Кандид 30 гр, пор.

Сипаттама

Дәрілік затты медициналық қолдану

жөніндегі нұсқаулық

Кандид

Саудалық атауы

Кандид

Халықаралық патенттелмеген атауы

Клотримазол

Дәрілік түрі

Сыртқа қолдануға арналған ұнтақ 30 г

Құрамы

100 г ұнтақтың құрамында

белсенді зат: клотримазол - 1 г,

қосымша заттар: жүгері крахмалы, сусыз коллоидты кремнийдің қостотығы, косметикалық жұпар 7238: табиғи түріне ұқсас хош иістендіргіш 92-93 % және дипропиленгликоль 7-8 %, тальк.

Сипаттамасы

Жағымды иісті ақ немесе ашық сары ұнтақ.

Фармакотерапиялық тобы

Тері ауруларын емдеуге арналған препараттар.Тері ауруларын емдеуге арналған зеңге қарсы препараттар. Жергілікті қолдануға арналған зеңге қарсы препараттар. Имидазол туындылары. Клотримазол.

АТХ коды D01AС01

Фармакологиялық қасиеттері

Фармакокинетикасы

Сыртқа қолданғанда клотримазол тері арқылы нашар сіңеді. Биожетімділігі 0,5%-дан аздауын құрайды. Эпидермистің мүйізгекті қабатында көптеген патогенді зеңдер үшін ең төмен бәсеңдететін концентрациясынан (ЕТБК) жоғары (50 – 100 мкг/мл) концентрацияда жинақталады. Эпидермистің базальді қабатындағы концентрациясы 1,53 – 3 мкг/мл құрайды. Тырнақтың кератиніне өтеді. Бауырда белсенді емес метаболиттерге дейін биоөзгеріске ұшырайды және ішек арқылы шығарылады.
Бүйрек арқылы шығарылады (бүйрек экскрециясының үлесі 0,05% - 0,5% құрайды). Бастапқы заттың шығарылу кезеңі 3,5 – 5 сағатты құрайды.

Фармакодинамикасы

Клотримазол (имидазол туындысы) әсер етуші белсенді затының антимикотикалық тиімділігі зеңдердің жасушалық жарғақшасының құрамына кіретін эргостериннің синтезі бұзылуына байланысты, бұл жарғақашаның өткізгіштігін өзгертеді және жасушалардың осыдан кейінгі лизисін туындатады. Фунгицидті концентрацияларында митохондриялық және пероксидазалық ферменттермен өзара әрекеттеседі, осының нәтижесінде сутегі асқын тотығының концентрациясының артуы жүреді, бұл да зеңдік жасушалардың ыдырауына түрткі болады. Дерматомицеттерге (Trichophyton rub-rum, Trichophyton mentagrophytes, Epidermophyton floccosum, Microsporum canis), ашытқы тәрізді және өңездік зеңдерге (Candida spp; Candida albicans қоса; Pityrosporum orbiculare, Rhodotorula тұқымдастығының Torulopsis glabrata,) қатысты фунгицидті және фунгистатикалық белсенділік байқатады. Түрлі түсті теміреткінің қоздырғышы – Pityrosporum orbiculare (Malassezia furfur) қатысты белсенді. Грамоң бактериялар - эритразманың қоздырғышы Corynebac-terium minutissimum, сондай-ақ Staphylococcus spp., Streptococcus spp., грамтеріс бактериялар – Bacteroides, Gardnerella vaginalis қатысты тиімді. Жоғары концентрацияларда Trichomonas vaginalis қатысты белсенді.

Қолданылуы

- терінің зеңдік инфекцияларында
- саусақ аралық зеңдік эрозияларда
- микоздарда, асқынған қайталанған инфекцияларда
- түрлі-түсті теміреткіде
- эритразмада

- жаялықтан болатын зеңдік дерматитте

Қолдану тәсілі және дозалары

Сыртқа. Терінің алдын ала тазартылған және құрғақ бөліктеріне күніне екі рет (таңертең және кешке) себеді. Кандид ұнтағы, сондай-ақ зақымданған бөліктермен тікелей жанасатын киімге немесе аяқ киімге себілуі мүмкін.Кандид ұнтағы сыртқа қолдануға арналған 1 % Кандид крем немесе сыртқа қолдануға арналған 1 %Кандидерітінді препараттарымен үйлестіріліп қолданыла алады. Емдеу ұзақтығы жекелей және аурудың ауырлығы мен орналасуына байланысты болады. Толық сауығуға қол жеткізу үшін қабынудың жедел симптомдарымен субъективті шағымдар басылған сәттен тоқтатпау керек. Емдеу ұзақтығы орташа алғанда 3-4 апта құрайды. Толық жазылу үшін препаратты ұдайы қолдану маңызды.

Жағымсыз әсерлері

Сирек

- күйдіріп ашыту, препаратты сепкен жердің шаншуы

- эритема, терінің тітіркенуі

- қышыну, есекжем

Қолдануға болмайтын жағдайлар

- клотримазолға немесе препараттың басқа компоненттеріне жоғары сезімталдық
- жүктіліктің I триместрі

Дәрілермен өзара әрекеттесуі

Клотримазол В амфотерициннің және басқа да полиенді антибиотиктердің белсенділігін төмендетеді. Натамицинмен және нистатинмен бір мезгілде қолданғанда клотримазолдың белсенділігі төмендейді.

Айрықша нұсқаулар

Препарат тек сыртқа қолдануға арналған. Көзге түсуінен аулақ болу керек.
Жүктілік пен лактация кезеңі

Клиникалық және эксперименттік зерттеулерде препаратты жүктілік кезеңінде немесе бала емізу кезеңінде қолдану әйелдің немесе шарананың (баланың) денсаулығына кері әсер ететіні анықталмаған. Алайда II немесе III триместрде тағайындау пайдалылығы туралы мәселе дәрігермен кеңескеннен кейін жекелей шешілуі тиіс. Препаратты жүктіліктің II немесе III триместрінде тағайындағанда ана үшін болжанатын пайдасы мен шарана үшін ықтимал қаупінің арақатысын ескеру керек.

Клотримазолдың емшек сүтіне өту-өтпеуі белгісіз. Клотримазолды бала емізетін әйелдерге тағайындағанда абай болу керек. Препаратты сүт бөлінетін сүт безіне себу қарсы көрсетілімді.

Педиатрияда қолдану

Препаратты 2 жастан кіші балаларға тек дәрігердің бақылауымен пайдалану керек.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Кандид ұнтағы автокөлікті басқаруға немесе күрделі техникалық құрылғылармен жұмыс істеуге әсер етпейді.

Артық дозалануы

Артық дозалану ықтималдығы аз.

Симптомдары: жағымсыз әсерлерінің күшеюі.

Емі: зақымданған аймақты жуып шаю, симптоматикалық ем.

Шығарылу түрі мен қаптамасы

Сыртқа қолдануға арналған30 г ұнтақ пластик құтыда.

1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 25º С-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

4 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз

Өндіруші/Қаптаушы

Гленмарк Фармасьютикалз Лтд,ПЛОТ № Е 37,39, МИДС Ареа, Саптур,Насик – 422007, Махараштра, Үндістан.

Тіркеу куәлігінің иесі

Гленмарк Фармасьютикалз Лтд, Үндістан

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

Гленмарк Фармацевтикалс компаниясының ҚР өкілдігі, 050059, Алматы қ., Әл-Фараби даңғылы,7, «Нұрлы Тау» бизнес орталығы, 4 А блогы, 12 кеңсе.

тел: + 7(727) 311 04 41.

Дәріханалар

Қалалар