Рецепт бойынша
Тауарлардың көрінісі фотосуретте көрсетілгеннен өзгеше болуы мүмкін

Итракон 100 мг № 15 капс

6173
Қолжетімділігі
Сатылымда бар
Үлгі
4823002235913
Елі
Украина
Өндіруші
Фармак ОАО
  • Сипаттама
  • Дәріханалар

Сипаттама

Дәрілік затты медициналық қолдану

жөніндегі нұсқаулық

ИТРАКОН®

Саудалық атауы

Итракон®

Халықаралық патенттелмеген атауы

Итраконазол

Дәрілік түрі

100 мг капсулалар

Құрамы

1 капсуланың құрамында

белсенді зат – итраконазол, итраконазолға шаққанда 100 мг пеллеттер;

қосымша заттар: гипромеллоза, сфералық қант, полиэтиленгликоль, акрилатты сополимер;

желатиндікапсула құрамы: азорубин (Е122), индигокармин FD&C көгілдір 2 (Е132), титанның қостотығы (Е171), желатин.

Сипаттамасы

Корпусы қызғылт түсті және қақпақшасы – көгілдір түсті, өлшемі № 0 немесе № 1 қатты желатинді капсулалар.

Капсула ішіндегісі – ақ дерліктен крем түсіне дейінгі сфера пішінді түйіршіктер.

Фармакотерапиялық тобы

Жүйелі қолдануға арналған зеңге қарсы препараттар.

Триазол туындылары. Итраконазол

АТХ коды J02AC02

Фармакологиялық қасиеттері

Фармакокинетикасы

Жалпы фармакокинетикалық сипаттамалары. Итраконазолды ішу арқылы қолданғаннан кейін қан плазмасындағы концентрация шыңына 2-ден 5 сағатқа дейінгі аралықта жетеді. Итраконазолдың дозаға тәуелсіз фармакокинетикасы салдарынан көп рет қолданудан кейін қан плазмасындажинақталады. Тепе-тең концентрациялар жағдайына, әдетте, тәулігіне 1 рет 100 мг, тәулігіне 1 рет 200 мг және тәулігіне 2 рет 200 мг қолданудан кейін сәйкесінше Сmax 0,5 мкг/мл, 1,1 мкг/мл және 2,0 мкг/мл мәндерімен 15 күннің ішінде жетеді. Итраконазолдың жартылай шығарылуының ақырғы кезеңі бір реттік дозадан кейін жалпы алғанда 16-дан 28 сағатқа дейін ауытқиды және бірнеше дозаларды қолданғаннан кейін 34-42 сағатқа дейін ұлғаяды. Емдеуді тоқтатқаннан кейін итраконазолдың концентрациясы дозаға және емдеу ұзақтығына байланысты қан плазмасынан 7-14 күн бойы іс жүзінде анықталмайтын деңгейге дейін төмендейді. Итраконазолдың орташа плазмалық клиренсі вена ішіне қолданудан кейін минутына 278 мл құрайды. Қаныққан бауырлық метаболизмінің арқасында жоғарырақ дозаларда итраконазолдың клиренсі төмендейді.

Сіңірілуі. Итраконазол ішу арқылы қолданудан кейін жылдам сіңеді. Капсулаларды ішу арқылы қолданғаннан кейін өзгермеген дәрілік заттың ең жоғары плазмалық концентрациялары 2-5 сағаттың ішінде жетеді. Итраконазолдың абсолюттік биожетімділігі 55% құрайды. Ішке қабылдаған кездегі ең жоғарғы биожетімділігі препаратты жоғары калориялы тағамды қабылдаудан кейін дереу қолданған кезде байқалады.

Итраконазол капсулаларының сіңірілуі асқазан қышқылы төмендеген, асқазан қышқылының бөліну супрессорларын - препараттарды (Н2-рецепторларының антагонистері, протондық помпа тежегіштері) қолданатын пациенттерде, немесе белгілі бір аурулардан туындаған ахлоргидриясы бар пациенттерде төмен болады. Егер итраконазол капсулаларын қышқылдығы жоғары сусындармен (мысалы, диеталық емес коламен) қолданса, итраконазолдың мұндай пациенттерде ашқарынға сіңірілуі ұлғаяды. Итраконазолдың капсулаларды қолданудан кейінгі концентрациясы сондай дозадағы оральді ерітіндіні қолданудан кейінгімен салыстырғанда төменірек.

