Біздің компаниямыз жайлы жалпы ақпарат.
Дәрілік препаратты медициналық қолдану жөніндегі нұсқаулық
Саудалық атауы
Цефлокс-500
Халықаралық патенттелмеген атауы
Ципрофлоксацин
Дәрілік түрі, дозасы
Үлбірлі қабықпен қапталған таблеткалар, 500 мг
Фармакотерапиялық тобы
Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Микробқа қарсы препараттар – хинолон туындылары. Фторхинолондар. Ципрофлоксацин.
АТХ коды J01MA02
Қолданылуы
Үлбірлі қабықпен қапталған Цефлокс-500 мг таблеткалары төмендегі инфекцияларды емдеуге арналған.Ем басталғанға дейінгі ципрофлоксацинге резистенттілігі туралы қол жетімді ақпаратқа ерекше назар аудару керек.
Бактерияларға қарсы дәрілерді дұрыс қолдану бойынша ресми нұсқауларды қарастыру керек.
- Төменгі тыныс алу жолдарының грамтеріс бактериялар туындатқан инфекцияларында (өкпенің созылмалы обструкциялық ауруының өршуі, муковисцидоз немесе бронхоэктазалар кезінде бронхөкпе инфекциялары, пневмония)
- Созылмалы іріңді ортаңғы отитте
- Созылмалы синуситтің жедел өршуінде, әсіресе егер оны грамтеріс бактериялар туындатса
- Несеп шығару жолдарының инфекцияларында (асқынған және асқынбаған жедел цистит, жедел пиелонефрит, несеп шығару жолдарының асқынған инфекциялары,бактериялық простатит)
- Жыныстық жолдардың инфекцияларында (Neisseria gonorrhoeae туындатқан препаратқа сезімталкіші жамбас ағзаларының қабыну ауруларын қоса алғанда гонококктық уретрит, цервицит, орхоэпидидимит)
- Асқазан-ішек жолының инфекцияларында (мысалы, саяхатшылар диареясы)
- Құрсақ қуысының инфекцияларында
- Терінің және жұмсақ тіндердің грамтеріс бактериялар туындатқан инфекцияларында.
- Қатерлі сыртқы отитте
- Сүйектер мен буындардың инфекцияларында
- Neisseria meningitidis туындатқан инвазиялық инфекциялардың профилактикасында
- Күйдіргінің ингаляциялық түрінде (жанасудан кейінгі профилактика және түбегейлі ем)
- Нейтропениясы бар (бактериялық инфекция аясында қызбамен байқалатын) пациенттерді емдеуде
Қолданудың басталуына дейін қажетті мәліметтер тізбесі
Қолдануға болмайтын жағдайлар
- ципрофлоксацинге және хинолондар тобының бактерияға қарсы препараттарына немесе қосымша заттардың кез келгеніне аса жоғары сезімталдық
- жүктілік және лактация кезеңі
- 18 жасқа дейінгі балалар мен жасөспірімдер
- эпилепсия
- тизанидинмен бір мезгілде қолдану
- фруктозаның тұқым қуалайтын жақпаушылығы, Lapp-лактаза ферментінің тапшылығы, глюкоза-галактоза мальабсорбциясы
Қолдану кезінде қажетті сақтандыру шаралары
Құрамында хинолон немесе фторхинолон бар препараттарды қабылдау кезінде бұрын елеулі жағымсыз реакциялар байқалған пациенттерге ципрофлоксацинді қолданудан аулақ болу керек. Бұл пациенттерді ципрофлоксацинмен емдеуді емдеудің баламалы нұсқалары болмаған кезде және пайда/қауіп арақатынасын мұқият бағалаудан кейін ғана бастаған жөн.
Грамоң және анаэробты қоздырғыштар туындатқан ауыр инфекциялар және аралас инфекциялар
Ципрофлоксацинмен жүргізілетін монотерапия грамоң немесе анаэробты қоздырғыштар туындатуы мүмкін ауыр инфекцияларды емдеуге жарамайды. Мұндай инфекцияларда ципрофлоксацинді басқа, қолайлы бактерияға қарсы препараттармен бірге ғана қолдану керек.
Стрептококктық инфекциялар (соның ішінде Streptococcus pneumoniae)
Ципрофлоксацин тиімділігінің жеткіліксіздігіне байланысты стрептококктық инфекцияларды емдеу үшін ұсынылмайды.
