Сипаттама
Дәрілік затты медициналық қолдану жөніндегі нұсқаулық
Синтомицин
Саудалық атауы
Синтомицин
Халықаралық патенттелмеген атауы
Хлорамфеникол
Дәрілік түрі
10 % линимент
Құрамы
1 г линименттің құрамында
белсенді зат - D,L-хлорамфеникол (Синтомицин) – 100 мг,
қосымша заттар: майсана майы, эмульгатор №1, сорбин қышқылы, этанол, натрий кармеллозасы, тазартылған су.
Сипаттамасы
Өзіне тән әлсіз иісі бар, ақ немесе сарғыш реңді ақ түсті линимент
Фармакотерапиялық тобы
Тері ауруларын емдеуге арналған микробқа қарсы препараттар. Сыртқа қолдануға арналған басқа да антибиотиктер. Хлорамфеникол.
АТХ коды D06AX02
Фармакологиялық қасиеттері
Фармакокинетикасы
Сыртқа қолданғанда жүйелі сіңу дәрежесі мардымсыз.
Фармакодинамикасы
Препараттың әсер етуші заты әсер ету ауқымы кең антибиотик – хлорамфеникол болып табылады, ол жара жұқпасының қоздырғышы мен әртүрлі ірінді-асқыну үдерістеріне қатысты бактерияға қарсы жоғары белсенділігі бар.
Хлорамфеникол – бактериостатикалық антибиотик, микробтық жасуша ішіндегі ақуыз синтезін бұзады (жақсы липофильділікке ие бола отырып, бактериялардың жасушалық жарғақшасы арқылы өтеді және аминқышқылдардың өспелі пептидті тізбектерге өтуі бөгелетін бактериялық рибосомалардың 50S суббірлігімен қайтымды байланысады, бұл ақуыздың синтезі бұзылуын туғызады). Пенициллинге, тетрациклиндерге, сульфаниламидтерге төзімді грамоң және грамтеріс микроорганизмдердің көптеген штаммдарына қатысты белсенді. Күйік жараларының және трофикалық ойық жаралардың тазаруына және жазыла бастауына ықпал етеді, эпителизацияны жылдамдатады.
Қолданылуы
- жаралану үдерісінің екінші сатысындағы жаралар (іріңнің, некротикалық тіндердің болмауы)
- ұзақ уақыт бойы жазылмайтын трофикалық ойық жаралар
- ІІ-ІІІ дәрежедегі күйіктер
- шиқандар
Қолдану тәсілі және дозалары
Сыртқа. Жаралар мен күйіктерді хирургиялық жолмен өңдегеннен кейін синтомицин линиментін тікелей жара бетінің үстіне жағады, одан кейін стерильді таңғыш дәкені төсейді немесе синтомицин линиментін таңғыш матаға жағып, оны жараның үстіне таңады. Іріңдеген жаралардың қуыстары хирургиялық жолмен өңделгеннен кейін линименті бар тампондармен жара ойықтары толтырылады, ал линименті бар дәкелі турундалар жыланкөз жолдарға енгізіледі. 2-ші фазадағы жаралар мен күйіктерді емдеу кезінде – жаралардың біту динамикасына қарай 1-3 тәулік ішінде 1 рет.
Жағымсыз әсерлері
- тері бөртпесі, есекжем, ангионевротикалық ісік
- ретикулоцитопения, лейкопения, гранулоцитопения, тромбоцитопения, эритропения, апластикалық анемия, агранулоцитоз
Қолдануға болмайтын жағдайлар
- дербес көтере алмаушылық
- жүктілік және лактация
- сүйек кемігі қан түзуінің бәсеңдеуінде
- жедел интермиттирлейтін порфирияда
- глюкозо-6-фосфатдегидрогеназаның тапшылығында
- бауыр жеткіліксіздігінде
- бүйрек жеткіліксіздігінде
- тері ауруларында (зеңдік аурулар, псориаз, экзема)
- жаралану үдерісінің бірінші фазасында (іріңнің мол шығуы, тіндердің айқын ісінуі, ауыру және некротикалық тіндердің болуы)
- жаңа туылған (4 апталық) кезеңде
Дәрілермен өзара әрекеттесуі
Эритромицинмен, клиндамицинмен, линкомицинмен бір мезгілде қолданған кезде хлорамфеникол бұл препараттарды байланысқан күйден шығара алатындықтан немесе олардың бактериялық рибосомдардың 50S суббірлігімен байланысуына кедергі жасай алуы есебінен өзара әсерлерінің әлсірегені байқалады.
Пенициллиндер мен цефалоспориндердің бактерияға қарсы әсерін төмендетеді.
Айрықша нұсқаулар
Емдеу барысында шеткергі қанның көрінісін жүйелі түрде бақылау қажет. Бұрын цитостатикалық препараттармен емдеуді немесе сәулелі терапияны қабылдаған пациенттерге сақтықпен тағайындайды.
Синтомицинді ауқымды беткейге жағумен қатар этанолдыбір уақытта қабылдағанда дисульфирам тәрізді реакция (тері жабындарының гиперемиясы, тахикардия, жүрек айнуы, құсу, рефлекторлы жөтел, құрысулар) дамуы мүмкін.
Балалық жаста
3 жасқа дейінгі балаларда сақтықпен қолдану керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Көлік құралын немесе қауіптілігі зор механизмдерді басқару қабілетіне әсер етпейді.
Артық дозалағанда
Осы уақытқа дейін препараттың артық дозалану жағдайлары байқалған жоқ.
Шығарылу түрі және қаптамасы
25 г препараттан алюминий сықпаларға салынған.
1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау шарттары
20 ºС -ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Нижфарм» ААҚ, Ресей Федерациясы
603950, Нижний Новгород қ.,
ҚҚП-459, Салганская к-сі, 7
тел.: (831) 278-80-88
факс: (831) 430-72-28
e-mail: med@stada.ru
Тіркеу куәлігі иесінің атауы мен елі
«Нижфарм» ААҚ, Ресей Федерациясы
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
ҚР-дағы «Нижфарм» АҚ Өкілдігі
050043, Қазақстан Республикасы,
Алматы қ., Хан-Тәңірі ы/а, 55б
тел.: (727) 2222-100
факс: (727) 398-64-95
e-mail: almaty@stada.kz