Таралуы. Итраконазолдың басым бөлігі плазма ақуыздарымен байланысады (99,8%), альбумин негізгі байланыстырушы компоненті болып табылады (99,6 % гидроксиметаболит үшін). Сондай-ақ оның майларға жоғары афинділігі бар. Итраконазолдың 0,2% ғана қанда байланыспаған зат күйінде қалады. Итраконазолдың болжамды таралу көлемі барынша мәнді (> 700 л), бұдан оның тіндерге кең таралуын болжауға болады: өкпедегі, бүйректегі, бауырдағы, сүйектердегі, асқазандағы, көкбауырдағы және бұлшықеттердегі концентрациялары плазмадағы концентрациясына қарағанда 2-3 есе жоғары болды. Итраконазолдың кератинді тіндерде, әсіресе теріде жинақталуы, қан плазмасындағы осындайдан 4 есе жоғары болды.Жұлын сұйықтығындағы концентрациясы қан плазмасындағыдан едәуір төмен, алайда жұлын сұйықтығында шоғырланатын инфекцияға қарсы тиімділігі көрсетілген.

Биотрансформациясы. Итраконазол көп мөлшерде метаболиттер түзе отырып бауырда елеулі дәрежеде ыдырайды. In vitro зерттеулерге сәйкес, CYP3A4 –итраконазолдың метаболизм үдерісіне қатысатын басты фермент. Басты метаболиті итраконазолмен салыстырымдызеңге қарсы in vitro әсері бар гидрокси-итраконазол болып табылады. Гидрокси-итраконазолдың плазмадағыконцентрациялары итраконазолдың концентрациясынан шамамен 2 есе жоғары.

Шығарылуы. Оральді ерітіндінің дозасын қолданудан кейін 1 аптаның ішінде итраконазолдың шамамен35 % белсенді емес метаболиттер түрінде несеппен және 54 %-ға жуығы нәжіспен шығарылады. Итраконазолдың және белсенді метаболиті гидрокси-итраконазолдың бүйрекпен шығарылуы вена ішіне енгізуден кейін дозаның 1%-дан азын құрайды. Өзгермеген заттың нәжіспен шығарылуы 3-тен18% дейін ауытқиды.

Пациенттердің ерекше санаттары.

Бауыр жеткіліксіздігі. Итраконазол негізінен бауырда метаболизденеді. Циррозы бар пациенттерде итраконазолдың Cmax және орташа мәнінің статистикалық мәні бар азаюы (47 %) және жартылай шығарылу кезеңінің 2 есе ұлғаюы белгілі. Әйтсе де итраконазолдың жалпы концентрациялары, AUC негізінде, екі топта да салыстырымды болды.

Итраконазолды циррозы бар пациенттерге ұзақ қолдануға қатысты қолжетімді мәліметтер жоқ.

Бүйрек жеткіліксіздігі. Итраконазолды бүйрек функциясының бұзылуы бар пациенттерге қолдану туралы мәліметтер шектеулі. Гемодиализдің немесе ұзақ амбулаториялық перитонеальді диализдің итраконазол фармакокинетикасына (Tmax, Cmax, AUC0-8h) маңызды ықпалының жоқ екенін көрсететін мәліметтер бар.

Итраконазолды бүйрек функциясы бұзылған пациенттерге ұзақ уақыт қолдану туралы қолжетімді мәліметтер жоқ. Диализ итраконазолдың немесе гидрокси-итраконазолдың жартылай шығарылуына немесе клиренсіне ықпал етпейді.

Балалар. Итраконазолды балаларға қолдану туралы мәліметтер шектеулі. Итраконазолдың AUC, жалпы клиренсінің жасқа елеулі тәуелділігі анықталған жоқ, алайда жаспен, таралу көлемімен, Cmax ақырғы шығарылуымен арадағы әлсіз байланыс байқалған. Болжамды клиренс және таралу көлемі дене салмағына байланысты болды.

Фармакодинамикасы

Итраконазол – триазол туындысы, әсер ету ауқымы кең. In vitro зерттеулеритраконазолдың зең жасушаларындағы эргостерол синтезін бәсеңдететінін көрсетті. Эргостерол зеңнің жасушалық жарғақшасының маңызды компоненті болып табылады, оның синтезінің бәсеңдеуі зеңге қарсы әсерді қамтамасыз етеді.

