Сипаттама
Дәрілік затты медициналық қолдану жөніндегі нұсқаулық
Простекс
Саудалық атауы
Простекс
Халықаралық патенттелмеген атауы
Жоқ
Дәрілік түрі
Инъекция үшін ерітінді дайындауға арналған 10 мг лиофилизат
Құрамы
Бір құтының ішінде
белсенді зат – экстракциялау арқылы алынған, сулы ерітіндіден лиофилизацияланған өгіздің қуық асты безінің экстрактысы 10 мг,
қосымша зат – глицин 20 мг.
Сипаттамасы
Ақ немесе сарғыш реңді ақ түсті аморфты ұнтақ немесе кеуекті масса.
Фармакотерапиялық тобы
Урологиялық ауруларын емдеуге арналған препараттар. Қатерсіз простата гипертрофиясын емдеуге арналған препараттар. Қатерсіз простата гипертрофиясын емдеуге арналған басқа да препараттар.
АТХ коды G04CХ
Фармакологиялық қасиеттері
Фармакокинетикасы
Пептидтік препарат сияқты, Простекс жасушалық протеазалар арқылы амин қышқылдарына дейін ыдырайды. Простекс және оның метаболиттері несеппен бірге шығарылады. Препараттың жиналып қалу әсері жоқ.
Фармакодинамикасы
Простекстің қуық асты безіне ерекше органотроптық әсері бар. Қуық асты безінің ауруларында препарат, патогенетикалық емнің дәрісі ретінде, микроайналым және тромбоцитарлы-қантамырлық гемостаз үдерісін қалыпқа келтіреді, тіндердің ісінуін, лейкоцитарлы инфильтрацияны азайтады және жояды (соның ішінде без секретінде лейкоциттердің мөлшерін төмендетеді), секреттің микрофлорасына қатысты бактериостатикалық әсер көрсетеді, анықталған қоздырғыш титрін абсолютті стерильділікке дейін төмендетеді немесе микроорганизмдердің тіршілігін бәсеңдетеді. Простекс сперматогенезді қалыпқа келтіреді (сперматозоидтардың мөлшерін және қозғалғыштығын арттырады), Т- және В-лимфоциттердің жай-күйін модульдейтін әсер береді, детрузордың тонусын қоса, қуықтың бұлшық етінің тонусын реттейді, организмнің спецификалық емес төзімділігін арттырады.
Қолданылуы
- созылмалы простатитте, қуық асты безінің аденомасында
- қуық асты безінің қатерсіз гиперплазиясында
- қуық асты безіне жасалған операциядан кейінгі асқынуда
- қуық асты безі функциясының жас ерекшелігіне байланысты бұзылуында
- сексуалды бұзылыстарда (копулятивті дисфункция, еркектің белсіздігі)
Қолдану тәсілі және дозалары
Препаратты ересек, соның ішінде егде жастағы еркектерге қолданады.
Простексті бұлшықет ішіне енгізеді. Құтының ішіндегісін инъекцияға арналған судың немесе натрий хлоридінің изотониялық ерітіндісінің, немесе 0,5% новокаин ерітіндісінің 1-2 мл-де (новокаинде еріткен кезде оған сезімталдық жоғарылауы мүмкін екендігін ескерген жөн) ex tempore ерітеді. Новокаинді еріткіш ретінде пайдаланғанда новокаиннің қауіпсіздігі туралы ақпаратты ескеру қажет.
Препаратты күн сайын 1 рет 1-2 құтыдан енгізеді. Емделу курсы 5-10 күнді құрайды. Курс ұзақтығы ауру сипатымен және аурудың айқындылығымен, қол жеткен емдік әсерімен, емдеу сипатымен анықталады. Көрсетілімі бойынша курсы қайталануы (1-6 айдан соң) мүмкін.
Жағымсыз әсерлері
Сирек
- қышыну, бөртпе, енгізген орындағы өзгерістерді қоса, аллергиялық реакциялар
Қолдануға болмайтын жағдайлар
- табиғаты пептидтік дәрілік заттарға, ірі қара малдың ақуыздарына жекелей жоғары сезімталдық
- 18 жасқа дейінгі балалар мен жасөспірімдерге
Дәрілермен өзара әрекеттесуі
Аллергиялықреакцияларды тудыратын препараттармен бірге қолдануға болмайды.
Препаратты бір шприцте басқа дәрілік заттармен араластыруға болмайды. Тек ұсынылған еріткішті пайдалану керек.
Айрықша нұсқаулар
Препаратпен емдеген кезде қуық асты безі белсенділігінің (простата спецификалық антиген) клиникалық көрсетілімдеріне талдау жасау керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Зерттелмеген.
Артық дозалануы
Жағымсыз әсерлерінің айқынсимптомдары, аллергиялық реакциялардың деңгейлері артуы мүмкін.
Шығарылу түрі және қаптамасы
30 мг препараттан лиофилді кептіруге арналған бромбутил резеңке тығынмен тығындалып, алюминий қалпақшамен қаусырылған, көлемі 2 мл шыны құтыда.
Құтыларға жабысқақ негіздегі заттаңба жапсырылады.
5 құтыдан алюминий фольгамен жабылатын ПВХ үлбірден жасалған пішінді ұяшықты қаптамаға салынады. 2 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге жұмыс картоны қорапшасына салынады.
Қорапшаларды топтық ыдысқа салып, топтық заттаңба жапсырады.
Топтық және тасымалдау ыдысы МемСТ 17768-90 сәйкес.
Сақтау шарттары
Жарықтан қорғау үшін түпнұсқалық қаптамасында, 25ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші/Қаптаушы
«БИОФАРМА» ФЗ» ЖШҚ, Украина
09100, Киев обл., Белая Церковь қ., Киев к-сі, 37
тел. (044) 277-36-10
Тіркеу куәлігінің иесі
«БИОФАРМА» ФЗ» ЖШҚ, Украина
Қазақстан Республикасы аумағында тұтынушылардан өнім сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
«БИОФАРМА» ФЗ» ЖШҚ ҚР өкілдігі
Алматы қ., Мирас 65, Мирас БО, 101 кеңсе; тел. +7708016862
a.imanalin@biofarma.ua
