Сипаттама
Дәрілік затты медициналық қолдану
жөніндегі нұсқаулық
КОЛОФОРТ
Препараттың саудалық атауы
Колофорт
Халықаралық патенттелмеген атауы
Жоқ
Дәрілік түрі
Ауыз қуысында ұнтақталатын таблеткалар
Құрамы
Бір таблетканың құрамында
белсенді заттар: Альфа аффинді тазартылған адамның ісік некрозы факторының антиденелері - 0,006 г*, Ми спецификалық S-100 ақуызына аффинді тазартылған антиденелер - 0,006 г*, аффинді тазартылған гистаминге антиденелер - 0,006 г*
қосымша заттар: лактоза моногидраты,микрокристалды целлюлоза, магний стеараты.
* лактоза моногидратына 10012, 10030, 100200 есе сәйкес сұйылтылған субстанцияның үш белсендісу-спиртті қоспасының сұйылтылған түрі салынады.
Сипаттамасы
Сызығы және ойығы бар, жалпақ цилиндр пішінді, ақтан ақ дерлік түске дейінгі таблеткалар. Сызығы бар жалпақ бетінде MATERIA MEDICA жазуы бар, екінші жалпақ бетіне KOLOFORT жазуы жазылған.
Фармакотерапиялық тобы
Ішектің фунциянальді бұзылыстарын емдеуге арналған препараттар.
АТХ коды A03AE
Фармакологиялық қасиеттері
Фармакокинетикасы
Талдаудың қазіргі заманауи физика-химиялық әдістерінің (газды сұйықты хроматография, жоғары тиімділіктегі сұйықтықты хроматография, хромато-масс-спектрометрия) сезімталдығы биологиялық сұйықтықта, ағзалар мен тіндерде антиденелердің шамадан тыс аз мөлшерін бағалауға мүмкіндік бермейді, яғни Колофорт препараты фармакокинетикасын зерттеуге техникалық жағынан мүмкіндік жоқ.
Фармакодинамикасы
Колофорт біріктірілген гомеопатиялық препарат болып табылады. Іс-тәжірибелік түрде препарат компоненттері эндогендік регуляторлардың тиісті рецепторлармен лиганд-рецепторлық өзара әрекеттесуінің белсенділігін модификациялайтынын көрсетті: серотониндік рецепторларға және сигма 1 рецепторларына - S-100 ақуыздарына антиденелер; ІНФ-α рецепторына - ІНФ-α антиденелер; асқазан-ішек жолында (АІШ) орныққан Н4 – гистаминдік рецепторларға - гистаминге антиденелер.
Үш белсенді компоненттердің бірігуі ішектің функционалдық бұзылуларының орталық және шеткері буындарына, соның ішінде абдоминалды ауыру синдромына кешенді әсер етуді іске асыруға мүмкіндік береді.
S-100 ақуызына антиденелер анксиолитикалық және депрессияға қарсы, астенияға қарсы және ноотропты әсерлерді қоса психотроптық белсенділіктің кең ауқымына иеленген, бұл ішкі ширығуды, үрейді басады, бірқатар висцеральді функцияларды, соның ішінде тоқ ішектің қызметін тұрақтандыруда байқалады. Седативті әсері, дағдылану, тоқтату синдромы жоқ.
ІНФ-α антиденелер айқын қабынуға қарсы әсер етеді, қабынуға қатысты және қабынуға қарсы цитокиндер теңгерімін тұрақтандыруға көмектеседі.
Гистаминге антиденелер спазмалитикалық, қабынуға қарсы, ісінуге қарсы әсер етеді.
Кешенді препарат құрамында компоненттерді біріктіріп қолдану ішек функцияларының жүйке және гуморальді реттелуін тұрақтандыруға ықпал етуге; АІЖ бұзылған моторикасының қалпына келуін қамтамасыз ете отырып, тоқ ішектің созылуға висцеральді рецепторлардың аса жоғары сезімталдығын төмендетуге; іштің кебу және асқазанның толу сезімін тоқтатуға, ауыру синдромының айқындылығын азайтуға көмектеседі. Препараттың спазмалитикалық әсері АІЖ қабырғасы тонусының төмендеуіменжәнетегіс бұлшықеттердің босаңсуымен, саңылау ішіндегі қысымның төмендеуімен, нәжіс консистенциясының, оның жиілігінің және қатар жүретін симптомдарының қалыпқа келуімен байқалады (үлкен дәретке отырғысы келу, тенезмаларды, ішектің толық босамау сезімі, дефекация актісі кезінде қосымша күш салу және т.б. басылуы).
