Цитеал д/наруж применения 250 мл раствор

Сипаттама

Дәрілік затты медициналық қолдану

жөніндегі нұсқаулық (Қосымша парақ)

Саудалық атауы

Цитеал

Халықаралық патенттелмеген атауы

Жоқ

Дәрілік түрі, дозалануы

Сыртқа қолдануға арналған ерітінді, 250 мл

Фармакотерапиялық тобы

Дерматология. Антисептиктер және дезинфекциялайтын препараттар. Бигуанидтер және амидиндер. Басқа препараттармен біріктірілген хлоргексидин.

АТХ коды D08AC52

Қолданылуы

Теріні және шырышты қабықтарды бактериялардан тазалау және екінші қайтара инфекция жұқтыру профилактикасы үшін.

Ескерту: антисептикалық препараттар теріні және шырышты қабықтарды стерилизацияламайды, олар микроорганизмдер мөлшерін уақытша азайтады.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- белсенді заттарға немесе қосымша заттардың кез келгеніне жоғары сезімталдық

Қолдану кезінде қажетті сақтық шаралары

Бұл препаратты мынадай жағдайларда:

• инъекцияның (венопункция, инъекция) алдында антисептикалық зат ретінде
• хирургиялық антисептиканы (люмбальді пункция, лапароскопияны, орталық көктамырды катетерлеуді және т.б.) талап ететін кез келген инвазивті емшара алдында
• медициналық немесе хирургиялық құралдарды дезинфекциялау үшін қолдануға болмайды.

Препараттың көзге, миға немесе мидың жұмсақ қабықшаларына түсуіне жол бермеу керек, сондай-ақ ол есту жолына (дабыл жарғағы тесілген жағдайда) түспеуі тиіс.

Басқа да жуғыш заттар сияқты, пайдаланғаннан кейін мұқият жуып-шаю қажет.

Бұл дәрілік зат әсер еткеннен кейін бірнеше минуттың ішінде пайда болуы мүмкін хлоргексидиннің құрамына байланысты қауіпті жаппай аллергиялық реакцияларды тудыруы мүмкін.

Күрделі симптомдар жағдайында сізге емдеуді тоқтатып және қайтадан Цитеалды пайдалану алдында емдеуші дәрігермен кеңесу керек.

Басқа дәрілік препараттармен өзара әрекеттесуі

Үйлесімділігіне зерттеу жүргізілген жоқ.

Ықтимал өзара әрекеттесуін (антагонизм, әсерсіздендіру және т.б.) ескере отырып, теріге жағу үшін басқа өнімдерді бір мезгілде немесе рет-ретімен пайдаланудан аулақ болу керек.

Кәдімгі сабынмен бір мезгілде пайдаланбау керек.

Тығынды, резеңке беткейлермен жанасуына жол бермеу керек.

Арнайы ескертулер

Тері арқылы сіңу туралы деректер болмаған жағдайда, жүйелік әсерлері қаупін жоққа шығару мүмкін емес. Олар қайта қолданған кезде, әсіресе антисептик беткейдің үлкен бөлігіне жағылғанда, оны жабық киімнің астына жаққан кезде, зақымдалған теріге (әсіресе, күйген беткейіне), шырышты қабыққа немесе жаңа туған нәрестелер немесе шала туған балалар терісіне (бұл дене беткейінің салмаққа жоғары қатынасына және жөргектің окклюзиялық әсеріне байланысты орын алады) жаққанда болуының ықтималдығы зор, сондықтан балаларда тері арқылы сіңуін болдырмау үшін препаратты шала туған және жаңа туған балаларға терінің үлкен беткейлеріне, күйген кезде, окклюзиялық таңғышты немесе жөргекпен пайдаланған кезде сақтықпен қолданады.

Гексамидинмен және ерітіндідегі екі толтырғышпен жанаспалы дерматиттің (аллергиялық дерматитті қоса алғанда) жағдайлары туралы хабарланды.