Жыныстық жолмен берілетін инфекциялар
Гонококктық уретритті, цервицитті, орхоэпидидимитті және жамбас ағзаларының қабыну ауруларын фторхинолонға төзімді Neisseria gonorrhoeae түрлері туындатуы мүмкін. Осылайша, ципрофлоксацинді гонококктық уретритті немесе цервицитті емдеу үшін, егер гонококктардың ципрофлоксацинге төзімділігі жоққа шығарылса ғана тағайындау керек. Егер гонококктардың ципрофлоксацинге төзімділігін жоққа шығару мүмкін болмаса, орхоэпидидимитті және кіші жамбас ағзаларының қабыну ауруларын ципрофлоксацинмен эмпирикалық емдеуді басқа қолайлы бактерияға қарсы препаратпен (мысалы, цефалоспорин) біріктірілімде ғана қолдануға болады. Егер емдеудің 3-күнінен кейін клиникалық жақсаруға қол жеткізілмесе, тағайындалған емге түзету енгізу қажет.
Несеп шығару жолдарының инфекциялары
Escherichia coli– несеп шығару жолдарының инфекцияларын туындататын ең көп таралған қоздырғыш, ол көбінесе фторхинолондардың әсеріне сезімтал емес. Пременопаузадағы асқынбаған циститті емдеуде қолданылуы мүмкін ципрофлоксациннің бір реттік дозасы ұзақ емдеуге қарағанда азырақ тиімді болады деп күтіледі. Мұны фторхинолондарға ішек таяқшаларының сезімталдығының өсіп келе жатқан деңгейін ескере отырып, ескеру қажет.
Интраабдоминальдік инфекциялар
Операциядан кейінгі интраабдоминальдік инфекцияларды емдеуде Цефлокс-500 препаратының тиімділігі туралы деректер шектеулі.
Саяхатшылардың диареясы
Препаратты таңдау барған елдердегі Цефлокс-500 препаратына қоздырғыштардың төзімділігі туралы ақпаратқа негізделуі тиіс.
Сүйектер мен буындардың инфекциялары
Ауру қоздырғышының сезімталдық нәтижелеріне байланысты Цефлокс-500 препаратын басқа бактерияға қарсы препараттармен бірге қолдануға болады.
Күйдіргінің ингаляциялық түрі
Адамдарда ципрофлоксацинді қолдану сезімталдығын in-vitro зерттеу деректеріне, жануарларға жүргізілген эксперименттік деректерге және адамдарда қолданудың шектеулі деректеріне негізделуі тиіс. Емдеуші дәрігерлер күйдіргіні емдеу жөніндегі ұлттық нұсқауларды ұстануы тиіс.
Балалар мен жасөспірімдер
Цефлокс-500 препаратын 6 жастан асқан балаға және жасөспірімдерге тағайындаған кезде ұсынылған дозаны және қабылдау жиілігін сақтау қажет. Емдеуді балалар мен жасөспірімдерде муковисцидозды және/немесе ауыр инфекцияларды емдеу тәжірибесі бар мамандар ғана тағайындауы керек. Буындармен және/немесе қоршаған тіндермен байланысты реакцияларды қоса, жағымсыз реакциялар жиілігінің артқаны байқалды. Ципрофлоксацин ақсақтықты, шеміршектің зақымдануын, шеміршек эрозиясын туындату мүмкін және сирек жағдайларда буындардың артропатиясын туындатады. Балаларға ем тағайындар алдында пайда/қауіп арақатынасын бағалау қажет.
Муковисцидоз кезінде бронхөкпе инфекциялары
Клиникалық сынақтарға 5-17 жас аралығындағы балалар мен жасөспірімдер кірді. 1 жастан 5 жасқа дейінгі балаларды емдеуде анағұрлым шектеулі тәжірибе бар.
Несепшығару жолдарының асқынған инфекциялары және пиелонефрит
Несеп шығару жолдарының инфекцияларын ципрофлоксацинмен емдеу басқа емдеу әдістерін қолдануға болмайтын жағдайларда ғана жүргізілуі керек және ол микробиологиялық зерттеу нәтижелеріне негізделуі керек.
Басқа спецификалы ауыр инфекциялар
Басқа емдеу әдістерін қолдану мүмкін болмаған жағдайда немесе әдеттегі емнен бас тартқаннан кейін ципрофлоксацинді микробиологиялық зерттеу нәтижелерімен тағайындауды негіздеу қажет, басқа да ауыр инфекцияларды емдеуді пайда/қауіп арақатынасына мұқият бағалау жүргізілгеннен кейін қолданыстағы ұлттық нұсқауларға сәйкес жүргізу қажет. Ципрофлоксацинді жоғарыда аталған ауыр инфекциялардан ерекшеленетін басқа жағдайларда қолдану зерттелмегендіктен, сақ болу ұсынылады.