Итраконазолға қатысты, шекаралық мәндер беткейлік микоздық инфекциялар кезінде Candida spp. үшін ғана анықталды (CLSI M27-A2, шекаралық мәндер EUCAST әдіснамасы бойынша анықталған жоқ). Іn vitro зерттеулер итраконазолдың әдетте ≤1 мкг/мл концентрациялардаадам үшін патогенді зеңдердің кең ауқымының өсуін бәсеңдететінін көрсетті. Олар мыналарды қамтиды: дерматофиттер (Trichophyton spp., Microsporum spp., Epidermophyton floccosum); ашытқылар (Candida spp., C. albicans, C. tropicalis, C. parapsilosis және C. krusei қоса, Cryptococcus neoformans, Malassezia spp., Trichosporon spp., Geotrichum spp.), Aspergillus spp.; Histoplasma spp., H. Capsulatum қоса; Paracoccidioides brasiliensis; Sporothrix schenckii; Fonsecaea spp.; Cladosporium spp.; Blastomyces dermatitidis; Coccidiodes immitis; Pseudallescheria boydii; Penicillium marneffei және басқа ашытқылар мен зеңдердің алуан түрлері.

Candida krusei, Candida glabrata және Candida tropicalis жалпы алғанда сезімталдығы ең аз Candida түрлеріне жатады, ал кейбір изоляттар итраконазолға in vitro төзімділік көрсетеді.

Итраконазол бәсеңдетпейтін зеңдердің басты типтері зигомицеттер (Rhizopus spp., Rhizomucor spp., Mucor spp., және Absidia spp.), Fusarium spp., Scedosporium proliferans және Scopulariopsis spp. болып табылады.

Азолдарға төзімділік баяу дамиды және әдетте бірнеше генетикалық мутациялардың нәтижесі болып табылады. Азолдар класының өкілі болатын дәрілік заттардың арасындағы айқаспалы төзімділік Candida түрлері аясында байқалды, алайда кластың бір өкіліне төзімділік міндетті түрде басқа азолдарға төзімділіктің бар екенін білдіре бермейді. Итраконазолға төзімді Aspergillus fumigatus штаммдары туралы хабарланды.

Қолданылуы

- вульвовагинальді кандидоз

- кебек тәрізді теміреткі

- итраконазолға сезімтал қоздырғыштардан туындаған дерматомикоздар (Trichophyton spp., Microsporum spp., Epidermophyton floccosum), мысалы, табан дерматофитиясы, шап дерматомикозы, дене дерматофитиясы, білезіктердің дерматофитиясы

- орофарингеальді кандидоз

- дерматофиттерден және/немесе ашытқылардан туындаған онихомикоздар

- гистоплазмоз

- жүйелі микоздар (зеңге қарсы бірінші желідегі ем қолданылмайтын жағдайларда немесе басқа зеңге қарсы препараттармен емдеу тиімсіз болған жағдайда, бұл патологияның болуына, патогеннің сезімтал еместігіне немесе препараттың уыттылығына байланысты болуы мүмкін):

- аспергиллез және кандидоз;

- криптококкоз (криптококкты менингитті қоса): криптококкозы бар иммундық әлсіреген пациенттерді және орталық жүйке жүйесінің криптококкозы бар барлық пациенттерді емдеу;

- ЖИТС бар пациенттерде бар зеңдік инфекцияның қайталануының алдын алу мақсатындағы демеуші ем.

Итракон® ұзаққа созылған нейтропениясы бар пациенттерде стандартты ем жеткіліксіз болған кезде зеңдік инфекцияның профилактикасы үшін де тағайындалады.

Қолдану тәсілі және дозалары

Итракон® капсулаларын препараттың толық сіңірілуін қамтамасыз ету үшін тамақтан кейін дереу ішу арқылы қолдану керек. Капсулаларды бүтіндей жұту керек.

Әрбір көрсетілім үшін ересектерді емдеу сызбалары мынадай:

Қолданылуы

Дозасы

Ұзақтығы

•Вульвовагинальді кандидоз

Тәулігіне 2 рет 200 мг

1 күн

• Кебек тәрізді теміреткі

Тәулігіне 1 рет 200 мг

7 күн

•Шап дерматомикозы, дене дерматофитиясы

Тәулігіне 1 рет 100 мг

15 күн

Тәулігіне 1 рет 200 мг

7 күн

•Табан дерматофитиясы, білезіктердің дерматофитиясы

Тәулігіне 1 рет 100 мг

30 күн

•Орофарингеальді кандидоздар

Тәулігіне 1 рет 100 мг

15 күн

Нейтропениясы және ЖИТС бар пациенттерде препараттың сіңірілуі бұзылатындықтан, оларға дозаны 15 күн бойы тәулігіне 1 рет200 мг дейін арттыру керек.