Күрделі симптомдар жағдайында сізге емдеуді тоқтатып және қайтадан Цитеалды пайдалану алдында емдеуші дәрігермен кеңесу керек.

Антисептикалық препараты бар контейнер ашылған сәттен бастап микробактериялық ластану мүмкіндігі бар.

Жүктілік және лактация кезінде қолдану

Жүктілік

Цитеал препаратын жүкті әйелдерге қолдану туралы деректер көп емес. Хлоргексидин зерттеулері жүктілік кезінде Цитеалдың тікелей немесе жанама жағымсыз әсерлерін анықтамаған.

Алайда гексамидин және хлоркрезол туралы деректер жоқ.

Демек, сақтандыру шарасы ретінде Цитеалды жүктілік кезінде пайдаланбаған дұрыс.

Лактация кезеңі{0>Lactation<}100{>ПП

Цитеал/метаболиттердің әйелдің емшек сүтіне бөлінетін - бөлінбейтінібелгісіз.
Жаңа туған нәресте/сәбилер үшін қаупін жоққа шығаруға болмайды.
Цитеалды бала емізу кезінде пайдаланбаған жөн.

Фертильдік
Хлоргексидин фертильдікке әсер етпейді.
Гексамидин және хлоркрезолдың фертильдікке әсері туралы деректер жоқ.

Дәрілік препараттың көлік құралдарын және қауіптілігі зор механизмдерді басқару қабілетіне әсер ету ерекшеліктері.

Цитеал автокөлік жүргізу мен жабдықты басқару қабілетіне әсер етпейді немесе елеусіз ғана әсер етеді.

Қолдану жөніндегі нұсқаулар

Дозалану режимі

Бұл препарат сұйық сабын ретінде пайдаланылады: сұйылтылмаған немесе 1:10 сұйылтылған түрдегі ерітінді, қолданғаннан кейін өңделген орынды мұқият жуып-шаяды.

Енгізу әдісі мен жолы

СЫРТҚА ҚОЛДАНУҒА АРНАЛҒАН. ИНЪЕКЦИЯЛЫҚ ЕНГІЗУГЕ БОЛМАЙДЫ. ІШКЕ ЖҰТУҒА БОЛМАЙДЫ.

Артық дозалану жағдайында қабылдануы қажеті шаралар

Симптомдары

Сыртқа қолданған кезде артық дозалану жағдайлары туралы хабарлар жоқ.

Емі

Байқаусызда ішке қабылданған жағдайда асқазанды шаюға болмайды, өйткені, олкөбік түзуші препарат.

Дәрігерлер жалпы демеу шараларын қолданғандары жөн.

Дәрілік заттың стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Цитеал барлық адамдарда болмаса да, жағымсыз әсерлер туындатуы мүмкін.

Төменде көрсетілген жағымсыз әсерлер кездесу жиілігіне сәйкес жіктелген. Жиілік санаттары MedDRA (Реттеуші қызмет терминдерінің медициналық сөздігі) белгілеріне сәйкес келтірілген: өте жиі (≥1/10); жиі (≥1/100 <1/10 дейін); жиі емес (≥1/1000 <1/100 дейін); сирек (≥1/10000 <1/1000 дейін); өте сирек (<1/10000); белгісіз (қолда бар деректер бойынша бағалау мүмкін емес).

Белгісіз

- анафилаксиялық шок٭

- жоғары сезімталдық٭

- жанаспа дерматит٭٭

- көздің тітіркенуі٭٭٭

- қолдану орнындағы реакция (қатты ауырсыну, қышыну, терінің күйдіру сезімі, терінің құрғауы, қызаруы, әсіресе бірнеше рет қолданғанда).