Аса жоғары сезімталдық
Аса жоғары сезімталдық және аллергиялық реакциялар, соның ішінде анафилаксия және анафилактоидтық реакциялар препаратты бір рет қабылдағаннан кейін пайда болуы мүмкін және өмірге қауіпті болуы мүмкін. Мұндай реакция туындаған жағдайда препарат тоқтатылады және қажетті емдеу жүргізіледі.
Ұзақ, мүгедек қылдыратын және ықтимал қайтымсыз ауыр жағымсыз реакциялар
Хинолондар мен фторхинолондарды қабылдайтын пациенттерде, олардың жасына және бар қауіп факторларына қарамастан, организмнің бір немесе бірнеше жүйесіне (тірек-қимыл аппараты, жүйке жүйесі, психикалық әрекеттілік) әсер ететін өлімге әкелетін және ықтимал қайтымсыз, өте сирек ұзақ (бірнеше ай немесе жылдарға созылатын), елеулі жағымсыз реакциялар жағдайлары байқалды. Цефлокс-500 препаратын қабылдауды кез келген күрделі жағымсыз реакцияның алғашқы белгілері немесе симптомдары кезінде дереу тоқтату керек және пациенттерге өз дәрігеріне қаралуға кеңес беру керек.
Тендинит және сіңірдің жыртылуы
Цефлокс-500 препараты анамнезінде хинолондарды қабылдағаннан кейін дамыған сіңір аурулары бар пациенттерге тағайындалмауы тиіс. Өте сирек жағдайларда, қоздырғыштың осы препаратқа сезімталдығы болған кезде және пайда/қауіп арақатынасын ескере отырып, препарат ауыр инфекциялары бар пациенттерге, әсіресе стандартты емнің тиімсіздігі кезінде тағайындалуы мүмкін. Тендинит және сіңірдің жыртылуы (көбінесе Ахилл сіңірі), кейде екіжақты жыртылуы, емдеудің алғашқы 48 сағатында ципрофлоксацинді қолданғанда дамуы мүмкін. Егде жастағы пациенттерде және бір мезгілде кортикостероидтарды қабылдаған пациенттерде тендопатия қаупі жоғары. Тендониттің алғашқы белгілері кезінде (мысалы, ауырсынатын ісіну, қабыну) Цефлокс-500 препаратымен емдеуді тоқтату керек. Сондай-ақ, абай болу керек және осы аяқты қозғалтпау керек.
Миастения грависі бар пациенттер
Ципрофлоксацинді миастения грависі бар пациенттерге сақтықпен қолдану керек, өйткені симптомдар өршуі мүмкін.
Аорта аневризмасы және қатпарлануы, сондай-ақ жүрек қақпақшаларының регургитациясы/жеткіліксіздігі
Эпидемиологиялық зерттеулерде, әсіресе егде пациенттерде аорта аневризмасының және қатпарлануының, сондай-ақ фторхинолондарды қабылдағаннан кейін аорта және митральдық қақпақша регургитациясының жоғары қаупі туралы хабарланды. Фторхинолондарды қабылдау кезінде кейде жыртылумен (оның ішінде өліммен аяқталатын) асқынған аорта аневризмасы және қатпарлануы, сондай-ақ жүрек қақпақшаларының кез келгенінің регургитациясы/жеткіліксіздігі жағдайлары тіркелген («Жағымсыз реакциялардың сипаттамасы» бөлімін қараңыз).
Демек, фторхинолондарды пайда мен қауіп арақатынасын мұқият бағалағаннан кейін және жүрек қақпақшаларының аневризмасына немесе туа біткен кемістігіне қатысты асқынған отбасылық анамнезі бар пациенттерде, анамнезінде аорта аневризмасы және/немесе қатпарлануы, не жүрек қақпақшаларының жеткіліксіздігі бар пациенттерде, сондай-ақ басқа да қауіп факторлары немесе алдын алу жағдайлары болған кезде басқа да емдік мүмкіндіктерді қарастырғаннан кейін ғана пайдалану керек
Жүйелі кортикостероидтармен бір мезгілде ем қабылдайтын пациенттерде аорта аневризмасы және қатпарлану, сондай-ақ жыртылу қаупі артуы мүмкін.
Іш, кеуде немесе арқа кенеттен ауырған жағдайда пациенттерге шұғыл көмек алу үшін дереу дәрігерге бару ұсынылады.
Пациенттерге жедел ентігу, алғаш рет туындаған жүрек соғу жиілеген кезде, сондай-ақ құрсақ қуысының немесе аяқтардың ісінуі дамыған жағдайда дереу медициналық көмекке жүгіну ұсынылады.
