Тетрациклиновая 3% 15 г мазь

Сипаттама

Дәрілік затты медициналық қолдану

жөніндегі нұсқаулық

ТЕТРАЦИКЛИН

Саудалық атауы

Тетрациклин

Халықаралық патенттелмеген атауы

Тетрациклин

Дәрілік түрі

Сыртқа қолдануға арналған 3 % жақпамай, 15 г

Құрамы

100 г жақпамайдың құрамында

белсенді зат - тетрациклин гидрохлориді – 3,226 г (тетрациклинге шаққанда – 3,000 г);

қосымша заттар: сусыз ланолин, церезин, натрий дисульфиті (натрий пиросульфиті), вазелин.

Сипаттамасы

Сары түсті жақпамай.

Фармакотерапиялық тобы

Тері ауруларын емдеуге арналған препараттар. Тері ауруларын емдеуге арналған бактерияға қарсы препараттар. Жергілікті қолдануға арналған бактерияға қарсы препараттар. Тетрациклин және олардың туындылары. Тетрациклин.

АТХ кодыD06АА04

Фармакологиялық қасиеттері

Фармакокинетикасы

Зақымданбаған теріге жаққанда іс жүзінде сіңбейді.

Фармакодинамикасы

Тетрациклиндер тобының әсер ету ауқымы кең бактериостатикалықантибиотигі. Тасымалдағыш РНҚ мен рибосома арасындағы кешеннің түзілуін бұзады, бұл ақуыз синтезінің бәсеңдеуіне әкеледі.

Грамоң микроорганизмдерге (Staphylococcus spp. оның ішінде пенициллиназа өндіретін; Streptococcus spp. (оның ішінде Streptococcus pneumoniae), Haemophilus influenzae, Listeria spp., Bacillus anthracis) және грамтеріс микроорганизмдер (Neisseria gonorrhoeae, Bordetella pertussis, Escherichia coli, Enterobacter spp., Klebsiella spp., Salmonella spp., Shigella spp., сондай-ақ Rickettsia spp., Chlamydia spp., Mycoplasma spp., Treponema spp.) қатысты белсенді.

Төзімді: Pseudomonas aeruginosa, Proteus spp., Serratia spp., көптегенBacteroides spp. штаммдары және зеңдері, вирустары, А тобы бета-гемолиздік стрептококктары (44 % Streptococcus pyogenes штаммдары мен 74 % Streptococcus faecalis штаммдарын қоса).

Қолданылуы

- жұмсақ тіндердің іріңді инфекцияларында

- фурункулезде

- инфекция жұқтырған экземаларда

- бөртпеде, безеулік бөртпеде

- фолликулитте

Қолдану тәсілі және дозалары

Сыртқа. Жақпамайды терінің зақымданған жерлеріне тәулігіне 1-2 рет жағады (окклюзиялық таңғышты төсеуге болады). Емдеу ұзақтығын емдеуші дәрігер анықтайды.

Жағымсыз әсерлері

Аллергиялық реакциялар:

• шымылдатып ашыту
• тері гипермиясы
• ісіну
• тітіркенудің басқа да белгілері
• фотосенсибилизация

Қолдануға болмайтын жағдайлар

- препарат компоненттеріне жоғары сезімталдық

- 11 жасқа дейінгі балалар

Дәрілермен өзара әрекеттесуі

Препаратты құрамында металл (алюминий, кальций, магний, висмут, марганец, мырыш, темір) иондары бар сыртқа қолданылатын дәрілермен бірге қолдану ұсынылмайды.

Айрықша нұсқаулар

Терең немесе шаншылған жараларда, ауыр түрдегі күйіктерде, офтальмологияда (1% көз жақпамайын пайдаланады) қолдану ұсынылмайды.

Сыртқа қолдануға арналған бактерияларға қарсы дәрілерді пайдалану жоғары сезімталдық реакциялар дамуымен қатар жүретін организмнің сенсибилизациясына әкелуі мүмкін.

Егер 2 апта аралығында жағдайы жақсармаса, дәрігерден кеңес алу керек.

Балалар

Талапқа сай және қатаң бақыланатын зерттеулер 11 жасқа дейінгі балаларға жүргізілген жоқ; осы санаттағы пациенттер үшін дозасы анықталған жоқ.

Жүктілік және лактация кезеңі

Жүкті әйелдерге және бала емізетін аналарға, егер ана үшін күтілетін пайдасы шаранаға және балаға төнетін қауіптен асып түсетін жағдайда ғана препаратты жүктілік және лактация кезінде қолдануға болады. Алайда, ұзақ уақыт емдеу қажет болғанда, бала емізуді тоқтату жайлы мәселені шешіп алу керек, өйткені тетрациклиннің емшек сүтіне өтуінің теориялық ықтималдығы бар.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын жүргізу қабілетіне және жоғары зейін қою мен психомоторлық реакциялар жылдамдығын талап ететін басқа да ықтималдығы зор қауіпті қызмет түрлерімен айналысуға әсер етпейді.

Артық дозалануы

Симптомдары: препаратты терінің ауқымды бөліктеріне дұрыс қолданбағанданемесе ұзақ уақыт қолданғанда жағымсыз әсерлерінің күшеюі мүмкін.

Емі: симптоматикалық ем жүргізіледі.

Шығарылу түрі және қаптамасы

Сыртқа қолдануға арналған 3 % жақпамай.

15 г препараттан алюминий сықпаға салынған.

Әр сықпа медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

Сақтау шарттары

Құрғақ жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Биосинтез» ЖАҚ, Ресей

440033, Пенза қ-сы, Дружба к-сі, 4, тел./факс (8412) 57-72-49,

e-mail: certificate@biosintez.com

Тіркеу куәлігі ұстаушысы

«Биосинтез» ЖАҚ, Ресей, Пенза қ.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, заңды мекенжайы және байланыс деректері (телефон, факс, электрондық пошта)

Қазақстан Республикасындағы «Сан Фармасьютикал Индастриез Лимитед компаниясының» өкілдігі

050008, Қазақстан Республикасы, Алматы қ., Манас к-сі, 32 «А», «SAT» Бизнес Орталығы, 6 қабат, 602 кеңсе, тел. +7 (701) 991-19-56, 8-800-080-52-02,

e-mail: Pharmacovigilance.kz@sunpharma.com

Дәріханалар

Қалалар