•Онихомикоздар (бақайлардағы тырнақ пластиналарының зақымдануы, қол тырнақтарының зақымдануымен де, және онсыз да)

Тәулігіне 1 рет 200 мг

3 ай

Оңтайлы клиникалық және микологиялық әсерлерге тері инфекциясын, вульвовагинальді және орофарингеальді кандидоздарды емдеу аяқталғаннан кейін 1-4 апта өткен соң, және тырнақ пластиналарының инфекциясын емдеу аяқталғаннан кейін 6-9ай өткен соң жетеді. Бұл итраконазолдың тері тіндерінен, тырнақтардаң және шырышты қабықтардан шығарылуы қан плазмасына қарағанда баяу жүретініне байланысты.

Жүйелі зеңдік зақымдануларды емдеу ұзақтығы емге микологиялық және клиникалық жауапқа байланысты түзетілуі тиіс:

Жүйелі микоздар

Қолданылуы

Дозалануы

Ескертпелер

Аспергиллез

Тәулігіне 1 рет 200 мг

Инвазиялық немесе диссеминацияланған ауруда тәулігіне 2 рет 200 мг дейін арттыру

Кандидоз

Тәулігіне 1 рет 100-200 мг

Инвазиялық немесе диссеминацияланған ауруда тәулігіне 2 рет 200 мг дейін арттыру

Криптококкоз (менингит белгілерінсіз)

Тәулігіне 1 рет 200 мг

Криптококкты менингит

Тәулігіне 2 рет 200 мг

Демеуші ем

Гистоплазмоз

Тәулігіне 1 рет 200 мг-ден Тәулігіне 2 рет 200 мг дейін

ЖИТС бар пациенттерге демеуші ем

Тәулігіне 1 рет 200 мг

Сіңірілудің бұзылуына қатысты төмендегі ескертпені қараңыз

Нейтропениясы бар пациенттердегі профилактика

Тәулігіне 1 рет 200 мг

Сіңірілудің бұзылуына қатысты төмендегі ескертпені қараңыз

1 Емдеудің ұзақтығын клиникалық жауапқа сәйкес түзету керек. ЖИТС немесе нейтропениясы бар пациенттердегі сіңірілудің бұзылуы итраконазолдың қандағы концентрациясының төмендеуіне және тиімділігінің азаюына әкелуі мүмкін. Мұндай жағдайларда итраконазолдың қандағы деңгейіне мониторинг және қажет болса дозаны тәулігіне 2 рет 200 мг дейін арттыру ұсынылады.

Тұрғындардыңерекше топтары

Балаларда қолдану. Итракон® препаратын балаларда қолдану туралы клиникалық деректер жеткіліксіз, күтілетін пайда ықтимал қауіптен артық болған жағдайды қоспағанда, Итракон® капсулаларын балаларға тағайындау ұсынылмайды.

Егде жастағы пациенттерге қолдану. Итракон® препаратын егде пациенттерде қолдану туралы клиникалық деректер жеткіліксіз болғандықтан, күтілетін пайда ықтимал қауіптен артық болған жағдайды қоспағанда, оны егде пациенттерге тағайындау ұсынылмайды.

Егде жастағы пациенттер үшін препарат дозасы, бүйрек, бауыр немесе жүрек функциясының бұзылуын, сондай-ақ қатар жүретін аурулардың болуын немесе басқа да дәрі-дәрмектік ем қабылданып жүргенін назарға ала отырыпбелгіленуі тиіс.

Бүйрек функциясы бұзылған пациенттер. Итраконазолдың ішу арқылы қабылданатын дәрілік түрлерінің бүйрек жеткіліксіздігі бар кейбір пациенттерде қолданылуы жөніндегі мәліметтер шектеулі. Бүйрек жеткіліксіздігі бар пациенттерде итраконазолдың әсер ету дәрежесі төмен болуы мүмкін. Осы препаратты бүйрек жеткіліксіздігі бар пациенттерге тағайындаған кезде ерекше сақтық қажет. Дозаны түзету нақты жағдайға байланысты жүзеге асырылуы керек.

Бауыр функциясы бұзылған пациенттер. Итраконазол негізінен бауырда метаболизденеді. Итраконазолдың бауыр циррозы бар пациенттердегі жартылай шығарылуының ақырғы кезеңі аздап ұзарған. Циррозы бар пациенттерде ішу арқылы қолданғандағы биожетімділігі аздап азайған. Дозаны түзету мәселесін қарастыру керек.