Көру қабілетінің бұзылуы
Көру қабілеті нашарлаған жағдайда дереу емдеуші дәрігерге, сондай-ақ окулистке бару керек.
Фотосезімталдық
Ципрофлоксацин фотосезімталдық реакциясының дамуын туындатуы мүмкін. Емдеу кезеңінде пациенттер қарқынды күн сәулесінің немесе ультракүлгін сәулеленудің тікелей әсерінен аулақ болу керек.
Құрысулар
Ципрофлоксацин, басқа хинолондар сияқты, құрысуды туындататыны немесе құрысудың шегін төмендететіні белгілі. Эпилепсиялық статус жағдайлары туралы хабарланды. Ципрофлоксацинді құрысуларға бейім болуы мүмкін ОЖЖ бұзылулары бар пациенттерге сақтықпен тағайындау керек. Құрысулар туындаған кезде ципрофлоксацинді қабылдауды тоқтату керек.
Шеткері нейропатия
Хинолондар мен фторхинолондарды қабылдайтын пациенттерде парестезияны, гипестезияны, дизестезияны немесе әлсіздікті туындататын сенсорлық немесе сенсомоторлық полиневропатия жағдайлары туралы хабарланды. Егер ауырсыну, күю, қышу, ұйқышылдық және әлсіздік сияқты симптомдар туындаса, пациент препаратты қабылдауды тоқтатып, дәрігермен кеңесу керек.
Психика тарапынан реакциялар
Психиатриялық реакциялар ципрофлоксацинді алғаш қабылдағаннан кейін де туындауы мүмкін. Сирек жағдайларда депрессия немесе психоз өзіне-өзі қол жұмсау әрекеті немесе өзіне-өзі қол жұмсаумен аяқталатын суицидтік ойларды/ниеттерді туындатуы мүмкін. Мұндай жағдайларда ципрофлоксацинді қолдануды тоқтату керек.
Жүрек тарапынан бұзылулар
QT аралығының ұзару қаупінің белгілі факторлары бар пациенттерде ципрофлоксацинді қоса алғанда, фторхинолондарды пайдалану кезінде сақ болу керек, мысалы:
Егде жастағы пациенттер мен әйелдер QT аралығына әсер ететін препараттарға көбірек бейім. Осылайша, халықтың осы топтарында Цефлокс-500 препаратын қоса алғанда, фторхинолондарды пайдалану кезінде сақтық таныту керек.
Гипогликемия
Барлық хинолондармен болған жағдағыдай, әдетте, пероральді гипогликемиялық дәрімен (мысалы, глибенкламидпен) немесе инсулинмен қатар ем алатын, диабетпен ауыратын пациенттерде гипогликемияны және гипергликемияны қоса алғанда, қандағы глюкоза деңгейінің бұзылғаны хабарланды. Гипогликемиялық кома жағдайлары болған жоқ. Қант диабетімен ауыратын науқастарда қандағы глюкоза деңгейін бақылау ұсынылады.
Асқазан-ішек жолы
Емдеу кезінде немесе одан кейін (оның ішінде емдеуден кейін бірнеше аптадан кейін) ауыр және тұрақты диареяның туындауы дереу емдеуді талап ететін антибиотикпен астасқан колитті (өліммен аяқталуы мүмкін өмірге қауіпті) көрсетуі мүмкін. Мұндай жағдайларда ципрофлоксацинді дереу тоқтатып, тиісті емді бастау керек. Бұл жағдайда перистальтикаға қарсы препараттар қарсы көрсетілімді.
Бүйрек және несеп шығару жүйесі
Ципрофлоксациндерді қабылдаған кезде несептің сілтілік реакциясының пайда болуымен байланысты кристаллурия дамуы мүмкін. Несеп концентрациясы жоғарылауының профилактикасы үшін пациенттің сұйықтықты жеткілікті мөлшерде қабылдауын қамтамасыз ету қажет.
Бүйрек функциясының бұзылуы
Ципрофлоксацин организмнен, негізінен өзгермеген түрде бүйрек арқылы шығады. Бүйрек функциясы бұзылған пациенттерде, әсіресе бүйрек функциясының ауыр жеткіліксіздігі кезінде, организмде ципрофлоксациннің жинақталуы салдарынан жағымсыз реакциялардың даму қаупін төмендету үшін дозаны түзету қажет.
Гепатоуыттылығы
Ципрофлоксацинді қолданған кезде некроздық гепатиттің сирек кездесетін жағдайлары және бауыр функциясының өмірге қауіпті жеткіліксіздігі байқалды. Бауыр ауруының кез келген белгілері мен симптомдары (оның ішінде анорексия, сарғаю, қара түсті несеп, қышыну) туындаған кезде емдеу дереу тоқтатылуы тиіс.