Қолданылуы
Препарат біріктірілген ем құрамында:
- тітіркенген ішек синдромында
- асқазан-ішек жолының функционалдық бұзылуларында қолданылады.
Қолдану тәсілі және дозалары
Ішке. Бір рет қабылдауға – 1 немесе 2 таблетка (толық ерігенше ауызда ұстап тұру керек – бірақ тамақтанған кезде емес). Күніне 2 рет қабылдау. Емдеу курсы – 1-3 ай; қажет болған жағдайда емдеу курсын 6 айға дейін ұзартуға және/немесе 1-2 айдан кейін қайталауға болады. Аурудың асқыну аясында қабылдау жиілігін тәулігіне 4 ретке дейін 7-тен 14 күнге дейінгі мерзімге арттыруға болады.
Жағымсыз әсерлері
Препарат компонентіне жекелей жоғары сезімталдық реакциясы болуы мүмкін.
Қолдануға болмайтын жағдайлар
- препарат компонентіне жекелей жоғары сезімталдық
- 18 жасқа дейінгі балаларға және жасөспірімдерге
Дәрілермен өзара әрекеттесуі
Басқа дәрілік заттармен үйлесімсіздік жағдайы осы уақытқа дейін белгісіз.
Айрықша нұсқаулар
Препарат құрамына лактоза моногидраты кіреді, осыған байланысты оны туа біткен галактоземиясы, глюкоза немесе галактозамальабсорбция синдромы, не болмаса туа біткен лактаза жеткіліксіздігі бар пациенттерге тағайындау ұсынылмайды.
Жүктілік және лактация кезеңі
Колофортты жүкті әйелдерге және лактация кезеңінде қолдану қауіпсіздігі зерттелмеген. Препаратты қабылдау қажеттілігінде қауіп/пайда арақатынасын ескеру қажет.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Колофорт көлік құралдарын және қауіптілігі зор механизмдерді басқару қабілетіне әсер етпейді.
Артық дозалануы
Артық дозалану жағдайы осы уақытқа дейін тіркелмеген.
Байқаусызда артық дозаланған жағдайда диспепсиялық құбылыс болуы мүмкін.
Емі: симптоматикалық.
Шығарылу түрі және қаптамасы
Поливинилхлоридті үлбірден және алюминий фольгадан жасалған пішінді ұяшықты қаптамада 20 таблеткадан.
5 пішінді ұяшықты қаптамадан медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
Жарықтан қорғалған жерде, 250С-ден аспайтын температурада сақтау керек.
Балалардың қолы жетпейтін жерде сақтау керек.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецептісіз
Өндіруші/Қаптаушы
«МАТЕРИА МЕДИКА ХОЛДИНГ» ҒӨФ» ЖШҚ;
Ресей, 127473, Мәскеу қ., 3-ші Самотечный қысқа к-сі., 9 үй.
Тел./факс: (495) 684-43-33.
Тіркеу куәлігінің ұстаушысы
«МАТЕРИА МЕДИКА ХОЛДИНГ» ҒӨФ» ЖШҚ, Ресей.
Өндіріс алаңы
«МАТЕРИА МЕДИКА ХОЛДИНГ» ҒӨФ» ЖШҚ, Ресей, 454139,
Челябинск қаласы, Бугурусланская к-сі, 54.
ҚР аумағында тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері
«МАТЕРИА МЕДИКА ХОЛДИНГ» ҒӨФ» ЖШҚ ҚР өкілдігі
Алматы қ., Сейфуллин к-сі. 498, 507 кеңсе.
Тел./факс: 2734713
E-mail: kz@dep.materiamedica.ru
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымныңмекенжайы
«МАТЕРИА МЕДИКА ХОЛДИНГ» ҒӨФ» ЖШҚ ҚР өкілдігі
Алматы қ., Сейфуллин даңғ. 498, 507 кеңсе.
Тел./факс: 2734713
E-mail: kz@dep.materiamedica.ru
