Сипаттама
Дәрілік затты медициналық қолдану жөніндегі нұсқаулық
Саудалық атауы
ВАЗОКЕТ®
Халықаралық патенттелмеген атауы
Диосмин
Дәрілік түрі, дозалануы
Таблеткалар, 600 мг.
Фармакотерапиялық тобы
Жүрек-қантамыр жүйесі. Вазопротекторлар. Капиллярларды тұрақтандыратын дәрілер. Биофлавоноидтер. Диосмин.
АТХ коды С05СA03
Қолданылуы
ВАЗОКЕТ ересектерде қолданылады
-вена-лимфа жеткіліксіздігін симптоматикалық емдеуде (аяқтағы ауырлық, ауыру, ісінулер мен құрысулар)
-геморройдың жедел ұстамаларын қысқа мерзімді симптоматикалық емдеу.
Қолдануды бастағанға дейін қажетті мәліметтер тізбесі
Қолдануға болмайтын жағдайлар
- әсер етуші затқа немесе препараттың қосымша заттарының кез келгеніне аса жоғары сезімталдық
- 18 жасқа дейінгі балалар және жасөспірімдер
- емшек емізу кезеңі (қолдану тәжірибесі шектеулі)
Қолдану кезінде қажетті сақтық шаралары
Қатысты емес.
Басқа дәрілік препараттармен өзара әрекеттесуі
Басқа дәрілік заттармен өзара әрекеттестігінің клиникалық тұрғыдан елеулі әсерлері сипатталмаған.
Адреналин меннорадреналиннің тамыр тарылтатын әсерінің күшеюі ықтимал.
Арнайы ескертулер
Жедел геморрой кезінде қысқа мерзімді болуы тиіс. ВАЗОКЕТ® препаратын геморройдың асқынған кезеңінде емдеу үшін қолдануда тік ішектің басқа ауруларын спецификалық емдеуді жоққа шығармауы тиіс. Симптомдары сақталып немесе күшейген кезде проктологтың кеңесіне жүгіну әрі емді қайта қарау қажет.
Педиатрияда қолдану
18 жасқа дейінгі балаларға қолдануға болмайды.
Жүктілік немесе лактация кезеңінде
Жүктілік кезеңінде ана үшін күтілетін пайда шарана үшін потенциалды қауіптен асып кеткен жағдайда ғана дәрігердің тағайындауы бойынша қолдануға болады.
Шаранаға тератогенді әсер анықталмады. Осы уақытқа дейін клиникалық практикада жүкті әйелдерде препаратты қолданған кезде шаранаға мальформациялық немесе фетоуытты әсер ету жағдайлары туралы хабарлама болған жоқ. Дегенмен, қауіпті жоққа шығару үшін деректер жеткіліксіз.
Диосминнің емшек сүтіне түсуі туралы деректер жоқ, сондықтан препаратты лактация кезеңінде қолдану ұсынылмайды.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
ВАЗОКЕТ® автокөлікті және қауіптілігі зор механизмдерді басқару қабілетіне әсер етпейді.
Қолдану жөніндегі нұсқаулар
Дозалау режимі
Созылмалы вена-лимфа жеткіліксіздігі
Созылмалы лимфа-веналық жеткіліксіздігіндетаңертең, дұрысы тамаққа дейін тәулігіне 1 таблеткадан (600 мг/тәулік) тағайындайды.
Жедел геморрой және созылмалы геморройдың асқынуы.
Жедел геморрой және созылмалы геморройдың асқынуы кезінде препаратты тамақтану кезінде тәулігіне 2 немесе 3 таблеткадан (тәулігіне 1200 мг-нан 1800 мг дейін) тағайындайды.
Симптомдар қайта туындаған жағдайда емдеу курсындәрігердің ұсынысымен қайталауға болады.
Препаратты қолданар алдындадәрігерден кеңес алу керек.
Енгізу тәсілі және жолы
Ішке қабылдайды.
Артық дозалану жағдайында қабылдануы қажеті шаралар
Артық дозалану оқиғалары туралы хабарламалар жоқ.
Дәрілік препаратты қолдану тәсілін түсіндіру үшін медицина қызметкерінің кеңесіне жүгініңіз
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Сирек
- препарат компоненттеріне жоғары сезімталдық
- диспепсиялық бұзылыстар (қыжыл, жүрек айнуы, іш ауыруы)
- бас ауыруы
- аллергиялық реакциялар
Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз
Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препараттың құрамы
Бір таблетканың құрамында
белсенді зат: диосмин 600.0 мг,
қосымша заттар: повидон, микрокристалды целлюлоза, жүгері крахмалы, магний стеараты.
Сыртқы түрінің, иісінің, дәмінің сипаттамасы
Сопақша келген, екі жағында сындыруға арналған сызығы бар, сұрғылт-сарыдан ақшыл-сары түске дейінгі таблеткалар.
Шығарылу түрі және қаптамасы
15 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.
2 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Сақтау шарттары
30°С-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецептісіз
Өндіруші туралы мәлімет
Фитео Лаборатуар,
Монбазон 11,37260 Мон, Франция
Телефон/факс:+33 247343300
Электронды пошта: gk@sampharma.kz
Тіркеу куәлігінің ұстаушысы
Страген Фарма СА
Хемин дю Пре-Флери 3, 1228 План-ле-Отс, Женева, Швейцария
Телефон:+41 22 799 19 19,
Fax +41 22 799 19 99
Электронды пошта:info@stragen.ch
Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«Jetcross» (Джеткросс) ЖШС
Қазақстан Республикасы, Алматы қ-сы, Тимирязев к-сі, 42, 15/1 павильон,
1 кеңсе
Телефон: + 7 (727) 269-72-13
Электронды пошта: elmira_tavieva@mail.ru