Глюкоза-6-фосфат дегидрогеназа тапшылығы
Ципрофлоксацинді қолданғанда глюкоза-6-фосфатдегидрогеназа тапшылығы бар пациенттерде гемолиздік реакциялар байқалған. Мұндай пациенттерде Цефлокс-500 препаратын қолданудан аулақ болу керек және оны пайда/қауіп арақатынасы оң болғанда және гемолиз белгілерін тұрақты бақылағанда ғана тағайындау керек.
Тұрақтылық
Кеңспектрлі микробқа қарсы басқа дәрілердегідей, Цефлокс-500 препаратын ұзақ уақыт қолдану, әсіресе, нозокомиалдық инфекцияларды және/немесе Staphylococcus және Pseudomonas туындатқан инфекцияларды емдеуде сезімтал емес микроорганизмдердің шамадан тыс өсуін және суперинфекцияларды туындатуы мүмкін.
P450 цитохромы
Ципрофлоксацин CYP1A2 тежейді және осылайша, осы фермент метаболиздейтін қатарлас заттардың (мысалы, теофиллин, клозапин, оланзапин, ропинирол, тизанидин, дулоксетин, агомелатин) сарысудағы концентрациясының жоғарылауын туындатуы мүмкін. Осылайша, осы заттарды ципрофлоксацинмен бір мезгілде қабылдайтын пациенттер артық дозаланудың клиникалық белгілеріне мұқият бақылануы тиіс және сарысудағы концентрацияны (мысалы, теофиллин) анықтау қажет болуы мүмкін. Ципрофлоксацин мен тизанидинді бірге қолдануға болмайды.
Метотрексат
Ципрофлоксацинді метотрексатпен бір мезгілде қабылдау ұсынылмайды.
Тестілермен өзара әрекеттесуі
Mycobacterium tuberculosis қатысты ципрофлоксациннің in vitro белсенділігі қазіргі уақытта ципрофлоксацинді қабылдайтын пациенттердің үлгілерінде бактериологиялық тестінің жалған теріс нәтижелерін көрсетуі мүмкін.
Басқа дәрілік препараттармен өзара әрекеттесуі
Басқа өнімдердің ципрофлоксацинге әсері
Ципрофлоксацинді, басқа фторхинолондар сияқты, олар QT аралығын ұзартатыны белгілі препараттарды қабылдайтын пациенттерде сақтықпен пайдалану керек (мысалы, IA және III класындағы аритмияға қарсы, трициклді антидепрессанттар, макролидтер, нейролептиктер).
Хелат кешендерін түзуі
Құрамында магний, алюминий немесе кальций бар ципрофлоксацинді (пероральді) және поливалентті құрамында катион бар дәрілер мен минералды қоспаларды (мысалы, кальций, магний, алюминий, темір), полимерлі фосфатты байланыстырғыштарды (мысалы, севеламер немесе лантан карбонаты), сукральфатты немесе антацидтерді және жоғары буферлі дәрілерді (мысалы, диданозин таблеткалары) бір мезгілде қолдану ципрофлоксациннің сіңуін төмендетеді. Сондықтан ципрофлоксацинді осы препараттардан 1-2 сағат бұрын немесе кем дегенде 4 сағаттан кейін енгізу керек. Шектеу Н2-рецепторлар блокаторлары класына жататын антацидтерге қолданылмайды.
Тамақ және сүт өнімдері
Тағам құрамындағы диеталық кальций сіңуіне айтарлықтай әсер етпейді. Алайда, тек сүт өнімдерін немесе минералдармен байытылған сусындарды (мысалы, сүт, йогурт,кальциймен байытылған апельсин шырыны) ципрофлоксацинмен бір мезгілде қабылдаудан аулақ болу керек, өйткені ципрофлоксациннің сіңуін азайуы мүмкін.
Пробенецид
Пробенецид ципрофлоксациннің бүйрек секрециясына кедергі келтіреді. Пробенецид пен ципрофлоксацинді бірге енгізу қан сарысуындағы ципрофлоксацин концентрациясын арттырады.
Метоклопрамид
Метоклопрамид ципрофлоксациннің сіңуін тездетеді (пеоральді), бұл плазмадағы ең жоғары концентрацияға жетудің қысқа уақытына әкеледі. Ципрофлоксациннің биожетімділігіне әсері анықталған жоқ.
