс. Емдеу ұзақтығы 10 күннен аспауы керек.

Жағымсыз әсерлері

Жергілікті реакциялар

Сирек

- терінің құрғауы, тері гиперемиясы

- аллергиялық реакциялар (жанаспалы дерматит, қызару, қышыну, тері бөртпесі, жаққан жерде жылу мен ашытуды сезіну)

Жүйелі реакциялар

Өте сирек (дененің ауқымды жеріне ұзақ уақыт бойы қолданған кезде)

  • жүрек айнуы, құсу, асқазандағы ауыру
  • бауыр энзимі деңгейінің жоғарылауы
  • анафилаксия, бронх түйілуі, ангионевроздық ісіну

- фотосенсибилизация реакциясы

- бірлі-жарым жағдайларда – псориаздың өршуі.

Қолдануға болмайтын жағдайлар

- препараттың әсер етуші затына немесе қандай болмасын қосымша компонентіне аса жоғары сезімталдық

- ацетилсалицил қышқылына және басқа ҚҚСД (қабынуға қарсы стероидты емес дәрілерге) аса жоғары сезімталдық

- жүктілік, лактация кезеңі

- 14 жасқа дейінгі балалар (тиімділігі мен қауіпсіздігі дәлелденбеген)

- бронх демікпесі

- тері жабыны бүтіндігінің, шырышты қабықтың бұзылуы

- қайталанатын поллиноз

- этиологиясы айқын емес қан ұюының бұзылуы (гипокаогулопатии)

Сақтықпен:

- қабынуға қарсы дәрілермен бір мезгілде қабылдау

- порфирия

- асқазан-ішек жолының эрозиялы-ойық жаралы зақымдануы

- бауыр мен бүйрек функциясының ауыр бұзылулары

- созылмалы жүрек жеткіліксіздігі

- егде жастағылар

Дәрілермен өзара әрекеттесуі

Индовазин® гелін кортикостероидты препараттармен бір мезгілде қолдану ұсынылмайды, өйткені олардың ульцерогенді әсері күшеюі мүмкін.

Препаратты басқа ҚҚСД, антибиотиктер, антикоагулянттар, гипогликемиялық препараттармен бір мезгілде сақтықпен қабылдау керек. Гель фотосенсибилизация туындататын препараттардың әсерін күшейтуі мүмкін.

Айрықша нұсқаулар

Препаратты бронх демікпесі, аллергиялық риниті немесе басқа да атопиялары бар науқастарға қолданғанда, сақ болған жөн.

Зақымдалмаған теріге ғана жағады. Гельдің шырышты қабыққа, ашық жара беткейлеріне немесе көзге түсуін болдырмау керек.

Бауырдың және бүйректің ауыр сипатты ауруы және ойық жараауруы бар науқастарға препаратты ұзақ уақыт, әсіресе терінің үлкен аумағында қолдануды шектеу керек.

10 күннен аса емдеу курсын алғанда, лейкоциттік жәнетромбоциттік формулаға зертханалық бақылау жүргізу керек.

Қосымша заттары жөнінде ақпарат

Индовазин® гелінің құрамында теріге және шырышты қабыққа тітіркендіргіш әсер беретін қосымша заттар ретінде натрий бензоаты және диметилсульфоксид бар.

Көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Препаратты жергілікті қолданғанда, артық дозалану жағдайлары туралы мәліметтер жоқ.

Ұзақ (10 күннен аса) емдегенде бастың қатты ауыруы пайда болуы мүмкін.

Ішке абайсызда қабылдап қойған жағдайда ауыз ішін ашыту сезімі, сілекейдің көп бөлінуі, жүрек айнуы, құсудың пайда болуы мүмкін.

Емі: ауыз қуысы мен асқазанды шаю, қажет болған жағдайда – симптоматикалық ем.

Көзге, шырышты қабыққа немесе ашық жара беткейлеріне түскен жағдайда, жергілікті тітіркену – көзден жас ағуы, қызаруы, ашытуы, ауыруы байқалады.

Емі: зақымданған жерді шағымдану жойылғанша немесе азайғанша дистилденген судың немесе физиологиялық ерітіндінің көп мөлшерімен шаю керек.

Шығарылу түрі және қаптамасы

45 г препараттан жарғақшалы алюминий сықпада.

1 сықпадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Жарықтан қорғалған жерде, 25оС-ден аспайтын температурада.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші

Балканфарма-Троян АД, Болгария

5600,Троян қ., “Крайречна” к-сі, № 1, Болгария

Тіркеу куәлігінің иесі

Балканфарма-Троян АД, Болгария,

5600,Троян қ., “Крайречна” к-сі, № 1, Болгария

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«ратиофарм Қазақстан» ЖШС, 050059, Алматы қ., Әл-Фараби даңғ., 17/1,

Нұрлы Тау БО, 5Б, 6 қабат. Телефон: (727) 325 16 42,

e-mail: Safety.Kazakhstan@tevapharm.com

Дәріханалар

Тауар артығымен бар
Тауар аз қалды
Аптека №308
Проспект Казбек би 42
Круглосуточно