Жағымсыз әсерлері

Төменде келтірілген тізімде жағымсыз әсерлер жүйелік-ағзалық класына қарай берілген. Әрбір Жүйелік-ағзалық кластағы жағымсыз реакциялар олардың туындау жиілігіне қарай келтірілген:

өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1 000-ден < 1/100 дейін), сирек (≥ 1/10 000-ден < 1/1 000 дейін), өте сирек (< 1/10 000).

Қан жүйесі және лимфа жүйесі тарапынан:сирек - лейкопения;

жиілігі белгісіз - нейтропения, тромбоцитопения.

Иммундық жүйе тарапынан:

жиі емес

- аса жоғары сезімталдық;

жиілігі белгісіз - анафилаксиялық, анафилактоидты реакциялар, ангионевроздық ісіну, сарысу құю ауруы.

Метаболизм тарапынан:жиілігі белгісіз - гипокалиемия, гипертриглицеридемия.

Жүйке жүйесі тарапынан:

жиі емес - бас ауыру, бас айналуы, парестезия;

сирек – гипестезия;

жиілігі белгісіз - шеткері нейропатия.

Көру мүшелері тарапынан:

сирек - көрудің бұзылуы;

жиілігі белгісіз - көрудің бұлдырауы, диплопия.

Есту мүшелері және вестибулярлық аппарат тарапынан:

сирек - тиннит;

жиілігі белгісіз - естудің уақытша немесе тұрақты жоғалуы.

Жүрек тарапынан:

жиілігі белгісіз - іркілген жүрек жеткіліксіздігі.

Тыныс алу жүйесі тарапынан:

сирек - диспноэ;

жиілігі белгісіз - өкпенің ісінуі.

Ас қорыту жүйесі тарапынан:

жиі - іштің ауыруы, жүрек айну;

жиі емес - құсу, диарея, іш қату, диспепсия, дисгевзия, метеоризм;

сирек - панкреатит.

Гепатобилиарлы жүйе тарапынан:

жиі емес - гипербилирубинемия, аланинаминотрансферазаның, аспартатаминотранс-феразаның деңгейі жоғарылауы;

сирек - бауыр ферменттері деңгейінің жоғарылауы;

жиілігі белгісіз - жедел бауыр жеткіліксіздігі, гепатит, гепатоуыттылық, қандағы креатинфосфокиназаның ұлғаюы.

Тері және теріасты шелі тарапынан:

жиі – бөртпелер;

жиі емес - есекжем, алопеция, қышыну;

жиілігі белгісіз - уытты эпидермалық некролиз, Стивенс-Джонсон синдромы, жедел жайылған экзантематозды пустулез, мультиформалы эритема, эксфолиативті дерматит, лейкоцитокластикалық васкулит, жарыққа сезімталдық.

Қаңқа-бұлшықет жүйесі тарапынан:

жиілігі белгісіз - миалгия, артралгия.

Несеп бөлу жүйесі тарапынан:

сирек – полакиурия;

жиілігі белгісіз - несепті ұстай алмау.

Ұрпақ өрбіту жүйесі және сүт бездері тарапынан:

жиі емес - етеккір циклінің бұзылуы;

жиілігі белгісіз - эректильді дисфункция.

Жалпы бұзылыстар:

жиі емес – ісінулер;

сирек – пирексия.

Қолдануға болмайтын жағдайлар

  • әсер етуші затқа немесе қосымша заттардың біреуіне белгілі аса жоғары сезімталдығы бар пациенттерге
  • Итраконды® және CYP3A4ª субстраттарын бір мезгілде қолдану
  • қарыншалық дисфункциясы бар пациенттерге (іркілген жүрек жеткіліксіздігі болуы, анамнездегі іркілген жүрек жеткіліксіздігі) өмірге қауіп төндіретін инфекцияны емдеуді қоспағанда
  • жүктілік кезеңі, өмірге қауіп төндіретін жай-күйлерді емдеуді қоспағанда
  • Итраконды® қабылдайтын бала туу жасындағы әйелдерконтрацепцияның тиісті әдістерін пайдалануы тиіс. Тиімді контрацепцияИтракон® препаратымен ем аяқталғаннан кейінгі бірінші етеккір кезеңінде де жалғастырылуы тиіс
  • 18 жасқа дейінгі балалар мен жасөспірімдер

ª Бір мезгілде қолдану осы дәрілік заттардың қан плазмасындағы концентрацияларының жоғарылауын тудыруы мүмкін, бұл өмірге әлеуетті қауіп төндіруі ықтимал емдік және жағымсыз реакциялар мен жай-күйлердің күшеюіне немесе созылуына әкелуі мүмкін. Мысалы, осы дәрілік заттардың ұлғайған концентрациялары QT аралығының ұзаруына және вентрикулярлы тахиаритмияларға, қарыншалардың жыпылықтау-дірілдеу жағдайларымен қоса алғанда, өліммен аяқталу әлеуеті бар аритмияларға әкелуі мүмкін.