Омепразол
Құрамында ципрофлоксацин мен омепразол бар дәрілерді бір мезгілде қабылдау ципрофлоксациннің Cmax және AUC шамалы төмендеуін туындатады.
Ципрофлоксациннің басқа дәрілік заттарға әсері
Тизанидин
Тизанидинді ципрофлоксацинмен бірге қабылдауға болмайды. Дені сау сыналатындармен жүргізілген клиникалық зерттеулерде ципрофлоксацинмен бір мезгілде тағайындау кезінде сарысуда тизанидин концентрациясының жоғарылағаны (Cmax жоғарылауы: 7 есе, диапазоны: 4-тен 21 есе; AUC жоғарылауы: 10 есе, диапазоны: 6-дан 24 есе) байқалды. Қан сарысуындағы тизанидиннің жоғары концентрациясы потенциалды гипотензивті және седативті әсерімен байланысты.
Метотрексат
Метотрексаттың бүйректік түтікшелі тасымалын ципрофлоксацинді қатар енгізумен тежеуге болады, бұл плазмадағы метотрексат деңгейінің жоғарылауын және метотрексатпен байланысты уытты реакциялар қаупінің артуын туындатуы мүмкін. Бірге қолдану ұсынылмайды.
Теофиллин
Ципрофлоксацин мен теофиллинді бір мезгілде қабылдау сарысудағы теофиллин концентрациясының жағымсыз жоғарылауын туындатуы мүмкін. Бұл теофиллин индуциялаған жағымсыз әсерлерді туындатуы мүмкін, олар сирек өмірге қауіпті немесе өлімге әкеледі. Біріктіру кезінде теофиллиннің сарысулық концентрациясын тексеру және қажет болған жағдайда теофиллин дозасын азайту керек.
Ксантиннің басқа туындылары
Ципрофлоксацин мен кофеинді немесе пентоксифиллинді (окспентифиллин) бір мезгілде қабылдаған кезде қан сарысуындағы ксантин туындыларының жоғары концентрациясы туралы хабарланды.
Фенитоин
Ципрофлоксацин мен фенитоинді бір мезгілде енгізу қан сарысуындағы фенитоин деңгейінің жоғарылауын немесе төмендеуін туындатуы мүмкін, сондықтан препарат деңгейінің мониторингі ұсынылады.
Циклоспорин
Сарысу креатинині концентрациясының уақытша жоғарылауы ципрофлоксацин және құрамында циклоспорин бар дәрілік заттар бір мезгілде енгізілгенде байқалды. Сондықтан осы пациенттерде сарысудағы креатинин концентрациясын жиі (аптасына екі рет) бақылау қажет.
К дәруменінің антагонистері
Ципрофлоксацинді К дәруменінің антагонисімен бір мезгілде қолдану оның антикоагулянттық әсерін күшейтуі мүмкін. Қаупі негізгі инфекцияға, пациенттің жасына және жалпы жағдайына байланысты өзгеруі мүмкін, сондықтан ХҚҚ жоғарылауында (халықаралық қалыптасқан қатынас ) ципрофлоксациннің пайдасын бағалау қиын.ХҚҚ К дәруменінің антагонисімен (мысалы, варфарин, аценокумарол, фенпрокумон немесе флуиндион) ципрофлоксацинді бірге енгізу кезінде және одан кейін көп ұзамай жиі бақылануы керек.
Дулоксантин
Клиникалық зерттеулерде дулоксетинді флувоксамин сияқты CYP450 1A2 изоэнзимінің күшті тежегіштерімен бір мезгілде қолдану дулоксетиннің AUC және Cmax артуын туындатуы мүмкін екендігі көрсетілді. Ципрофлоксацинмен ықтимал өзара әрекеттесуі туралы клиникалық деректер болмаса да, ұқсас әсерлерді бір мезгілде қолданғанда күтуге болады.
Ропинирол
Клиникалық зерттеуде ропиниролды CYP450 1A2 изоферментінің орташа тежегіші ципрофлоксацинмен бір мезгілде қолдану ропиниролдың Cmax және AUC тиісінше 60% және 84% - ға артатынын туындататыны көрсетілген. Ропиниролмен байланысты жағымсыз әсерлердің мониторингі және қажет болған жағдайда дозаны түзету ципрофлоксацинмен бірге қолдану кезінде және одан кейін ұсынылады.
Лидокаин
Дені сау адамдарда CYP450 1A2 изоферментінің орташа тежегіші ципрофлоксацинмен құрамында лидокаин бар дәрілік препараттарды бір мезгілде қабылдау лидокаинді вена ішіне енгізу клиренсін 22% - ға төмендететіні көрсетілді. Лидокаинмен емдеу жақсы жақса да, жағымсыз әсерлермен байланысты ципрофлоксацинмен мүмкін болатын өзара әрекеттесу бір мезгілде қабылдау кезінде туындауы мүмкін.