٭Анафилаксиялық шокқа әкелуі мүмкін хлоргексидинге жаппай аллергиялық реакцияның қаупі. Егер жедел медициналық көмек көрсетілмесе, анафилаксиялық реакцияның өмірге қауіпті болуы мүмкін. Оның белгілері тыныс алудың қиындауы, беттің ісінуі, терінің қатты бөртпесінің пайда болуы мүмкін. Егер пациентте хлоргексидинге аллергиялық реакция пайда болса, ол препаратты қолдануды дереу тоқтатып, тиісті медициналық көмекке жүгінуі тиіс.

٭٭Гексамидин туындататын жанаспалы дерматит гуморальді иммунологиялық механизмдерді пайдалана отырып, Артус реакциясын көрсететін спецификалық симптомдар тудырады. Гексамидин сенсибилизацияны туғызуы мүмкін. Оның жиілігі терінің зақымдану дәрежесіне байланысты өзгеріп отырады. Клиникалық көрінісі әдетте жанаспалы экземаның әдеттегі көрінісінен ерекшеленеді: бөртпе жиі тереңірек енеді және оқшауланған немесе топтастырылған жартылай сфералық папулалардан немесе папула-везикулярлы зақымданулардан тұрады. Антисептикті қолдану орнында өте көп және үлкейіп тығызданған түрде бұл зақымданулар содан кейін жеке элементтерге таралады. Бұл реакциялар баяу регрессияланады. Жанаспа дерматиттің кокамидопропилбетаинмен және кокос жаңғағының май қышқылдарының диэтаноламидтерімен, постмаркетингтік кезеңде тіркелген тері ерітіндісіндегі екі эксципентпен байланысты болуы мүмкін.

Жанаспа экзема (хлоргексидинге жергілікті аллергияның пайда болу қаупі), әсіресе зақымдалған теріге, шырышты қабаттарға немесе аяқтың жараларына қолданған кезде. Жанаспа экземаның суперинфекциямен ауырлауы мүмкін.

٭٭٭Көздің тітіркенуі: кездейсоқ әсер ету кезінде.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

Дәрілік препараттың құрамы

100 мл ерітіндінің құрамында

белсенді заттар: гексамидин диизетионаты 0.1 г

хлоргексидин диглюконаты 0.1 г

хлоркрезол 0.3 г

қосымша заттар: кокамидопропилбетаин, копра майлы қышқылдарының диэтаноламиді, эдет қышқылы, қылқан хош иістендіргіші, сүт қышқылы, тазартылған су.

Сыртқы түрінің, иісінің, дәмінің сипаттамасы

Өзiне тән иiсi бар ашық-саргыш, тұткыр сұйықтық. Шайқағанда көбiк түзедi.

Шығарылу түрі және қаптамасы

250 мл ерітіндіден төмен тығыздықтағы полиэтиленнен жасалған бұралып жабылатын қақпағы бар жоғары тығыздықтағы полиэтилен құтыда.

Құтыға медициналық қолдану жөніндегі мемлекеттік және орыс тіліндегі нұсқаулық жапсырылады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

Жарықтан қорғалған жерде, 25^оС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

Пьер Фабр Медикамент Продакшн

Прогифарм, Лисс к-сі, 45500 Жиен, Франция

тел.:+ 33 1 49 10 80 00, факс: + 33 5 63 71 39 15

е-mail: medical_information@pierre-fabre.com

Тіркеу куәлігінің ұстаушысы

Пьер Фабр Медикамент

45, Абель Ганс алаңы, 92100 Булонь, Франция

тел.:+ 33 1 49 10 80 00, факс: + 33 5 63 71 39 15

е-mail: medical_information@pierre-fabre.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ЕВРОМЕДЕКС» компаниясының Қазақстан Республикасындағы өкілдігі

050009, Алматы қ., Абай д-лы, 153 үй, 13 пәтер

Тел./Факс: +7(727) 3943408, 8-747-168-17-62, 8-747-168-17-69

e-mail: office.kz@euromedex.com

Дәріханалар