Дәрілермен өзара әрекеттесуі

Итраконазол негізінен CYP3A4 цитохромымен метаболизденеді. Осы жолмен метаболизденетін немесе CYP3A4 белсенділігін модификациялайтын басқа препараттар итраконазолдың фармакокинетикасына ықпал етуі мүмкін. Өз кезегінде итраконазол да басқа субстанциялардың фармакокинетикасына ықпал етуі мүмкін. Итраконазол CYP3A4 және P-гликопротеиннің күшті тежегіші болып табылады. Басқа дәрілік заттармен бір мезгілде қолданған кезде де метаболизм жолдары және дозаны түзету қажет болу мүмкіндігі туралы ақпаратқа қатысты сол дәрілік заттардымедициналық қолдану жөніндегі нұсқаулықтарды басшылыққа алу керек.

Қан плазмасындағы итраконазол концентрациясын төмендетуі мүмкін дәрілік заттар. Асқазан қышқылдығын төмендететін дәрілік заттар (алюминий гидроксиді сияқты қышқылды бейтараптандыратын препараттар немесе H2- рецепторлар антагонистеріжәне протондық помпа тежегіштері сияқты қышқыл бөлінуінің супрессорлары) итраконазолдың капсуладан сіңірілуіне ықпал етеді. Төменде көрсетілген дәрілік заттарды және итраконазол капсуласын бір мезгілде қолданғанда сақ болу керек:

– итраконазолды және қышқылдықты төмендететін дәрілік заттарды бір мезгілде қолданғандадиеталық емес кола сияқты қышқылдығы жоғарысусындармен бірге қолдану керек;

–қышқылды бейтараптандыратын дәрілік заттарды (мысалы, алюминий гидроксиді) Итракон® капсуласын қабылдар алдында ең кемі1 сағат бұрын немесе қабылдағаннан кейін 2 сағаттан соң қолдану керек;

–итраконазолдың дозасын арттыру қажет болған жағдайда да зеңге қарсы белсенділік деңгейін бақылау керек.

Итраконазолды СYРЗА4 ферментінің күшті индукторларымен бір мезгілде қолдану итраконазолдың және гидрокси-итраконазолдың биожетімділігінің төмендеуіне әкеледі, емдеу тиімділігінің біршама азаюы соның салдары болып табылады. Мұндай дәрілік заттар мыналарды қамтиды:

  • бактерияға қарсы: изониазид, рифабутин, рифампицин;
  • құрысуға қарсы: карбамазепин, фенобарбитал, фенитоин;
  • вирусқа қарсы: эфавиренз, невирапин.

СYРЗА4 ферментінің күшті индукторларын итраконазолмен бір мезгілде қолдану ұсынылмайды. Жоғарыда аталған дәрілерді қолдануды итраконазолмен емдеуге 2 апта қалғанда, емдеу кезінде және емдеуден кейін 2 апта бойы, ықтимал пайдасы әлеуетті қаупінен едәуір басып түсетін жағдайларды қоспағанда,бастамау керек. Зеңге қарсы белсенділік деңгейін мұқият бақылау және қажет болған жағдайда итраконазолдың дозасын арттыру керек.

Итраконазолдың қан плазмасындағы концентрациясын арттыратын дәрілік заттар. CYP3A4 ферментінің күшті тежегіштері итраконазолдың биожетімділігін ұлғайтуы мүмкін. Мысалы:

- бактерияға қарсы препараттар: ципрофлоксацин, кларитромицин, эритромицин;

  • вирусқа қарсы препараттар: ритонавир-күшейтілген дарунавир, ритонавир-күшейтілген фосампренавир, индинавир, ритонавир

Бұл препараттарды итраконазолмен бір мезгілде сақтықпен қолдану керек. Мұндай пациенттерде итраконазолдың фармакологиялық әсерінің ұлғаю немесе ұзару симптомдарының бар-жоғын мұқият тексеру және қажет болған жағдайда итраконазолдың дозасын азайту керек. Итраконазолдың қан плазмасындағы концентрациясын бақылау ұсынылады.

Қан плазмасындағы концентрациясын итраконазол ұлғайтатын дәрілік заттар. Итраконазол және оның негізгі метаболиті гидрокси-итраконазол CYP3A4 ферментімен метаболизденетін препараттардың метаболизмін және дәрілердің P-гликопротеинмен тасымалдануын бәсеңдетуі мүмкін, бұл осы дәрілердің және/немесе олардың метаболиттерінің қан плазмасындағы концентрацияларының ұлғаюына әкелуі мүмкін. Плазмадағы концентрациялардың бұлай жоғарылауы емдік әсердің күшеюіне немесе ұзаруына және жағымсыз реакциялардың туындауына әкелуі мүмкін. Итраконазолды және CYP3A4 метаболизденетін әрі QT аралығын ұзартатын дәрілерді тағайындауға болмайды, өйткені бұл "пируэт" типті қарыншалық тахиаритмияның туындауына әкелуі мүмкін, ол тіршілік үшін әлеуетті қауіпті жағдайға жатады. Емдеуді тоқтатқаннан кейін, итраконазолдың концентрациясы дозасына және емдеу ұзақтығына байланысты 7-ден 14 күнге дейін қан плазмасынан мүлде дерлік анықталмайтын деңгейге дейін төмендейді. Бауыр циррозы бар пациенттерде немесе CYP3A4 ферментінің тежегіштерін бір мезгілде қолданатын пациенттерде препарат бірте-бірте тоқтатылуы тиіс. Әсіресе бұл метаболизміне итраконазол ықпал ететін дәрілік заттарға қатысты.

Қатар жүретін дәрілік заттар келесі санаттарға топтастырылған:

Қолдануға болмайды: итраконазолмен бір мезгілде немесе емдеу аяқталғаннан кейін 2 апта өтпейінше ешқашанда қолдануға болмайды.

Ұсынылмайды: емдеудің пайдасы жағымсыз реакциялар туындауының ықтимал қаупінен асатын жағдайлардан басқасында, бұл дәрілік заттарды итраконазолмен бір мезгілде және емдеу тоқтатылғаннан кейін 2 апта ішінде қолданудан аулақ болу керек. Егер бір мезгілде қолданбауға болмаса, мұндай пациенттерде итраконазолдың фармакологиялық әсерінің ұлғаю немесе ұзару симптомдарының бар-жоғын мұқият тексеру және қажет болған жағдайда итраконазолдың дозасын азайту керек. Итраконазолдың қан плазмасындағы концентрациясын бақылау ұсынылады.

Сақтықпен қолдану: итраконазолмен бір мезгілде қолданған жағдайда мұқият мониторинг ұсынылады. Мұндайпациенттерде итраконазолдың фармакологиялық әсерінің ұлғаю немесе ұзару симптомдарының бар-жоғын мұқият тексеру және қажет болған жағдайда итраконазолдың дозасын азайту керек. Итраконазолдың қан плазмасындағы концентрациясын бақылау ұсынылады.

Итраконазолмен бір мезгілде қолданғанда концентрациялары ұлғаятын дәрілердің мысалдары кестеде тиісті нұсқауларымен берілген.

Дәрілік заттардың класы Қолдануға болмайды Ұсынылмайды Сақтықпен қолдану керек
Альфа-блокаторлар Тамсулозин
Анальгетикалық Левацетилметадол (левометадил), метадон Фентанил Альфентанил, бупренорфин (вена ішілік және сублингвальді қолдану үшін), оксикодон
Аритмияға қарсы Дизопирамид, дофетилид, дронедарон, хинидин Дигоксин
Бактерияға қарсы Рифабутина
Антикоагулянттар және антитромбоцитар-лық Ривароксабан Кумариндер, цилостазол, дабигатран
Құрысуға қарсы Карбамазепина
Диабетке қарсы Репаглинид, саксаглиптин
Гельминттерге қарсы және протозойға қарсы Галофантрин Празиквантел
Антигистаминдік Астемизол, мизоластин, терфенадин Эбастин
Бас сақинасына қарсы Қастауыш алкалоидтары, атап айтқанда: дигидроэрготамин, эргометрин (эргоновин), эрготамин, метилэргометрин (метилэргоновин) Элетриптан
Антинеопластика-лық Иринотекан Дасатиниб, нилотиниб, трабектедин Бортезомиб, бусульфан, доцетаксел, эрлотиниб, иксабепилон, лапатиниб, триметрексат, қабіршөп алкалоидтары
Психозға қарсы, анксиолитикалық және ұйықтататын-тыныштандыра-тын Луразидон, мидазолам (ішуге арналған), пимозид, сертиндол, триазолам Альпразолам, арипипразол, бротизолам, буспирон, галоперидол, мидазолам (вена ішіне енгізілетін), пероспирон, кветиапин, рамелтеон, рисперидон
Вирусқа қарсы Маравирок, индинавирb, ритонавирb, саквинавир
Бета-блокаторлар Надолол
Кальций өзектерінің блокаторлары Бепридил, фелодипин, лерканидипин, нисолдипин Басқа дигидропиридин-дер, верапамилді қоса алғанда
Жүрек-қантамыр жүйесіне ықпал ететін дәрілер Ивабрадин, ранолазин Алискирен
Диуретиктер Эплеренон
Асқазан-ішек жолына ықпал ететін дәрілер Цизаприд Апрепитант, домперидон
Иммуносупрессорлар Эверолимус Будесонид, циклесонид, циклоспорин, дексаметазон, флутиказон, метилпреднизолон, рапамицин (сиролимус ретінде белгілі), такролимус, темсиролимус
Липидтер деңгейін реттейтін дәрілер Ловастатин, симвастатин Аторвастатин
Тыныс алу жүйесіне ықпал ететін дәрілер Сальметерол
Серотонинді кері қармаудың іріктелген тежегіштері, трициклдік және басқа антидепрессанттар Ребоксетин
Несеп бөлу жүйесіне ықпал ететін дәрілер Варденафил Фезотеродин, имидафенацин, силденафил, солифенацин, тадалафил, толтеродин
Басқалары Бүйрек және бауыр функциясы бұзылған пациентерде колхицин Колхицин Алитретиноин (ішуге арналған), цинакальцет, мозаваптан, толваптан

a Сондай-ақ «Итраконазолдың қан плазмасындағы концентрациясын төмендететін дәрілік заттарды» қараңыз.

b Сондай-ақ «Итраконазолдың қан плазмасындағы концентрациясын арттыратын дәрілік заттарды» қараңыз.

Концентрациясы итраконазол әсерінен төмендейтін дәрілік заттар

Итраконазолды қабынуға қарсы стероидты емес препараттармен бір мезгілде қолданғанда мелоксикам соңғысының концентрациясын төмендетеді. Мелоксикамды итраконазолмен бір мезгілде сақтықпен қолдану керек әрі емдік және жағымсыз әсерін бақылау қажет. Мелоксикамныңдозасын түзету ұсынылады.

Балалар. Балалардағы дәрілік өзара әрекеттесулерінің зерттелуі белгісіз.


Артық дозалануы

Симптомдары: Итракон® капсуласыпрепаратымен артық дозаланғанда бақыланатын симптомдар препараттың әдеттегі дозасын қолданғандағы бақыланған дозаға тәуелді жағымсыз реакциялармен салыстырарлық болды.

Емі: Артық дозаланған жағдайда демеуші ем жүргізу керек. Сорбент ретінде егер ол мақсатқа сай болса, белсенділендірілген көмір беруге болады. Итраконазол организмнен гемодиализ арқылы шығарылмайды. Спецификалық антидоты жоқ.

Шығарылу түрі және қаптамасы

Түссіз поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға 5 немесе 6 капсуладан салынған.

3 (5 капсуладан) немесе 1 (6 капсуладан) пішінді ұяшықты қаптама медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Түпнұсқалық қаптамасында, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Фармак» ЖАҚ, Украина, 04080, Киев қ., Фрунзе к-сі, 74.

Тіркеу куәлігінің ұстаушысы

«Фармак» ЖАҚ, Украина

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Фармак» ЖАҚ Қазақстан Республикасындағы өкілдігі

Қазақстан Республикасы, Алматы қ., индекс 050012, Амангелді к-сі, 59 "А", "Шартас" бизнес орталығы, 9-қабат.Тел.: +7 (727) 267 64 63, факс: +7 (727) 267 63 73, электронды пошта: a.liadobruk@gmail.com

Дәріханалар

Тауар артығымен бар
Тауар аз қалды
Аптека №308
Проспект Казбек би 42
Круглосуточно
Аптека №31, Оскемен, (КШТ)
г.Усть-каменогорск, Утепова 2
09:00-21:00
Аптека №165, Оскемен
Ауезова 11/1 ТД Эмилия
Круглосуточно
Аптека № 103, Оскемен
г.Усть-Каменогорск, ул. Кабанбай батыра, 124
08:00 - 21:00
№210ПТ
г. Усть-Каменогорск, ул. Крылова, 47
08:00-22:00
Аптека №66 г.Усть-Каменогорск, ул.Амире Каршаубаева 6
г.Усть-Каменогорск, ул.Амире Каршаубаева 6
08:00-22:00