Клозапин
Клозапинмен 250 мг ципрофлоксацинді 7 күн бойы бір мезгілде енгізгеннен кейін сарысудағы клозапин және N-десметилклозапин концентрациясы тиісінше 29% және 31% - ға артты. Ципрофлоксацинмен бірге енгізу кезінде және одан кейін клозапин дозасын клиникалық бақылау жәнетиісінше түзету ұсынылады.
Силденафил
Силденафилдің Cmax және AUC 500 мг ципрофлоксацинмен бір мезгілде енгізілетін 50 мг пероральді дозадан кейін дені сау сыналатындарда шамамен екі есе артты. Сондықтан қауіптері мен артықшылықтарын ескере отырып, ципрофлоксацинді силденафилмен бір мезгілде тағайындау кезінде сақ болу керек.
Агомелатин
Клиникалық зерттеулер барысында CYP450 1A2 изоферментінің күшті тежегіші болып табылатын флувоксамин агомелатин метаболизмін айтарлықтай тежейтіні көрсетілді, бұл агомелатин әсерінің 60 есе артуын туындатты. CYP450 1A2 орташа тежегіші ципрофлоксацинмен ықтимал өзара әрекеттесуі туралы клиникалық деректер болмаса да, ұқсас әсерлерді бір мезгілде қабылдау кезінде күтуге болады.
Золпидем
Ципрофлоксацинді бірге қолдану қандағы золпидем деңгейін жоғарылатуы мүмкін, бір мезгілде қолдану ұсынылмайды.
Арнайы сақтандырулар
Педиатрияда қолданылуы
18 жасқа дейінгі балалар мен жасөспірімдерге қарсы көрсетілімді.
Жүктілік немесе лактация кезінде
Жүктілік және лактация кезінде қарсы көрсетілімді.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препарат психомоторлық реакциялардың жылдамдығын төмендетеді, бұл көлік құралдарын басқару кезінде және зейін қоюды қажет ететін механизмдермен жұмыс кезінде ескерілуі керек.
Қолдану жөніндегі нұсқаулар
Дозалау режимі инфекциялық процестің орналасқаны мен ағым ауырлығына, дененің күйіне, жасқа, дене салмағына, пациент бүйрегінің функциялық жағдайына байланысты жекелей анықталады. Емдеу ұзақтығы аурудың ауырлығына және қоздырғыштың түріне байланысты.
Кейбір (мысалы, Pseudomonas aeruginosa, Acinetobacter немесе Staphylococci) бактериялар туындатқан инфекцияларды емдеу ципрофлоксациннің жоғарырақ дозаларын қолдануды және бактерияға қарсы басқа жарамды дәрілердің бір мезгілде енгізуді талап етуі мүмкін.
Кейбір инфекцияларды (мысалы, кіші жамбас ағзаларының қабыну ауруларын, құрсақ қуысының инфекцияларын, нейтропениясы бар пациенттердегі инфекцияларды және сүйек пен буын инфекцияларын) емдеу қатысқан патогендерге байланысты бактерияға қарсы басқа қажетті агенттерді бірге енгізуді талап етуі мүмкін.
Ересектер
| Көрсетілімдер | мг- да тәуліктік дозасы | Емнің жалпы ұзақтығы (оның ішінде ципрофлоксацинмен бастапқы потенциалды парентеральді ем ) | |
| Төменгі тыныс жолдарының инфекциялары | 500 -750 мг күніне екі рет | 7 - 14 күн | |
| Жоғарғы тыныс жолдарының инфекциялары | Созылмалы синуситтің өршуі | 500 -750 мг күніне екі рет | 7 - 14 күн |
| Созылмалы іріңді ортаңғы отит | 500 -750 мг күніне екі рет | 7 - 14 күн | |
| Қатерлі сыртқы отит | күніне екі рет 750 мг | 28 күннен 3 айға дейін. | |
| Несеп жолдарының инфекциялары | Асқынбаған жедел цистит | күніне 250-500 мг екі рет | 3 күн |
| Әйелдерде менопауза кезінде 500 мг бір реттік дозаны қолдануға болады | |||
| Асқынған цистит Асқынбаған пиелонефрит | күніне екі рет 500 мг | 7 күн | |
| Асқынған пиелонефрит | күніне екі рет 500-750 мг | Ең кемі 10 күн, кейбір нақты жағдайларда (мысалы, абцестерде) 21 күннен астам жалғастырылуы мүмкін | |
| Бактериялық простатит | күніне екі рет 500-750 мг | 2-ден 4 аптаға дейін (жедел), 4-тен 6 аптаға дейін (созылмалы) | |
| Жыныстық жолдардың инфекциялары | Neisseria gonorrhoeae туындатқан препаратқа сезімтал гонококктық уретрит және цервицит | 500 мг бір рет | 1 күн (бір рет) |
| Орхоэпидидимит және препаратқа сезімтал Neisseria gonorrhoeae туындатқан кіші жамбас ағзаларының қабыну аурулары | күніне екі рет 500-750 мг | 14 күннен кем емес | |
| Асқазан-ішек жолының инфекциялары және құрсақ қуысыинфекциялары | Бактериялық патогендер, Shigella spp. туындатқан, 1 type Shigella dysenteriae басқа, диарея және саяхатшылардың ауыр диареясын эмпирикалық емднк | күніне екі рет 500 мг | 1 күн |
| Shigella dysenteriae type 1 туындатқан диарея | күніне екі рет 500 мг | 5 күн | |
| Тырысқақ вибрионы туындатқан диарея | күніне екі рет 500 мг | 3 күн | |
| Ішсүзек | күніне екі рет 500 мг | 7 күн | |
| Құрсақ қуысының грамтеріс бактериялар туындатқан инфекциялары | күніне екі рет 500-750 мг | 5 күннен 14 күнге дейін | |
| Терінің және жұмсақ тіндердің грамтеріс бактериялар туындатқан инфекциялары | күніне екі рет 500-750 мг | 7 күннен 14 күнге дейін | |
| Сүйектер мен буындардың инфекциялары | күніне екі рет 500-750 мг | Ең көбі 3 ай | |
| Нейтропениямен ауыратын науқастарда инфекцияны емдеу немесе алдын алу (ципрофлоксацинді қолда бар ұсынымдарға сәйкес басқабактерияға қарсы препаратпен(тармен) бір мезгілде тағайындау керек) | күніне 500-750 мг екі рет | Емді нейтропенияның барлық кезеңінде жалғастыру қажет | |
| Neisseria meningitidis туындатқан инвазиялық инфекциялардың профилактикасы | 500 мг бір рет | 1 күн (бір рет) | |
| Клиникалық орынды болған кезде препараттарды пероральді қабылдауға қабілетті пациенттерде күйдіргінің ингаляциялық түрін алдын алу және емдеу. Дәрі-дәрмектерді қабылдау болжамды немесе расталған әсерден кейін мүмкіндігінше тезірек басталуы керек. | күніне екі рет 500 мг | Bacillus anthracis әсері расталған сәттен бастап 60 күн. | |
Пациенттердің ерекше топтары
Балалар
Балалар мен 6 жастан асқан жасөспірімдерге емдеудің балама әдістері болмаған кезде:
| Қолданылуы | мг- да тәуліктік дозасы | Емдеудің әдеттегі ұзақтығы |
| Кистозды фиброз (муковисцидоз) | кг дене салмағына 20 мг-дан, күніне екі рет (ең жоғары тәуліктік дозаға дейін 750 мг) | 10-14 күн |
| Несеп шығару жолдарының асқынған инфекциясы және пиелонефрит | кг дене салмағына 10 мг-дан кг дене салмағына 20 мг дейін, күніне 2 рет (ең жоғары тәуліктік дозаға дейін 750 мг) | 10-21 күн |
| Клиникалық мақсатқа сай болған кезде преоральді қабылдай алатын пациенттерде күйдіргінің ингаляциялық түрінің алдын алу және емдеу. Дәрілік препаратты қабылдауды болжамды немесе расталған әсерден кейін мүмкіндігінше тезірек бастау керек | кг дене салмағына 10-15 мг-дан, күніне 2 рет (ең жоғары тәуліктік дозаға дейін 500 мг)
| Bacillus anthracis әсерін растаған сәттен бастап 60 күн |
| Басқа ауыр инфекциялар
| кг дене салмағына 20 мг, күніне 2 рет (ең жоғары тәуліктік дозаға дейін 750 мг) | Инфекция типіне сәйкес |
10 таблеткадан ПВХ/ПВДХ үлбірден және алюминий фольгадан жасалған пішінді ұяшықты қаптамаға оралады.
1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен (қосымша парақпен) бірге картон қорапшаға салынады.
Сақтау мерзімі
5 жыл
Жарамдылық мерзімі өткеннен кейін қолдануға болмайды.
Сақтау шарттары
Құрғақ, жарықтан қорғалған жерде, 25 0С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы
